1. Mose 26:24 - O Debleskro Drom 2021 (Sinte)

²⁴ An koi rati mukas pes o baro Dewel lestar te dikell un penas: “Me hom o Dewel tiro dadestar Abraham. Ma traash! Me hom tuha. Me tchiwau miri soor un miri bacht ap tute. Tire tchawe, kai pal tute wenna, wenna bud un budeder. Jaake dom miro lab o Abrahameste, kai mange koi his.”

O Debleskro Lab 2024 (Sinte-Manouche)

²⁴ An koy rati moukas pes o baro Devel lestar te dikell oun penas: “Me hom o Devel tiro dadestar Abraham. Ma traash! Me hom touha. Me čivau miri zoor oun miri barht ap toute. Tire čave, kay pal toute venna, venna boud oun boudeder. Yaake dom miro lab o Abrahameste, kay mange koy his.”

1. Mose 26:24 ပူးပေါင်းရင်းမြစ်များ

1. Mose 13:16

Un me dau tut bud tchawen, kai pal tute wenna, – jaake bud har i tchik ap i phub. Kek mensho nai djinell, har bud tchik ap i phub hi. Jaake djinell nai kek, kitse menshe tutar wenna.

1. Mose 15:1

Koi pal mukas o baro Dewel o Abrames leskri gole te shunell un penas ap leste: “Ma traash, Abram! Me rikrau mire wasta pral tute. Un me hom tuke i baro brawlepen.”

1. Mose 17:7

Kowa, hoi me tuha win krau, atchell hako tsiro mange un tuke, tire tchawenge, kolengre tchawenge un lauterenge, kai pal tute wenna. Me hom tiro Dewel un ko Dewel tire tchawendar, kai pal tute wenna.

1. Mose 17:8

Un me dau tut un tire tchawen kau them, kai tu kanna i wi-themari hal. Kau tselo them Kanaan well lengro hako tsiro. Un me hom lengro Dewel.”

1. Mose 21:17

Un o Dewel shunas ko tchaweskri gole. Un o Debleskro bolepaskro das i Hagar gole dran o bolepen un penas ap late: “Hoi hi tut, Hagar? Ma traash! O Dewel shunas ko tchaweskri gole, kote kai job tchiddo hi.

1. Mose 22:19

Pal kowa djas o Abraham pale pash peskre budepangre. Un khetne djan le an Beersheba. Un o Abraham atchas koi.

1. Mose 24:12

Un job penas: “Baro Dewel, o Dewel miro rajestar Abraham, de man kanna bacht ap miro drom! Un ab miro rajeske Abraham latcho!

1. Mose 28:13

Un o baro Dewel his tardo pral pre un penas: “Me hom o baro Dewel, ko Dewel tiro papestar Abraham un ninna o Isaakeskro Dewel. Kau them, kai tu tchiddo hal, dau tut un tire tchawen, kai pal tute wenna.

1. Mose 28:15

Tu djiness, me hom tuha un dau garda ap tute, kote, kai tu djah. Un anau tut pale an kau them. Me mukau tut gar, bis te krom halauter, hoi tuke penom.”

1. Mose 28:3

O sorelo Dewel tchiwell peskri soor un peskri bacht ap tute un dell tut bud tchawe, te wenn tutar bud natsjone!

1. Mose 30:27

Koi penas o Laban ap leste: “Ab mange latcho un atch kai! Haiwau, kai o baro Dewel peskri soor un peskri bacht ap mande tchiwella jaake rah, har tu pash mande hal.

1. Mose 31:5

Un job penas ap lende: “Haiwom, kai tumaro dad dikell buder gar latcho ap mande har glan kau tsiro. Miro dadeskro Dewel his mantsa.

1. Mose 39:2

Un o baro Dewel his pash o Josefeste. Lauter, hoi job kras, his mishto. Un job atchas an o kheer peskro egiptikro rajestar.

1. Mose 39:3

Har leskro rai Potifar dikas, kai o baro Dewel pash o Josefeste his un les bacht das an lauter, hoi job peskre wastentsa kras, his job latches ap leste.

1. Mose 46:1

Un o Israel kras pes ap o drom mit halauter, hoi les his, un was an o foro Beersheba. Un job maras viechen un chatchras len o Debleske peskro dadestar Isaak.

1. Rajengro liil 17:13

Kote penas o Elija lake: “Ma traash! Dja koi un kre, har tu penal! De jak, te kress mange i tikno maro, un an les mange win. Un palle kre o maro tuke un tiro tchaweske!

