1. Mose 30:13 - O Debleskro Drom 2021 (Sinte)

¹³ Koi penas i Lea: “Har bachtelo hom me. I romja sharenna man un penenna ‘Hawi bachteli romni!’” Un joi das les ko lab Asser.

O Debleskro Lab 2024 (Sinte-Manouche)

¹³ Koy penas i Lea: “Har barhtelo hom me. I romya sharenna man oun penenna Havi barhteli romni!” Oun yoy das les ko lab Asser.

1. Mose 30:13 ပူးပေါင်းရင်းမြစ်များ

1. Mose 30:12

Un i Silpa anas o Jakobeske i duito tchawes ap i phub.

1. Mose 35:26

I tchawe, kolen i Silpa ap i phub anas, his o Gad un o Asser. I Silpa his koi budepaskretsa, kai his i Leake koi. Kolla his o Jakobeskre tchawe, kai bolde wan an o them Paddan-Aram.

1. Mose 46:17

O Asser un leskre tchawe: o Jimna, o Jishwa, o Jishwi, o Beria un lengri pheen, i Serach. O Beria, les his dui tchawe: o Heber un o Malkijel.

1. Mose 49:20

O Asser, ap leskro them well latcho djob baro, leskri phub anell shukar chapen win – chapen, hoi i bare raja chana!

Gosewe laba 31:28

Lakre mursh tchawe stakrenn glan un sharenn lat. Un lakro rom sharell lat kal labentsa:

Kamlepaskri gili 6:9

Jek kokres hi miri tauba, miri gudli. Lakri dat hi kek wawar tchai. Lake hi li i latcheder tchai. I wawar tcha dikan lat un penan: Har bachteli hi li! O baro rajeskre romja un wawar djuwja dikan lat un sharan lakro shukapen.

Louka 1:48

Me hom gar moldo, te dikas o Dewel jaake latches ap mande. Un kanna sharenn man i tsele menshe. Un lengre tchawe penenna mandar, kai o Dewel man bachteles kras.