1. Mose 3:14 - O Debleskro Drom 2021 (Sinte)

¹⁴ Koi penas o baro Dewel, maro rai, ap o sap: “Praassedo wess koleske, hoi tu kral. Tuke djan le dran o drom, – tuke kokres un gar i tsele wawar viechenge. Tu djas ap tiro per un chas tchik tiro tselo djipen.

O Debleskro Lab 2024 (Sinte-Manouche)

¹⁴ Koy penas o baro Devel, maro ray, ap o sap: “Praasedo vess koleske, hoy tou kral. Touke djan le dran o drom, – touke kokres oun gar i tsele vavar firhenge. Tou djas ap tiro per oun rhas čik tiro tselo djipen.

1. Mose 3:14 ပူးပေါင်းရင်းမြစ်များ

1. Mose 3:1

O sap his gosweder har i tsele wawar vieche, hoi kras o baro Dewel, maro rai. Un o sap penas ap i romjate: “Penas o Dewel tchatchepah, te hunte chan gar i rukendar an i baar?”

1. Mose 4:11

I phub kras peskro mui pre un pijas tiro phraleskro rat, koles tu mulo dal. Kanna nai budress buder gar ap i phub. Tu wess praassedo ap i phub.

1. Mose 9:6

O Dewel kras o menshes, jaake har job hi. Doleske hunte well kowa mulo dino i menshestar, kai i menshes mulo das.

Debleskri gili 72:9

Glan leste mukenn pen kolla tele te perell, kai an o mulo tato them djiwenna. Un kolla, kai les gar kamenna, hunte tchiwenn pen glan leste an i tchik.

Jesaja 29:4

Palle han tchiddo ap i phub. Un dran i tchik rakrenn tumer palle jaake, har te wans tel i phub. Un tumaro rakepen well gar mishto shunlo, un hi har o rakepen i mulestar, kai dran i phub rakrell.

Jesaja 65:25

O diwjo djuklo un o terno bakro chan khetne jek pash o wawar. Un o lewo chal phuss har i grumni, un o sap hunte chal tchik. Kek krell tchomone, hoi duka anell, witar tchi, hoi tchilatcho hi ap miri tseli berga, kai djiwau, penell o baro Dewel.

3. Mose 20:25

Doleske ma chan sawe viechen un tchirklen, hoi tchiwom ap i rig, te wenn le tumenge pale-tchiddo. Tumer hunte djinenn, hawe viechen nai chan un hawen nai chan gar, ninna hawe tchirklen nai chan un hawen nai chan gar. Ma krenn tumen pale-tchiddo kol viechentsa un tchirklentsa un tikne viechentsa, hoi djan pral i phub, hoi hi tumenge pale-tchiddo. Te chan tumer sawe viechen, wenn tumer ninna pale-tchiddo.

Micha 7:17

Jon hunte tchiwenn pen ap i phub pengre mujentsa an i tchik har i sapa un i kirme. Un trisslepah wenn le win dran pengre sorele khera, un wenn glan tute, maro baro Debleste, bari darjah.