1. Mose 25:8 - O Debleskro Drom 2021 (Sinte)

⁸ Les his i rah djipen. Un job meras an o mishto phurepen un was paskedo.

O Debleskro Lab 2024 (Sinte-Manouche)

⁸ Les his i rah djipen. Oun yob meras an o mishto phourepen oun vas paskedo.

1. Mose 25:8 ပူးပေါင်းရင်းမြစ်များ

1. Mose 15:15

Un tuke penau me: ‘Te mereh, soweh bachtelo dren. An i mishto phurepen weh tu paskedo.’

1. Mose 25:17

O Ismael was 137 (sheel-te-trijanda-te-efta) bersha phuro. Un job meras un was paskedo.

1. Mose 25:7

O Abraham was 175 (sheel-efta-deesh-te-pantch) bersh phuro.

1. Mose 35:18

I Rachel his ap o merepen tchiddo. Har joi meras, das joi kol tchawes ko lab Ben-Oni. Leskro dad das les ko lab Ben-Jamin.

1. Mose 37:35

Un leskre tsele tchawe un tcha wan pash leste, te rakrenn le leha latches. Un job kamas gar, te well leskri duk krik lino. “Na-a” penas job, “miro dji rowella, bis te merau un wau pash miro tchaweste.” Jaake rowas leskro dad pral o Josefeste.

1. Mose 49:29

Un o Jakob penas soreles ap lende: “Te wau me paskedo, paskrenn man pash mire phurende an koi grotta, hoi hi ap ko kotar phub, hoi o Hetares Efron his.

1. Mose 49:33

Har o Jakob kowa peskre tchawenge penas, tserdas job peskre herja ap o tchiben un meras.

1. Mose 50:13

Jon anan les an o them Kanaan un paskran les an i grotta ap ko kotar phub pash Mamre, hoi kharella Machpela. Ko kotar phub ginas o Abraham fun o Hetari, o Efron, te well kote leskri familja paskedo.

1. Familjakro liil 23:1

O Davides his i lengsto djipen, un his phuro, har kras lo peskro tchawes, o Salomo, o rai pral Israel.

1. Familjakro liil 29:28

Un job his i brawelo un an-diklo mursh. Les his i rah djipen. Un job meras an o mishto phurepen. Un pal leste was peskro tchawo, o Salomo, o baro rai.

2. Familjakro liil 24:15

Un o Jojada his phuro, les his i lengsto djipen. 130 (jek-sheel-trijanda) bersha his lo, har lo meras.

Hiob 42:17

Un job meras pal i lengsto djipen.

Hiob 5:26

Un tu mereh an o latcho phurepen, jaake har o djob dren anlo well, te was leskro tsiro.

Gosewe laba 20:29

O railepen i terne murshendar hi lengri soor. Un parne balla hi o shukapen i phurenge.

Jeremia 6:11

Tiri choli pral lende chatchell ninna an mande. Me nai rikrau lat gar pale. Koi penas o baro Dewel ap mande: Palle tchore miri choli pral lende win: pral kol tchawende ap o drom, un pral kol terne murshende. Jon lauter, mursha un djuwja, ninna kol phure un an-dikle, wenn pandles krik anlo.

4. Mose 20:24

“O Aroneskro tsiro nashas tele, un job well gar an ko them, kai dom i Israelitarjen. Tumer shunan gar ap kowa, hoi penom pash o pani ‘Meriba’.

4. Mose 27:13

Un te dikal tu kowa, mereh tu, jaake har tiro phraal Aron ninna meras.

Bičepangre 12:23

Jaake mukas pes o Herodes i menshendar te sharell, har te wals job o Dewel. Un har job kowa kras, das les o Debleskro bolepaskro i nasslepen, te chan i kirme les pre, un job meras.

Bičepangre 13:36

Un o David his an peskro djipen o Debleske koi. Un job meras un was paskedo pash peskre menshende. Un leskro mass ferdjas tel i phub.

Bičepangre 5:10

Koi peras li khetne un meras. Un har i terne mursha dren wan, hatsan le lat mules, hidjran lat win, un paskran lat pash lakro romeste.

Bičepangre 5:5

Har o Ananias kol laba shunas, peras job khetne un meras. Un i bari traash was ap kolende, kai shunan kowa.

5. Mose 32:50

Un tu mereh ap koi berga, ap koja tu pre djal, un tu weh paskedo, har tiro phraal Aron meras ap i berga Hor un kote paskedo was.

Čačepangre 2:10

Palle meran ninna kol tsele wawar menshe, kai an kau tsiro djiwan, har o Josua djiwas. Un pal lende wan menshe, kai o baro Debles gar prindjran, witar gar kowa, hoi job i Israelenge kras.

Čačepangre 8:32

Un o Gideon was bud phuro un meras un was paskedo an o mulengro kheer peskro dadestar Joash an o foro Ofra, ko foro, kai i Abijesarja djiwan.