1. Mose 3:19 - O Debleskro Drom 2021 (Sinte)

¹⁹ Tu hunte budress jaake phares tiro chapaske, te nashell o pani pral tiro mui, bis te weh pale phub. Tu hal kerdo dran i tchik i phubjatar. Un tu weh pale, hoi tu hals.”

O Debleskro Lab 2024 (Sinte-Manouche)

¹⁹ Tou hounte boudress yaake phares tiro rhapaske, te nashell o pani pral tiro mouy, bis te veh pale phoub. Tou hal kerdo dran i čik i phoubyatar. Oun tou veh pale, hoy tou hals.”

1. Mose 3:19 ပူးပေါင်းရင်းမြစ်များ

1. Mose 18:27

Penas o Abraham: “Shun, miro rai, me lom man khetne, te rakrap tuha, kai me tchik un tchi moldo hom.

1. Mose 2:7

Un o baro Dewel, maro rai, kras o romes dran tchik i phubjatar. Un phurdas peskro ducho, hoi della o djipen, an o romeste. Un o rom was djido.

1. Mose 23:4

Un job penas ap lende: “Me hom mank tumende i wi-themari. Man hi kek kotar them pash tumende. Kanna mangau tumen: Denn man i kotar them pash tumende, te paskrap miri muli romjat.”

1. Mose 3:18

Subjengre burra wenn baro ap tiri hachetikri phub un tu chah ko senlepen, hoi well koi pre baro.

1. Mose 5:5

Leskro tselo djipen his 930 (enja-sheel-te-triin-deesh) bersha. Un job meras.

Hiob 1:21

Un job penas: “Har boldo wom, his kek koola ap mande. Un ap ko diwes, kai merau, lau kek koola mantsa. O baro Dewel das man lauter, hoi man hi. Un o baro Dewel las les pale mandar. Job well sharedo!”

Hiob 10:9

Ma biste, te kral man dran tchik. Kameh tu kanna, te wap pale tchik?

Hiob 19:26

Ninna te hi miro mass jaake dukedo un wom jaake sano, well ko tsiro, kai dikau miro Debles.

Hiob 21:26

Khetne hi le tel i phub, un i kirme tchakrenn len.

Hiob 34:15

palle merans halauter, hoi djiwenn, ap jek kopo, un o mensho wals pale tchik.

Hiob 4:19

Har bud budeder hatsell lo doosh ap kolende, kai wan dran tchik kerdo – ap kolende, kai nai wenn khetne stakedo har i kirmo.

Debleskri gili 103:14

Job djinell, kai menshe ham; te ham dran tchik kerdo, bistrell lo gar.

Debleskri gili 104:23

Palle djan i menshe win ap pengri budi un budrenna bis ap i rat.

Debleskri gili 104:29

Tu te djah lendar krik, taprell len i daar. Tu te leh lendar o ducho, merenn le, un wenn pale tchik.

Debleskri gili 127:2

Tchitcheske hi, te stenn tumer sik taissarlakro pre, un han beshdo bis an i rat, un marenn tumen tele, te lenn tumaro chapen. Kowa dell o baro Dewel peskre malen an o sopen.

Debleskri gili 22:15

Miri soor hi win tchoredo har pani, mire tsele kokale rikrenn buder gar khetne, Miro dji nashras peskri soor, har i momeli hoi tele chatchras.

Debleskri gili 22:29

O baro Dewel hi o rai pral i tseli phub. Awa, o baro rai hi lo pral i tsele themma.

Debleskri gili 90:3

Tu penell menge: “Awenn pale, tumer menshe!” Un mukeh men pale tchik te well.

Gosewe laba 21:16

I mensho, kai kamell gar te djinell, hoi gosewo hi, djal ap o drom pash i mulende.

Sikepaskro 1:13

Miri tseli djijeskri sorjah un goswepah rodom, te haiwap o tselo koowa, hoi ap i phub halauter kerdo wella. Hawo pharepen das o Dewel i menshende, te marenn le pen tele koleha.

Sikepaskro 1:3

Hoi lell o mensho peske dran peskri tseli phari budi, hoi les hi ap kai phub?

Sikepaskro 12:7

O mensho well pale phub, kolatar job kerdo was. Un o ducho hunte djal pale pash o Debleste, kai das o duches o mensheste.

Sikepaskro 3:20

Halauter hunte merell, hako djipen was dran i tchik, un hako djipen well pale tchik.

Sikepaskro 5:15

Job hunte djal, har lo was. Kowa hi i bari bibacht leske. Leskri phari budjatar atchell leske tchi. Kowa hi, har te marals lo pes tele tchitcheske.

Daniel 12:2

Un bud kolendar, kai tel i phub tchiddo his un sowan, kolla stenn pre, ko jek o djipaske, hoi gar pre herella, un ko wawar i bari ladjake un o praassepaske, hoi buder gar pre herella.

1. Korintarja 15:47

O ersto mensho was i phubjatar un dran tchik kerdo. O duito mensho, o Jesus Kristo, was dran o bolepen.

Efesarja 4:28

Koon tchoras an peskro phuro djipen, kowa tchorell buder gar! Job hunte budrell peskre wastentsa, te well les doha djipaske, un te nai dell lo ninna i tchorwelen tchomone.

1. Tessalonikarja 2:9

Mire phrala, tumer djinenna, har phari mari budi his, har hams pash tumende, un sikram tumende o Debleskro drom. Ap o diwes un an i rat budram, te djiwas gar dran tumari possita.

2. Tessalonikarja 3:10

Ninna har pash tumende hams, penam tumenge: Kowa, kai kamell gar te budrell, kowa hunte chal witar gar.

Hebrearja 9:27

Un jaake har i tsele menshe hunte merenna jek kopo, un palle rakrell o Dewel o tchatchepen pral lende win,