1. Mose 26:7 - O Debleskro Drom 2021 (Sinte)

⁷ Har i menshe an ko foro leskri romjat dikan, putchan le: “Koon hi koja?” Penas job: “Joi hi miri pheen.” Les his traash te penell: ‘Joi hi miri romni.’ Job daras, te denn le les mulo, te lenn jon lat, jaake shukar his li.

O Debleskro Lab 2024 (Sinte-Manouche)

⁷ Har i menshe an ko foro leskri romyat dikan, poučan le: “Koon hi koya?” Penas yob: “Yoy hi miri pheen.” Les his traash te penell: Yoy hi miri romni. Yob daras, te denn le les moulo, te lenn yon lat, yaake shoukar his li.

1. Mose 26:7 ပူးပေါင်းရင်းမြစ်များ

1. Mose 12:11

Job his buder gar dur o themestar Egiptia. Koi penas job ap peskri romjate: “Sarai, me djinau, kai hal i shukar djuwel.

1. Mose 12:13

Pen lenge, tu hal miri pheen. Jaake lenn le tut penge, un doleske hi le latches ap mande un mukenn man te djiwell.”

1. Mose 12:15

Un i pralstune budepangre o baro rajestar pral o them dikan lat un sharan lat glan lengro rajeste. Un jon anan lat an o baro rajeskro kheer.

1. Mose 20:11

O Abraham penas: “Me patsom, kai an kau foro kek menshe hi, kai patsenn o djijestar ap o Debleste un krenn, hoi o Dewel kamell. Darom, kai jon man mulo denna, te lenn le miri romjat.

1. Mose 20:2

Kote penas job peskri romjatar Sara: “Joi hi miri pheen.” Un o baro rai pral o foro Gerar – leskro lab his Abimelech – bitchras murshen, te anenn le i Sara pash leste.

1. Mose 20:5

O Abraham penas ap mande: ‘Joi hi miri pheen.’ Un joi penas ninna: ‘Job hi miro phraal.’ Me djinom gar, kai joi romedino hi. Miro dji un mire wasta hi djudjo.”

1. Mose 24:16

Koi tchai his shukar. Un lat his kek mursh. Joi djas tele pash o pani, kras o khoro pherdo pani un was pale pre.

1. Mose 26:6

Jaake atchas o Isaak an o foro Gerar.

1. Mose 26:8

Har job i rah tsiro koi his, dikas o Abimelech, ko rai pral kol Filistarja, dran i wochni. Un dikas, har las o Isaak peskri romjat, i Rebekka, an i mussi.

1. Mose 29:17

I Leakre jaka his gar sasto. I Rachel his i shukar un raili tchai.

Gosewe laba 29:25

Kowa, kai darell i menshendar, perella. Kowa, kai rikrell pes ap o baro Debleste, pral koleste rikrell lo peskre wasta.

Mateo 10:28

Ma trashenn kol menshendar, kai nai marenn tumen! Jon nai marenn gar o djipen an tumende, hoi ninna pal o merepen djiwella. Trashenn o Deblestar, kai nai tchiwell tumen pal o merepen an o bengeskri jag, kai han hako tsiro nashedo!

Efesarja 5:25

Tumer mursha, awenn jaake kamlo ap tumare romjende, har o Jesus Kristo kamlo hi ap i patslende! Job das peskro djipen lenge an o merepen,