1. Mose 28:16 - O Debleskro Drom 2021 (Sinte)

¹⁶ Koi djangras o Jakob dran o sopen pre un penas: “Tchatchepah, o baro Dewel hi ap koi platsa. Un me djinom kowa gar.”

O Debleskro Lab 2024 (Sinte-Manouche)

¹⁶ Koy djangras o Yakob dran o sopen pre oun penas: “Čačepah, o baro Devel hi ap koy platsa. Oun me djinom kova gar.”

1. Mose 28:16 ပူးပေါင်းရင်းမြစ်များ

1. Rajengro liil 3:15

Un har o Salomo pre djangras, haiwas lo, kai job i suni das. Un job was an o foro Jerusalem, un atchas glan o mochton tardo, kai o Debleskre deesh laba dren his. Un job mukas viechen te marell. Bud lendar wan tseles chatchedo o Debleske. Un wawarendar chatchran le o thulepen un kotja mass, te parkrenn le pen pash o Debleste. Ko wawar mass chan le khetne. Un o Salomo kras i baro chapen un mukas i tsele pralstunen, kai leske budran, te well.

Hiob 33:14

Pale te pale rakrell job, jek kopo jaake, un jek kopo jaake. Un mer menshe dah gar jak koi pre.

Hiob 9:11

Job djal glan mande dureder, un me dikom les gar. Job djal glan mande dureder, un me haiwom gar, te his lo koi.

Debleskri gili 139:7

Kai djau me nai, te wap dur tutar? Kai nashap, kai tu man gar dikeh?

Debleskri gili 68:35

Hadenn o Debles! Job hi o bareder. Leskro railepen hi pral o Israel, un leskri soor djal bis ap i wolke.

2. Mose 15:11

Kek hi jaake har tu, o baro Dewel. Kek hi jaake har tu mank lauterende, kai kharenn pen Dewel! Tu hal o tchatcho Dewel, un kek wawar hi jaake sorelo har tu! Tu kral dareno koowa, hoi kek wawar nai krella.

2. Mose 3:4

Un o baro Dewel dikas, har well o Mose, te dikell lo feteder. Un o Dewel das ap leste gole dran i burra: “Mose! Mose!” Un o Mose penas: “Kate hom.”

2. Mose 3:5

Penas o Dewel: “Ma dja dureder! Rib tire kircha win! Kai tu tardo hal, hi o Debleskri phub.”

Jesaja 8:13

O baro Debles, ko rajes pral o bolepen un i phub mukenn kokres tumaro Dewel te well! Un kolestar darenn un trashenn!

Jeremia 31:26

Har djangrom un krom mire jaka pre, haiwom, kai miro sopen shukar his.

4. Mose 12:6

Un job penas: “Shunenn mire laba! Te bitchrau me jekes pash tumende, kai penell tumenge mire laba, sikrau leste tchomone an i dikepen un rakrau leha an sunja.

Josua 5:13

His i diwes, har o Josua pash o foro Jericho his, koi dikas job ap jek kopo i murshes glan peste. Koles his peskro charo an o wast. Un o Josua djas pash leste un penas: “Ap koneskri rig hal tu? Ap mari rig? Ap i wawarengri rig?”

Josua 5:15

Koi penas o pralstuno pral o baro Debleskre lurdende ap leste: “Rib tire kircha win! I phub, ap koi tu tardo hal, hi o Debleskri phub.” Un o Josua kras jaake.