1. Mose 27:28 - O Debleskro Drom 2021 (Sinte)

²⁸ Mu dell tut o Dewel brishin dran o bolepen un bud chapaske dran i phub, bud djob un mool.

O Debleskro Lab 2024 (Sinte-Manouche)

²⁸ Mou dell tout o Devel brishin dran o bolepen oun boud rhapaske dran i phoub, boud djob oun mool.

1. Mose 27:28 ပူးပေါင်းရင်းမြစ်များ

1. Mose 27:37

Koi penas o Isaak ap o Esau: “Shun, me krom, kai job o rai pral tute hi. Un leskre tsele phralen krom, te wenn jon leskre budepangre. Dom les ninna djob un mool. Hoi nai krau kanna tuke, miro tchawo?”

1. Mose 27:39

Koi penas leskro dad Isaak ap leste: Shun, kote, kai djiweh, dell o bolepen kek brishin, witar gar anell i phub bud chapaske.

1. Mose 45:18

Un lenn tumaro dades un tumare tsele menshen, un awenn pash mande! Un kamau te dap tumen o feteder kotar them an o them Egiptia, te chan tumer o latcheder chapen ko themestar.’

1. Mose 49:20

O Asser, ap leskro them well latcho djob baro, leskri phub anell shukar chapen win – chapen, hoi i bare raja chana!

1. Mose 49:25

Tiro dadeskro Dewel well ap tiri rig. Job hi o sorelo Dewel. Job dell tut brishin dran o bolepen un pani dran i phub, ninna bud tchawe un vieche.

2. Samuel 1:21

Tumer berge Gilboa: Kek sapanepen un kek brishin te well ap tumende! Kek djob te well baro ap tumari phub! Kol shilte mare tchatche murshendar hi kote tchiddo. Awa, o Sauleskro shilto hi buder gar dren maklo o djeteha.

1. Rajengro liil 17:1

O Elija dran o gab Tishbe an o them Gilead penas ap o Ahab: “Me penau tuke an o lab o baro Deblestar, kai o Israeleskro djido Dewel hi, glan koleste hom me tardo: An kol bersha, hoi kanna wenna, dell kek brishin, witar gar djal i sapeno ducho pre dran i phub, bis te penau me kowa.”

1. Rajengro liil 5:11

Un job his gosweder har i tsele menshe, ninna gosweder har o Etan dran Esra, un gosweder har o Heman, o Kalkol un o Darda, kolengro dad o Mahol hi. Un o Salomo his an-diklo mank i menshende an i tsele themma trul leste.

2. Familjakro liil 2:10

O Hiram, ko rai pral o foro Tirus, bitchras i liil ap o Salomeste. Kote dren his tardo: O baro Dewel kamell peskre menshen. Doleske tchiwas lo tut pral lende, te wess lengro rai.

Debleskri gili 104:15

i mool, hoi o mensheskro dji bachteles krella, o djet, hoi leskro mui shukar krella, un o maro, hoi o menshes soreles krella.

Debleskri gili 133:3

Kawa hi jaake har o taissarlakro pani, hoi i berga Hermon tele nashella ap i berge Zion! Kote kamell o baro Dewel peskri bacht te dell, un o djipen, hoi hako tsiro atchella.

Debleskri gili 36:8

Har railo hi tiro latchepen, miro Dewel! I menshe wenn pash tute, te rikress tire wasta pral lende, har i tchirklo rikrell peskre mussja pral peskre terne.

Gosewe laba 19:12

Har koi gole, hoi i lewo dell, hi i choli o baro rajestar. Un leskro latchepen hi har o brishin ap i phub, hoi krell lat pale sapeno.

Gosewe laba 3:20

Leskri goswepah mukas lo pani te well dran i phub un brishin dran o bolepen.

Jesaja 45:8

Tu bolepen, de tchatchepen ap i phub har brishin! Tu phub, kre tut pre, un an latchepen win! Un o tchatchepen mu well baro ap tute! Me, o baro Dewel krom kowa lauter.

Jeremia 14:22

Kek dewel, koles i menshe an wawar themma an-mangenna, nai bitchrell brishin! Witar gar dell o bolepen dran peste brishin! Na-a, maro baro Dewel, tu hal kowa, kai krell sawo koowa. Doleske dikah ap tute.

Joel 2:19

Job penell lenge: Tchatchepah, me bitchrau tumen djob, mool un djet jaake bud, te nai chan tumen tchalo. Un i menshe dran wawar themma nai praassenn tumen buder gar.

Micha 5:7

Kolla, kai atchan pral o Jakobeskre menshendar, hi i menshenge an i wawar themma har i lewo mank i wawar viechende an o weesh, har i terno lewo mank i bakre. Job perell pral lende, marell len un dandrell len khetne. Un kek nai rikrell les pale.

Zakarie 8:12

Na-a, kanna nai witsrenn le djob an i phub kek darjah. I drakengre ruka hidjrenn drake, i phub anell senlepen win, un o bolepen dell brishin. Un kolenge, kai pral atchan kal menshendar, dau kowa lauter, te atchell kowa lenge.

Zakarie 9:17

Awa, har railo un shukar well kowa! I tchawe wenn sorele terne mursha un djuwja, jaake bud djob un mool hi koi.

4. Mose 13:20

Dikenn ninna, hawi phub koi hi! Hi li mishto, te nai well djob kote bares? Hi ruka kote tardo un hawe? Ma trashenn, te anenn menge kolestar, hoi an ko them bares was!” Kowa his an ko tsiro, kai i molengre drake mishto his.

4. Mose 18:12

Ko tselo latcheder djet, un ko latcheder mool un djob, ninna lauterestar hoi glanstunes bares was ap i hachetikri phub, kowa halauter, hoi jon o baro Debles dan, dau me tumende. Koon gar pale-tchiddo hi an tiro kheer nai chal kolestar.

Remarja 11:17

I bibolde hi har i latcho djeteskro ruk. Ko latcho djeteskro rukestar wan kashta tele tchinlo. Tumer han har i kasht o diwjo rukestar. Un tumer wan ap ko djeteskro ruk dren tchiddo, un djiwenn lestar, un lenn i soor lestar.

5. Mose 32:2

Kowa hoi me tumen sikrau, hi har o brishin ap o senlepen. un miro rakepen har i sapeno ducho ap o khass.

5. Mose 33:13

Pral o kheer Josef penas lo: O baro Dewel hi latcho leske, un dell les doha brishin ap leskro them, un panja, hoi wenn dran i phub.

5. Mose 33:28

Un jaake nai djiwell o Israel kek darjah kote. Kek kamell tchingepen o Jakobeskre tchawentsa. An lengro them well djob un mool baro. Un o bolepen dell doha brishin.

5. Mose 7:13

Dran peskro kamlepen dell job tumen bacht un bud tchawen, ninna bud djob, mool un djet. Un tumare grumja un bakre wenna bud an o them, kolestar job glan tumare phurende pes sowel das, te dell lo les tumende.

Hebrearja 11:20

Ninna o Isaak patsas, te well kowa tchatcho, hoi o Dewel penas. Un o Isaak tchiwas peskre wasta ap peskre tchawende, ap o Jakob un ap o Esau, un rakras i bacht pral lende win, hoi o Dewel len della an ko tsiro, hoi wella.