1. Mose 26:31 - O Debleskro Drom 2021 (Sinte)

³¹ Taissarlakro stan le pre, un jek pal o wawar das pes sowel. Un o Isaak mukas len te djal. Un jon djan penge an o latchepen.

O Debleskro Lab 2024 (Sinte-Manouche)

³¹ Taysarlakro stan le pre, oun yek pal o vavar das pes sovel. Oun o Isaak moukas len te djal. Oun yon djan penge an o lačepen.

1. Mose 26:31 ပူးပေါင်းရင်းမြစ်များ

1. Mose 14:22

Koi penas o Abram ap leste: “Me dau man sowel glan o baro Debleste, kai hi o Dewel pral halauter, un kras o bolepen un i phub:

1. Mose 19:2

Un penas: “Mire raja, awenn an miro kheer! Me mangau tumen, atchenn i rati pash mande! Thowenn tumare herja! Un djan taissarlakro tumaro drom!” “Na-a”, penan le, “mer kamah i tseli rati win te atchell.”

1. Mose 21:14

Sik taissarlakro stas o Abraham pre, las maro un i gono pherdo pani un tchiwas kowa i Hagar ap o phiko, das late ninna o tchawes, un bitchras len pestar krik. Koi djas joi peske un nashas trujel an o mulo tato them pash o foro Beersheba.

1. Mose 21:23

Kanna de tut sowel ap o Debleste, te chochess man gar, witar gar mire tchawen un kolengre tchawen. Me homs tuke latcho. Ab tu ninna latcho ap mande un ap ko them, kai tu djiweh.”

1. Mose 21:27

Koi las o Abraham bakre un grumja, un das len o Abimeleches. Un jon dan pengro wast koi pre, kai kek o wawares chochella.

1. Mose 22:3

Koi stas o Abraham sik taissarlakro pre, kras kasht tikno chatchepaske, tchiwas ko kasht ap peskri burika un las dui budepangre un peskro tchawes Isaak peha, un djas kote, kai o Dewel leske penas.

1. Mose 25:33

Penas o Jakob: “De tut sowel!” Un job das pes sowel, te lell o Jakob halauter, hoi o phureder tchawo lella.

1. Mose 26:32

Ap ko diwes wan o Isaakeskre budepangre pash leste, un rakran leha pral koi brunna, hoi jon wi-hadan, un penan: “Mer hatsam pani.”

1. Mose 31:44

Kanna am, mer dah maro dadeskro wast koi pre, kai krah mer buder kek tchingepen jek o wawareha.”

1. Samuel 14:24

O Saul das i Israelitarjen trad un penas: “Bibacht pral koleste, kai chal kau diwes, jaake rah o kham gomme gar tele djas, un me gar kolen lauteren pale dom, kai kaman man te marell.” Doleske his i murshen dran Israel buder kek soor i bokatar, un o marepen was lenge phares.

1. Samuel 20:3

O David penas: “Tiro dad haiwas, te hom tiro maal. Doleske penas lo peske: ‘O Jonatan hunte djinell kowa gar, te dukrell kowa les gar.’” Un o David penas dureder: “Me dau man sowel glan o djido Debleste un glan tute: Mashkral mande un o merepen hi gar budeder har jek herjakro stakepen!”

1. Samuel 30:15

Un o David putchas lestar: “Kameh tu man pash kol marepangre anell?” Un job penas: “De tut ap o Debleste sowel, te deh man gar mulo, un te deh man gar an o wast miro rajestar, palle anau tut tele pash kal marepangre.”