2. Mose 14:13

O Mose penas ap i tsele menshende: “Ma darenn! Atchenn soreles! Dikenn har o baro Dewel tumen kau diwes win lell dran i wasta kol Egiptarendar! Kal Egiptarjen, kai tumer kau diwes dikenna, kolen dikenn tumer buder gar, witar gar an ko tsiro, hoi wella.

2. Mose 3:6

Un pale penas lo ap o Moseste: “Me hom tiro dadeskro Dewel, un o Abrahameskro Dewel, un o Isaakeskro Dewel un o Jakobeskro Dewel.” Un o Mose tchiwas i diklo glan peskre jaka. Job daras, te dikell lo ap o Debleste.

Jesaja 12:2

O Dewel lell man dran i bibacht win. Me rikrau ap leste, un darau gar. Peskri sorjah was o baro Dewel ap miri rig. Miri giljah sharau les dran o dji. Job las man win.

Jesaja 41:10

Ma dare! Me hom tuha! Ma dik darenes! Me hom tiro Dewel! Me krau tut soreles, me wau ap tiri rig, awa, me rikrau tut miri tchatchi mussjah, hoi krell tut sorleder har i wawar.

Jesaja 44:2

Kowa hi, hoi me, o baro Dewel, tuke penau: Me krom tut un dom tut o djipen har gomme gar boldo hals; me hom ap tiri rig. Ma dare, miro budepaskro Jakob, tu Israel, koles me mange win rodom!

Jesaja 51:12

Me hom kowa, kai latches tumentsa rakrella. Un koon hal tu, te dareh i menshendar, kai merenna, awa, kai tele merenn har o khass?

Jesaja 51:7

Shunenn, hoi penau, tumer, kai prindjrenn o tchatchepen, tumer menshe, kai kamenn miro drom te djal. Ma darenn glan ko praassepen, koleha i menshe tumen praassenn! Ma darenn glan lengro baro mui!

Ropaskre gilja 3:57

Har kharom tut goljah, wal tu pash mande, un penal: “Ma traash buder gar!”

3. Mose 26:42

palle kamau koi sowel, hoi o Jakobeske dom, gar bistrell, witar gar koi sowel, hoi o Isaakeha dren djom, un koi sowel, hoi o Abrahameha krom. Un bistrau gar, te penom lenge, te dap o them lengre tchawenge, kai pal lende wenna.

3. Mose 26:45

Lengre phurentsa krom win, te wap lengro Dewel, har anom len dran o them Egiptia win glan i jaka kol menshendar an i wawar themma. Kowa bistrau me gar, me, o baro Dewel.

Mateo 22:32

Me hom o Abrahameskro Dewel un o Isaakeskro Dewel un o Jakobeskro Dewel. Un me penau tumenge: Job hi gar o Dewel kolenge, kai mulo hi. Na-a, job hi o Dewel i djidenge.”

Louka 12:32

Ma darenn! Kate han tumer gar bud un gar an-diklo. O Dewel, kai hi tumaro dad an o bolepen, kowa kamella, te lenn tumer leskro brawlepen un railepen.

Bičepangre 7:32

Me hom o Dewel tire phurendar, o Dewel o Abrahamestar, o Isaakestar, un o Jakobestar. Un i bari traash was ap o Moseste, har job kowa shunas, un darjatar nai dikas lo gar kote pre.

5. Mose 13:17

Un lengro tselo brawlepen anenn khetne mashkral ap o foreskri platsa! Un chatchrenn ko tselo foro pre un lauter, hoi an leste hi, tumaro baro Debleske! Tchi har barra hunte atchell pral ko forestar hako tsireske. Un an kek tsiro well lo buder newes kerdo.

5. Mose 31:6

Awenn soreles un ma trashenn! Ma darenn tchi un trashenn kekestar! Tumaro baro Dewel hi kowa, kai djal tumentsa. Job atchell pash tumende un mukell tumen gar kokres.

Hebrearja 11:16

Kowa kran le gar. Na-a. Lengro dji das gole pal i latcheder them. Kowa hi an o bolepen. Doleske ladjell o Dewel lenge gar, te penenn le: “Maro Dewel!” ap leste. Un job kras lenge i foro.

Hebrearja 13:6

Jaake hunte daras gar un nai penah: O Dewel hi ap miri rig, me hunte darap gar. Hoi nai krell i mensho ap mande?

Debleskro tsiro 1:17

Un har dikom les, perom glan leskre herja khetne, har woms mulo. Un job tchiwas peskro tchatcho wast ap mande, un penas: “Ma dare! Mandar was halauter. Un lauter wella pale glan mande.

Ruth 3:11

Un kanna, tchai, ma dare! Lauter, hoi tu mange peneh, krau me tuke. I tsele menshe an miro foro djinenn, te hal tu i latchi djuwel.