1. Mose 31:11 - O Debleskro Drom 2021 (Sinte)

¹¹ Un o Debleskro bolepaskro penas ap mande an i suni: ‘Jakob!’ Penom: ‘Ake hom.’

O Debleskro Lab 2024 (Sinte-Manouche)

¹¹ Oun o Debleskro bolepaskro penas ap mande an i souni: Yakob! Penom: Ake hom.

1. Mose 31:11 ပူးပေါင်းရင်းမြစ်များ

1. Mose 18:1

Un o baro Dewel mukas pes te dikell o Abrahamestar pash kol bare ruka ‘Mamre’, har o diwes tato his un o Abraham glan peskro plachteno kheer beshdo his.

1. Mose 18:17

Koi penas o baro Dewel peske: “Penap me o Abrahameske gar, hoi me kamau te krell? Na-a!

1. Mose 22:1

Pal kau koowa kamas o Dewel te dikell, te shunell o Abraham ap leste o tselo djijeha, un penas ap leste: “Abraham!” Un job penas: “Kate hom.”

1. Mose 22:11

Koi das o baro Debleskro bolepaskro dran o bolepen gole: “Abraham, Abraham!” Penas job: “Kate hom!”

1. Mose 22:15

Un o baro Debleskro bolepaskro das i duito kopo ap o Abrahameste gole dran o bolepen

1. Mose 31:10

Har ko tsiro was, kai wan i vieche bipandlo, dikom an i suni i mursh busja, kai djan ap i viechende. Len his kotja wawar ballentsa har ko wawar bal. Kol kotja his lengsto un sano, ninna bud un tikne, ninna bare kotja.

1. Mose 31:13

Me hom o Dewel, kai mukas pes tutar te dikell an o foro Betel, kai tchiwal mange i bar pre, tchoral djet koi pre un dal tut sowel ap mande. Kanna ste pre, dja dran kau them! Un dja khere an ko them tire menshendar!’”

1. Mose 31:24

An i rati was o Dewel an i suni pash o Laban, ko Aramari. Un penas ap leste: “Kre o Jakobes kek tchilatchepen un de jak ap tire laba, hoi rakreh o Jakobeha!”

1. Mose 31:5

Un job penas ap lende: “Haiwom, kai tumaro dad dikell buder gar latcho ap mande har glan kau tsiro. Miro dadeskro Dewel his mantsa.

1. Mose 37:5

Un o Josef das suni, un penas kowa peskre phralenge. Koi wan jon tchilatcheder ap leste.

1. Mose 46:2

I rati rakras o Dewel leha an i suni un penas ap leste: “Jakob, Jakob!” Un job penas: “Ake hom.”

2. Mose 3:4

Un o baro Dewel dikas, har well o Mose, te dikell lo feteder. Un o Dewel das ap leste gole dran i burra: “Mose! Mose!” Un o Mose penas: “Kate hom.”

Jesaja 58:9

Palle deh tu gole, un o baro Dewel rakrell ap tute pale! Hako kopo, kai deh gole ‘ab ap miri rig’, penell job: ‘Kate hom.’ Tu rikress kekes tele pash tute, un aness tchi ap jekeste pre, hoi gar tchatcho hi, un rakress gar djungeles pral leste.

4. Mose 12:6

Un job penas: “Shunenn mire laba! Te bitchrau me jekes pash tumende, kai penell tumenge mire laba, sikrau leste tchomone an i dikepen un rakrau leha an sunja.

Mateo 27:19

Har o Pilato ap o tchatchepaskro beshepaskro beshdo his, te rakrell lo o tchatchepen pral leste win, mukas leskri romni leske te penell: “Ko mursh anas kek doosh ap peste. Muk les te djal! Taissar rati his man i tchilatchi suni, un man his bare duka dran leste.”

1. Samuel 3:16

Kote das o Eli les gole un penas: “Samuel, miro tchawo!” Un job penas: “Ake hom!”

1. Samuel 3:4

Kote das o baro Dewel o Samueles gole. Un kowa penas: “Ake hom!”

1. Samuel 3:6

Kote das les o baro Dewel gomme jek kopo gole: “Samuel!” Un o Samuel stas pre un djas pash o Eli un penas: “Ake hom, tu dal man gole.” Un o Eli penas: “Me dom tut gar gole miro tchawo. Dja pale pale un tchip tut.”

1. Samuel 3:8

Un o baro Dewel das o triinto kopo ap o Samuel gole. Un kowa stas pre un djas pash o Eli un penas: “Ake hom, tu dal man gole.” Kanna haiwas o Eli, te dell o baro Dewel o tchawes gole.