1. Mose 28:13 - O Debleskro Drom 2021 (Sinte)

¹³ Un o baro Dewel his tardo pral pre un penas: “Me hom o baro Dewel, ko Dewel tiro papestar Abraham un ninna o Isaakeskro Dewel. Kau them, kai tu tchiddo hal, dau tut un tire tchawen, kai pal tute wenna.

O Debleskro Lab 2024 (Sinte-Manouche)

¹³ Oun o baro Devel his tardo pral pre oun penas: “Me hom o baro Devel, ko Devel tiro papestar Abraham oun ninna o Isaakeskro Devel. Kava them, kay tou čiddo hal, dau tout oun tire čaven, kay pal toute venna.

1. Mose 28:13 ပူးပေါင်းရင်းမြစ်များ

1. Mose 12:7

Un o baro Dewel mukas pes o Abramestar te dikell, un penas ap leste: “Tire tchawen un kolengre tchawen un lauteren, kai pal tute wenna, kolen kamau kau them te dell.” Koi kras o Abram i chatchepaskri o baro Debleske, kai wenn vieche leske chatchedo – kote, kai o Dewel mukas pes lestar te dikell.

1. Mose 13:15

Ko tselo them, hoi dikeh, kowa dau tut un tire tchawen, kai pal tute wenna. Ko them hi tumaro hako tsiro.

1. Mose 13:17

Dja trujel an o tselo them! Tut dau ko tselo them.”

1. Mose 15:1

Koi pal mukas o baro Dewel o Abrames leskri gole te shunell un penas ap leste: “Ma traash, Abram! Me rikrau mire wasta pral tute. Un me hom tuke i baro brawlepen.”

1. Mose 15:18

Jaake das o baro Dewel o Abrameste ap ko diwes peskro lab, un penas: “Tire tchawen, kai tutar wenna, dau me kau them mank o lengsto pani o themestar Egiptia un o baro lengsto pani Eufrat.

1. Mose 26:24

An koi rati mukas pes o baro Dewel lestar te dikell un penas: “Me hom o Dewel tiro dadestar Abraham. Ma traash! Me hom tuha. Me tchiwau miri soor un miri bacht ap tute. Tire tchawe, kai pal tute wenna, wenna bud un budeder. Jaake dom miro lab o Abrahameste, kai mange koi his.”

1. Mose 26:3

Atch i tsiro an kau them. Me hom pash tute, te tchiwap miri soor un miri bacht ap tute. Kalla tsele themma dau me tut un tire tchawen, kai pal tute wenna. Me rikrau miro lab, hoi dom tiro dadeste Abraham, un kai dom miro wast koi pre.

1. Mose 28:4

Koi bacht un koi soor, hoi o Dewel tchiwas ap o Abrahameste, mu well ap tute un ap tire menshende! Tu leh kau them, kai tu kanna i wi-themari hal – ko them, hoi o Dewel o Abrahameste das.”

1. Mose 31:13

Me hom o Dewel, kai mukas pes tutar te dikell an o foro Betel, kai tchiwal mange i bar pre, tchoral djet koi pre un dal tut sowel ap mande. Kanna ste pre, dja dran kau them! Un dja khere an ko them tire menshendar!’”

1. Mose 31:42

O Dewel miro dadestar, kai ninna o Abrahameskro Dewel hi, un kolestar trashell miro dad Isaak, te wals ko Dewel gar ap miri rig, tchatchepah, mukals man tchorweles te djal. O Dewel dikas, har marom man tuke tele un har pharo miri budi his. Doleske his job taissar rati ap miri rig tardo.”

1. Mose 31:5

Un job penas ap lende: “Haiwom, kai tumaro dad dikell buder gar latcho ap mande har glan kau tsiro. Miro dadeskro Dewel his mantsa.

1. Mose 31:53

Ko Dewel, kai hi o Abrahameskro Dewel un o Nahoreskro Dewel, kowa mu dell koles i phagi, kai rikrell pes gar ap kowa.” Jaake das pes o Jakob sowel ap ko Debleste, kai leskro dad Isaak daras lestar.

1. Mose 32:10

Un o Jakob penas ap o Debleste: “Tu, o Dewel miro papestar Abraham un miro dadestar Isaak, tu hal o baro Dewel, kai penal ap mande: ‘Dja pale an tiro them un pash tire menshende. Me krau tuke latchepen.’

1. Mose 32:9

Job penas peske: “Te well o Esau un dell kolen ap koi jek rig mulo, nashenn nai kolla ap koi wawar rig.”

1. Mose 35:1

Un o Dewel penas ap o Jakobeste: “Kre tut ap o drom, dja an o foro Betel! Atch kote un kre kote i chatchepaskri, te chatchress mange viechen. Me hom ko Dewel, kai mukas pes tutar te dikell, har tu tiro phralestar Esau krik nashal.”

