1. Mose 3:23 - O Debleskro Drom 2021 (Sinte)

²³ Un o baro Dewel, maro rai, bitchras les win dran i baar ‘Eden’, te budrell job ap i hachetikri phub. Dran i tchik i phubjatar was o mensho kerdo. Un kanna hunte budrell job koi pre.

O Debleskro Lab 2024 (Sinte-Manouche)

²³ Oun o baro Devel, maro ray, bičras les vin dran i baar Eden, te boudrell yob ap i harhetikri phoub. Dran i čik i phoubyatar vas o mensho kerdo. Oun kanna hounte boudrell yob koy pre.

1. Mose 3:23 ပူးပေါင်းရင်းမြစ်များ

1. Mose 2:5

Ap ko tsiro, har o baro Dewel, maro rai, i phub un o bolepen kras, his kek ruka ap i phub, witar kek senlepen. O baro Dewel, maro rai, das kek brishin ap i phub. Un his kek mensho koi, kai budras ap i phub.

1. Mose 2:7

Un o baro Dewel, maro rai, kras o romes dran tchik i phubjatar. Un phurdas peskro ducho, hoi della o djipen, an o romeste. Un o rom was djido.

1. Mose 2:8

Un o baro Dewel, maro rai, kras i baar an Eden, ap koi rig, kai o kham pre djala. Kote tchiwas job ko romes, koles job kras.

1. Mose 3:19

Tu hunte budress jaake phares tiro chapaske, te nashell o pani pral tiro mui, bis te weh pale phub. Tu hal kerdo dran i tchik i phubjatar. Un tu weh pale, hoi tu hals.”

1. Mose 3:22

Un o baro Dewel, maro rai, penas: “Dikenn, o mensho was jaake har mer: Job djinell, hoi hi latcho un hoi hi tchilatcho. Kanna hi gar mishto, te chal lo ninna ko rukestar, hoi della o djipen. Palle djiwell job hako tsireske.”

1. Mose 3:24

Un o Dewel tradas len win. Glan i baar ‘Eden’, ap koi rig, kai o kham pre djal, tchiwas o Dewel bolepangre i chareha, hoi chatchella un djal jek rigjatar ap i wawar, te denn le garda, te djal kek pash ko ruk, hoi della o djipen.

1. Mose 4:12

Te kreh tiri budi ap i hachetikri phub, well kote tchi tuke baro. Tu hunte djas trujel ap i phub. Tut wella kek them, kai khere hal.”

1. Mose 4:2

Un pal kowa anas joi i duito tchawes ap i phub. Koles das li o lab Abel. O Abel was i bakrengro. O Kain was i hacho un budras ap i hachetikri phub.

1. Mose 9:20

Un o Noah his i hacho un tchiwas drakengre ruka an i phub.

Sikepaskro 5:9

Kowa, kai i lowe kamella, koles nai well gar doha lowe. Un kowa, kai lell pes brawlepen khetne, koles nai well witar gar doha. Ninna kau koowa hi tchitcheske.