1. Mose 31:21 - O Debleskro Drom 2021 (Sinte)

²¹ Un o Jakob un halauter, hoi les his, nashan un djan pral o lengsto pani Eufrat. Un djan ap o drom an i berge, kai kharenna ‘Gilead’.

O Debleskro Lab 2024 (Sinte-Manouche)

²¹ Oun o Yakob oun halauter, hoy les his, nashan oun djan pral o lengsto pani Eufrat. Oun djan ap o drom an i berge, kay kharenna Gilead.

1. Mose 31:21 ပူးပေါင်းရင်းမြစ်များ

1. Mose 15:18

Jaake das o baro Dewel o Abrameste ap ko diwes peskro lab, un penas: “Tire tchawen, kai tutar wenna, dau me kau them mank o lengsto pani o themestar Egiptia un o baro lengsto pani Eufrat.

1. Mose 2:14

Un ko lab o triinto panjestar hi Tigris. Kowa nashell ap koi rig o themestar Assur, kai o kham pre djala. Un o starto pani hi o Eufrat.

1. Mose 31:20

Un o Jakob chochras o Labanes, ko Aramari un penas leske gar, kai jon kaman penge te djal.

1. Mose 31:22

Ap o triinto diwes was o Labaneske penlo, kai o Jakob nashas peske.

1. Mose 31:23

Un o Laban las peskre phralen peha. Un khetne lan le o Jakobes palla efta diwessa un hatsan les ap i berge Gilead.

1. Mose 37:25

Palle beshan pen le tele un chan. Dur glan lende dikan le Ismaelarja. Kolla wan dran ko them Gilead un djan an o them Egiptia. Len his khamele. Kolla hidjran kutch rukengro djet, hoi sungella mishto.

1. Mose 46:28

Har jon an Egiptia wan, bitchras o Jakob peskro tchawes Juda glan win pash o Josefeste, te sikrell job lende o drom an o them Gosen.

2. Samuel 24:6

un dureder an o them Gilead, un an ko them, kai kol Hetarja djiwan pash o foro Kadesh. Un koi pal wan le an Dan-Jaan, un kotar dureder ap o drom, kai djal an Sidon.

1. Rajengro liil 17:1

O Elija dran o gab Tishbe an o them Gilead penas ap o Ahab: “Me penau tuke an o lab o baro Deblestar, kai o Israeleskro djido Dewel hi, glan koleste hom me tardo: An kol bersha, hoi kanna wenna, dell kek brishin, witar gar djal i sapeno ducho pre dran i phub, bis te penau me kowa.”

2. Rajengro liil 12:17

Kol wawar lowe, hoi i menshe pashel dan, har anan le viechen o Debleske, te well lengri doosh krik lino, un te well lauter pale mishto, kol lowe was gar o baro Debleskro khereske lino. Kol lowe his i rashajenge kokres.

Jeremia 50:5

Jon putchenn pal o drom ap i berga Zion, kote kamenn le te djal: “Awenn, te kras men ap o drom pash o baro Debleste! Mer kamah pale leskre menshe te well, un job te well maro Dewel! Kowa te atchell jaake hako tsiro, mer kamah les gar te bistrell.”

4. Mose 24:1

Har o Bileam kanna dikas, kai o baro Debleske kowa mishto hi, te rakrell lo i bacht pral o Israel win, rodas job gar pal i sikepen, hoi leske penell, hoi o Dewel kamella, jaake har kras job kol wawar kope. Job rissras pes un dikas ap o mulo tato them,

4. Mose 32:1

I menshen dran o kheer Ruben un dran o kheer Gad his bud vieche. Un jon dikan, te hi latcho senlepen i viechenge an ko them Jaser un Gilead.

5. Mose 3:12

Kau tselo them lam mer an ko tsiro menge dren. Ko them, hoi hi tchiddo serwes o forestar Aroer un o lengsto panjestar Arnon dom me i familjake Ruben un i familjake Gad. Ninna dom me len o paash them Gilead un kol forja koi dren.

Čačepangre 10:18

Un i pralstune pral kol Israelitarja, kai djiwenn an Gilead, penan jek ap o wawareste: “Koon hi ko mursh, kai glan win djal, te marell lo pes i lurdentsa dran o them Ammon? Kowa te well o pralstuno pral lauterende, kai djiwenn an Gilead.”