1. Mose 35:12

Un ko them, hoi dom o Abrahameste un o Isaakeste, dau tute ninna un tire menshende.”

1. Mose 35:15

Un job das koi platsa ko lab Betel.

1. Mose 35:17

Har lakre duka baro his, penas koi chatchepaskri gadji ap late: “Ma traash! Ninna kowa hi i mursh tchawo.”

1. Mose 46:3

Un o Dewel penas: “Me hom o Dewel, ko Dewel tiro dadestar. Ma traash te djas an o them Egiptia! Koi krau me, te wess o dad i bari natsjona.

1. Mose 48:3

Un o Jakob penas ap o Josefeste: “O sorelo Dewel mukas pes mandar te dikell an o foro Lus an o them Kanaan. Un job rakras latche laba ap mande un penas:

1. Familjakro liil 16:16

Kowa hi ko lab, hoi das lo o Abrahameste, koi sowel, hoi das lo o Isaakeste,

1. Familjakro liil 16:18

Job penas: “Tuke dau kau them Kanaan, kowa hi ko them hoi tumenge well.”

Debleskri gili 105:11

Job penas: “Tuke dau kau them Kanaan, kowa hi ko them, hoi tumenge well.”

2. Mose 2:24

Un job shunas lengri gole, un bistras gar ko lab, hoi das job o Abraham, o Isaak, un o Jakob, te well lo lengro Dewel un jon peskre menshe.

2. Mose 3:6

Un pale penas lo ap o Moseste: “Me hom tiro dadeskro Dewel, un o Abrahameskro Dewel, un o Isaakeskro Dewel un o Jakobeskro Dewel.” Un o Mose tchiwas i diklo glan peskre jaka. Job daras, te dikell lo ap o Debleste.

2. Mose 4:5

Un o baro Dewel penas: “Mose, kre kawa glan i Israelitarja! Palle patsenn le ap tute, te mukom man me, o baro Dewel, glan tute te dikell. Palle djinenn le, te hom me o Dewel, koles lengre phure, o Abraham, o Isaak un o Jakob an-mangan.”

2. Mose 6:4

Ninna dom lende miro wast koi pre, te dap len o them Kanaan, ko them, kai jon wi-themarja his.

2. Mose 6:7

Kamau, te wenn tumer mire menshe, un me kamau tumaro Dewel te well. Un tumer dikenn un haiwenn, te hom me, o baro Dewel, tumaro Dewel, kai las tumen win dran i phari budi, hoi i Egiptarja ap tumende tchiwan.

Ezekiel 28:25

Me, o baro Dewel, tumaro rai, penau: An ko tsiro, kai anau me i Israelitarjen pale khetne dran i tsele wawar themma, kai wan le tradedo, sikrau koleha i menshen an i tsele themma te hom me o tchatcho Dewel. Un i Israelitarja djiwenn pale an pengro them, hoi dom me miro budepaskres, o Jakobeste.

Amos 7:7

Un job mukas man pale te dikell: Job his tardo ap i massuri, an peskro wast i dori, kai i blaio pre-pandlo hi, te dikell lo, te hi i massuri gar bango.

Mateo 22:32

Me hom o Abrahameskro Dewel un o Isaakeskro Dewel un o Jakobeskro Dewel. Un me penau tumenge: Job hi gar o Dewel kolenge, kai mulo hi. Na-a, job hi o Dewel i djidenge.”

Bičepangre 7:5

O Dewel das les kek kotar phub an kau them, witar gar i tikno kotar. Un o Dewel das les peskro lab, te dell lo leskre tchawende i them. An ko tsiro his o Abrahames kek tchawo.

5. Mose 1:8

Kau tselo them tchiwom me glan tumende, djan tumer koi, un lenn les tumenge dren! Kowa hi ko them, kolestar o baro Dewel tumare phurende, o Abrahameste un o Isaakeste un o Jakobeste pes sowel das, te dell lo les lende un lengre tchawende un kolende, kai pal lende wenna.

5. Mose 34:4

Un o baro Dewel penas ap leste: “Kawa hi o them, kolestar penom un me man sowel dom glan o Abraham, o Isaak un o Jakob, te dap kau them lengre tchawende, kai pal lende wenna. Me mukom les tut tire jakentsa te dikell. Pral wergel djas tu gar.”

5. Mose 9:5

Hi gar doleske, te wans latche menshe un tumen wals i djudjo dji, te wenn tumer an ko them, te lenn les tumenge dren. Na-a, tumaro baro Dewel tradell kol menshen win ko tchilatchepaske, hoi le kran, te rikrell job koi sowel dren, hoi lo tumare phurende, o Abrahames un o Isaakes un o Jakobes, das.

Hebrearja 11:16

Kowa kran le gar. Na-a. Lengro dji das gole pal i latcheder them. Kowa hi an o bolepen. Doleske ladjell o Dewel lenge gar, te penenn le: “Maro Dewel!” ap leste. Un job kras lenge i foro.