1. Mose 3:16 - O Debleskro Drom 2021 (Sinte)

¹⁶ Ap i romjate penas o Dewel: “Me kamau tuke phares te krell, te weh an wawar koowa. Dukentsa aneh tu tchawen ap i phub. Un tiro dji dell gole pal tiro romeste. Job hi pral tute o rai.”

O Debleskro Lab 2024 (Sinte-Manouche)

¹⁶ Ap i romyate penas o Devel: “Me kamau touke phares te krell, te veh an vavar koova. Doukentsa aneh tou čaven ap i phoub. Oun tiro dji dell gole pal tiro romeste. Yob hi pral toute o ray.”

1. Mose 3:16 ပူးပေါင်းရင်းမြစ်များ

1. Mose 4:7

Kowa hi jaake: Te kreh, hoi mishto hi, nai dikeh tu i menshen an i jaka. Te kreh, hoi gar mishto hi, hi o tchilatchepen gar dur tutar, un kamell rai pral tute te well. Tu hunte wess rai pral o tchilatchepen.”

1. Familjakro liil 4:9

Un o Jabez his an-dikleder har leskre phrala. Har lo boldo was, das les leskri dai ko lab Jabez, un penas: ‘Me anom les bud dukentsa ap i phub’.

Ester 1:20

Kanna te well kau lab o baro rajestar penlo an o tselo them, palle dikenn i tsele djuwja pre ap pengre romende, – pash i brawelende, ninna pash i tchorwelende.”

Debleskri gili 48:6

Jon dikan kowa un lenge atchas o dji tardo. Len tapras i daar un jon nashan penge.

Jesaja 13:8

Un jon perenn an pende khetne, tserdenn pen khetne i dukatar har i djuwel, te lell li i ternepen. Jek dikell darenes ap o wawareste, un lengre muja hi lolo har jag.

Jesaja 21:3

Hoi shunom, hi jaake djungelo, kai phagau khetne. Hoi dikom, krell man bari traash. Mire kokale trissenna, duka tapran man har i djuwjat, kai lell i ternepen.

Jesaja 53:11

Job las jaake bud daar un duka ap peste, doleske dikell job ninna i momeli, un leskro dji well tchalo. Miro budepaskro hi tardo an o tchatchepen. Un dran kowa lauter, hoi ap leste was, nai tchiwell job ninna bud menshen an o tchatchepen. Un lengri doosh lell job ap peste.

Jeremia 13:21

Hoi peneh tu, te kamell o baro Dewel, te wenn kolla rai pral tute, kai an tire jaka tire mala his? I dukatar deh tu gole har i djuwel, kai lell i ternepen.

Jeremia 22:23

Kanna hi tiro baro rai beshdo ap i berga Libanon, un mukell peske mishto te djal an khera dran zedertikro kasht. Sik well koi phagi pral leste. Un palle dell lo gole i dukatar, har i djuwel, kai lell i ternepen.

Jeremia 4:31

Me shunau i gole, har i djuwjatar, kai lell o ersto kopo i ternepen. Kaja hi koi gole o forestar Zion, kai taprell pal ducho, un peskre wasta pre hadell, un gole dell: Me hom nashedo! Kolla wenna un denn man mulo!

Jeremia 49:24

I menshe an Damaskus hi dareno un nashenn penge. Jon trissenna, un bari traash un duka hi an lende, har i djuwjat hi, kai anell i ternepen ap i phub.

Jeremia 6:24

Mer shunam lendar, un mare mussja peran menge tele. Un i bari traash was ap mende. Men hi bare duka har i djuwel, kai i ternepen lella.

4. Mose 30:13

Te penell lakro rom, te krell li kowa gar, ap hoi das li pes sowel, ap ko diwes, kai job kowa shunas, palle hunte rikrell li gar peskri sowel un peskro lab. Un o baro Dewel hidjrell lake tchi palla. Job djinell, kai lakro rom kowa gar kamas.

Johanni 16:21

I djuwel, kai lell i ternepen, kolat hi duka. Te hi ko ternepen koi, bistrell li kol duka. Jaake bari hi lakri bacht, kai joi las i ternepen.

1. Korintarja 11:3

Me kamau te djinenn tumer, kai o Jesus Kristo hi o pralstuno pral hako mursheste. Un o rom hi o pralstuno pral peskri romjate. Un o Dewel hi o pralstuno pral o Jesus Kristeste.

1. Korintarja 14:34

Te wenn tumer khetne an o Debleskro kheer, ma mukenn i djuwjen te rakrell. Jon hunte shunenn ap kowa, hoi penlo wella. Jaake hi ninna tchinlo an o Moseskre lila.

1. Korintarja 7:4

Koi romjat hi gar pral peste penepaske. Ko tchatchepen hi o romes. Witar gar hi ko romes pral peste penepaske. Ko tchatchepen hi i romjat.

Kolossarja 3:18

Tumer djuwja, ma hadenn tumen pral tumare romende! Jaake kamell kowa tumaro rai Jesus tumendar.

1. Tessalonikarja 5:3

Te penenn i menshe: “Lauter hi mishto, kek kurepen hi kai, un men hunte well kek daar”, palle well i bibacht pral lende, un jon nai nashenn gar krik. Koi bibacht well pral lende jaake sik, har i duka wenn pral i djuwjate, kai lell i ternepen.

1. Timoteo 2:13

Hoske penau kowa? Doleske: O Adam was glan i Eva kerdo.

1. Timoteo 2:15

I djuwel well sharedo, te lell li tchawen, un te patsell li ap o Jesuseste, un te hi lat o Debleskro kamlepen an lakro dji, un te djiwell li i djudjo djipen glan o Debleste un glan i menshende.

Tito 2:5

te denn le pen jak, hoi jon rakrenna, te krenn le kek wi-ladjedo koowa, te krenn le pengri budi mishto an pengro kheer, te wenn le latches, un te shunell hakeni ap peskro romeste! Jon te krenn kowa lauter, palle rakrell nai kek mensho djungeles pral o Debleskro lab.