1. Mose 28:20 - O Debleskro Drom 2021 (Sinte)

²⁰ Un o Jakob das pes sowel un penas: “Hi o baro Dewel mantsa un dell garda ap mande ap miro drom, kai me djau, un dell man chapaske un an-ripaske,

O Debleskro Lab 2024 (Sinte-Manouche)

²⁰ Oun o Yakob das pes sovel oun penas: “Hi o baro Devel mantsa oun dell garda ap mande ap miro drom, kay me djau, oun dell man rhapaske oun an-ripaske,

1. Mose 28:20 ပူးပေါင်းရင်းမြစ်များ

1. Mose 28:15

Tu djiness, me hom tuha un dau garda ap tute, kote, kai tu djah. Un anau tut pale an kau them. Me mukau tut gar, bis te krom halauter, hoi tuke penom.”

1. Mose 31:13

Me hom o Dewel, kai mukas pes tutar te dikell an o foro Betel, kai tchiwal mange i bar pre, tchoral djet koi pre un dal tut sowel ap mande. Kanna ste pre, dja dran kau them! Un dja khere an ko them tire menshendar!’”

1. Mose 35:3

Awenn, djas an o foro Betel. Kote krau i chatchepaskri o Debleske, kai shunas man ap ko diwes, kai an i bibacht homs. Ko Dewel his pash mande ap miro drom bis kanna.”

2. Samuel 15:8

Har homs an o foro Geshur an o them Syria dom man sowel un penom: ‘Te anell man o baro Dewel pale pale an o foro Jerusalem, kamau man pash o Debleste te parkrell un les an-mangell.’”

1. Familjakro liil 4:10

Un o Jabez das gole ap o Israeleskro Debleste un penas: Tchip tiri bacht ap mande, un kre miro them bareder har lo kanna hi. Ab mantsa, un rike tiro wast pral mande, te well nai kek duk pral mande! Un o Dewel mukas te well, hoi job putchas peske lestar.

Debleskri gili 116:14

Glan peskre tsele menshende anau o baro Debleske kowa, hoi dom man sowel glan leste.

Debleskri gili 116:18

Glan tire tsele menshende anau tuke, hoi dom man sowel glan tute,

Debleskri gili 119:106

Me dom man sowel, un me kamau lat te rikrell: Kamau te djap pal tire tchatchepaskre laba.

Debleskri gili 132:2

Job das pes sowel glan tute, o Jakobeskro sorelo Debleste, un penas:

Debleskri gili 22:25

Job dikas gar krik o tchorwelestar un leskre duka, un khatras gar peskro mui lestar, Na-a, har job ap leste gole das, shunas lo les.

Debleskri gili 56:12

Ap leste dikau un rikrau man, un darau gar. Hoi nashte krenn man i menshe?

Debleskri gili 61:5

Muk man an tiro kheer te djiwell hako tsiro, tel tire mussja man te khatrell, har i tikno tchirklo khatrell pes tel peskri dakre mussja.

Debleskri gili 61:8

Job te atchell o baro rai glan tute, miro Dewel, hako tsiro! De tu an tiro latchepen un tchatchepen jak ap leste!

Debleskri gili 66:13

Doleske kamau an tiro kheer te djal, te anap tuke viechen, hoi tuke chatchedo wenna. Kamau te dap tut, hoi dom man sowel glan tute.

Debleskri gili 76:11

Te hadenn pen chojede menshe pral tute, maro Debleste, well diklo, har baro tu hal. Un kowa, hoi pral atchell lengri choljatar, hi tuke har i shukar ripen, hoi riweh.

Jesaja 19:21

Un o baro Dewel sikrell pes palle i Egiptarende, un jon prindjrenn les un mangenn les an, un anenn leske viechen un chapen, hoi well leske chatchedo. Un denn pen glan leste sowel, te denn le les tchomone, un rikrenn koi sowel ninna.

Johanni 1:16

Mer halauter lam pale un pale bud latchepen lestar, kai les jaake bud hi.

Bičepangre 18:18

O Paulo atchas i tsiro an o foro Korint. Koi pal penas lo i patslenge: “Atchenn o Debleha!” Un job uleras ap o shiffo pral o baro pani an o them Syria. I Priska un o Akwila his pash leste. Glan kowa, har jon an o foro Kenchrea ap o shiffo djan, das pes o Paulo sowel un mukas peskre balla tele te tchinell.

1. Timoteo 6:8

Te hi men chapaske un ripaske, hi menge kowa doha.

1. Samuel 1:11

un das pes sowel un penas: “Tu, baro Dewel un rai pral o bolepen un i phub, tu te dikeh kanna tiri tchorweli budepaskretsa an, un bistreh lat gar, un deh tiri budepaskretsat i mursh tchawes, palle dau me les tute o tselo tsiro, hoi job djiwella. Un kek tchuri well ap leskre balla, hoi tchinals len tele.”

1. Samuel 1:28

Doleske dau les me kanna ninna o baro Debleste pale, te well lo leskro, jaake rah har job djiwella.” Un jon mangan kote o baro Debles an.

1. Samuel 14:24

O Saul das i Israelitarjen trad un penas: “Bibacht pral koleste, kai chal kau diwes, jaake rah o kham gomme gar tele djas, un me gar kolen lauteren pale dom, kai kaman man te marell.” Doleske his i murshen dran Israel buder kek soor i bokatar, un o marepen was lenge phares.