1. Mose 27:40 - O Debleskro Drom 2021 (Sinte)

⁴⁰ Tu djiweh kolestar, hoi tiro charo anella tuke, un hunte budress tiro phraleske. I diwes wella, kai hadeh tut ap leste, un mukeh les buder gar rai pral tute te well.

O Debleskro Lab 2024 (Sinte-Manouche)

⁴⁰ Tou djiveh kolestar, hoy tiro rharo anella touke, oun hounte boudress tiro phraleske. I dives vella, kay hadeh tout ap leste, oun moukeh les bouder gar ray pral toute te vell.

1. Mose 27:40 ပူးပေါင်းရင်းမြစ်များ

1. Mose 25:23

O baro Dewel penas ap late: “Tu weh i dai dui tchawendar. Kol dujendar wenna bud menshe, jaake bud, kai hakenestar jek natsjona wella. Ko terneder well sorleder har ko phureder un well o rai pral leste.”

1. Mose 27:29

Menshe dran wawar themma hunte budrenn tuke un witsrenn pen tele glan tute. Wess rai pral tire phralende. Un tiri dakre tchawe hunte witsrenn pen tele glan tute. Kolla kai penenna, te well tut bibacht, ap kolende well bibacht. Un kolla, kai penenna, te well tut bacht, ap kolende well bacht.

1. Mose 32:6

Man hi grumja un burike, bakre un busja, un budepangre: mursha un djuwja. Bitchrau kal murshen, te penenn le kowa tuke, miro rajeske, te wess latcho ap mande.’”

1. Mose 33:9

“Man hi doha, miro phraal”, penas o Esau. “Rike kowa, hoi tiro hi.”

2. Samuel 8:14

Un job tchiwas moskre dren an hako foro an o them Edom. Un o Davides his penepaske pral o tselo them Edom. O baro Dewel his ap o Davideskri rig, kai job ninna djas.

2. Rajengro liil 14:10

Tu maral i Edomarja an o kurepen. Un doleske phurdell pes tiro dji pre. Mishto tuke, kanna atch khere an tiro kheer! Hoske rodeh tiri bibacht, te peress, un o them Juda tuha?”

2. Rajengro liil 14:7

O Amazja das ninna i Edomarja an i Londi Tala, 10.000 (deesh-serja) mursha. Un an o kurepen las lo ko foro Sela dren, un das ko fores i wawar lab. Jaake kharell ko foro Jokteel ninna gomme kau diwes.

2. Familjakro liil 21:10

Pal kowa his kol Edomarja buder gar an i wasta kol menshendar an o them Juda bis ap kau diwes. An ko tsiro peran ninna kolla an o foro Libna o themestar Juda tele. Kowa was doleske, kai job mukas o baro Debles, ko Dewel, koles leskre phure an-mangan.

2. Familjakro liil 21:8

An ko tsiro, kai o Joram baro rai his pral o them Juda, phagan i menshe dran Edom leha, un tchiwan i wawar baro rajes pral pende dren.

Debleskri gili 60:8

O Dewel penas an peskro kheer, kai job djiwell: “Me wom o sorleder”, “Me dau o foro Sichem mire menshende, un ninna i tala Sukkot.

Mateo 10:34

Ma patsenn, te lap o tchingepen ap kai phub krik. Na-a! Kowa krau gar. Mantsa well o kurepen.