1. Mose 28:18 - O Debleskro Drom 2021 (Sinte)

¹⁸ Taissarlakro stas o Jakob pre, las ko bar, hoi tel leskro shero tchiddo his, tchiwas les pre, un tchoras djet koi pre.

O Debleskro Lab 2024 (Sinte-Manouche)

¹⁸ Taysarlakro stas o Yakob pre, las ko bar, hoy tel leskro shero čiddo his, čivas les pre, oun čoras djet koy pre.

1. Mose 28:18 ပူးပေါင်းရင်းမြစ်များ

1. Mose 21:14

Sik taissarlakro stas o Abraham pre, las maro un i gono pherdo pani un tchiwas kowa i Hagar ap o phiko, das late ninna o tchawes, un bitchras len pestar krik. Koi djas joi peske un nashas trujel an o mulo tato them pash o foro Beersheba.

1. Mose 22:3

Koi stas o Abraham sik taissarlakro pre, kras kasht tikno chatchepaske, tchiwas ko kasht ap peskri burika un las dui budepangre un peskro tchawes Isaak peha, un djas kote, kai o Dewel leske penas.

1. Mose 28:11

Har o kham tele djas, was job ap i platsa un atchas i rati koi. Job las jek bar, hoi kote tchiddo his, tchiwas les tel leskro shero un tchiwas pes tele.

1. Mose 31:13

Me hom o Dewel, kai mukas pes tutar te dikell an o foro Betel, kai tchiwal mange i bar pre, tchoral djet koi pre un dal tut sowel ap mande. Kanna ste pre, dja dran kau them! Un dja khere an ko them tire menshendar!’”

1. Mose 31:45

Un o Jakob las i bar un tchiwas les o Debleske pre.

1. Mose 35:14

Un ap koi platsa, kai o Dewel rakras leha, tchiwas o Jakob i bar pre. Un tchoras mool un djet koi pre o Debleske.

1. Mose 35:20

Un o Jakob, kai kharella ninna Israel, tchiwas i bar pre kote, kai li paskedo hi. Kowa nashte well diklo bis kai diwes.

2. Samuel 18:18

Har o Absalom djiwas, penas lo: “Man hi kek tchawo, kai rikrell miro lab djido, te merell miro lab gar win.” Doleske tchiwas lo peske i baro bar pre un das ko bar peskro lab. Un jaake kharell ko bar bis kai diwes ‘O Absalomeskro bar’. Kowa hi ap o baro rajeskro them tardo.

Debleskri gili 119:60

Me tradom man, un krau sik, hoi tu mandar kameh.

Sikepaskro 9:10

Halauter, hoi tuke glan o wast well, te kress, kowa kre o tselo djijestar! Pash i mulende, kai tu ninna hunte djas, kote well buder tchi kerdo. Un kek krell peske kote i shero, hoi nai krell lo, har nai djinell lo tchomone, un har nai well lo gosewo.

Jesaja 19:19

Ap ko diwes hi mashkral an o them Egiptia i chatchepaskri, kai vieche o baro Debleske chatchedo wenna, un kote, kai i themma Egiptia un Israel khetne wenna, well i baro bar o baro Debleske pre tardo, kai lo sharedo wella.

4. Mose 7:1

Un har o Mose o Debleskro plachteno kheer pre tchiwas, makas lo les o djeteha o Debleske. Ninna ko tselo koowa, hoi koi dren hi, ninna o Debleskri chatchepaskri un halauter, hoi pashel hi, makas job o djeteha o Debleske.

Josua 4:9

Deesh-te-dui wawar barra tchiwas o Josua mashkral an o pani Jordan, kote kai i herja kol rashajendar tardo his, kai hidjran o mochton, kai o Debleskre deesh laba dren hi. Un kote hi kol barra ninna gomme kau diwes.

1. Samuel 7:12

Un o Samuel las i bar un tchiwas les pre mashkral Mizpa un Shen, un das les o lab Eben-Eser, un penas: O tselo drom his o baro Dewel ap mari rig.