1. Mose 25:6 - O Debleskro Drom 2021 (Sinte)

⁶ Un kol tchawen, kai leskre wawar romjendar bolde wan, das o Abraham kutch koowa pestar. An ko tsiro har job djiwas, bitchras lo len dur krik peskro tchawestar Isaak an ko them, hoi kote tchiddo hi, kai o kham pre-djala.

O Debleskro Lab 2024 (Sinte-Manouche)

⁶ Oun kol čaven, kay leskre vavar romyendar bolde van, das o Abraham kouč koova pestar. An ko tsiro har yob djivas, bičras lo len dour krik peskro čavestar Isaak an ko them, hoy kote čiddo hi, kay o kham pre-djala.

1. Mose 25:6 ပူးပေါင်းရင်းမြစ်များ

1. Mose 16:3

Un o Abrameskri romni, i Sarai, las peskri budepaskretsa, i Hagar, kai dran o them Egiptia his, un das lat peskro romes Abram, te well li leskri romni. An ko tsiro djiwas o Abram deesh bersha an o them Kanaan.

1. Mose 21:14

Sik taissarlakro stas o Abraham pre, las maro un i gono pherdo pani un tchiwas kowa i Hagar ap o phiko, das late ninna o tchawes, un bitchras len pestar krik. Koi djas joi peske un nashas trujel an o mulo tato them pash o foro Beersheba.

1. Mose 25:1

Un o Abraham las peske i newi romni. Lakro lab his Ketura.

1. Mose 29:1

Un o Jakob djas dureder un was an ko them, kai kote tchiddo hi, kai o kham pre djala.

1. Mose 30:4

Un joi das les lakri budepaskretsa Bilha, te well joi leskri romni. Un o Jakob djas pash late.

1. Mose 30:9

Har i Lea dikas, kai las joi kek tchawe buder, das joi peskri budepaskretsa Silpa peskro romeste, te well joi leskri romni.

1. Mose 32:22

Jaake djan i budepangre i viechentsa glan o Jakobeste. Un job atchas i rati ap koi platsa.

1. Mose 35:22

An ko tsiro har o Israel an ko them djiwas, djas o Ruben pash o Jakobeskri wawar romjate, i Bilha, un tchiwas pes pash late. Un o Jakob shunas kowa. O Jakobes his deesh-te-dui tchawe.

2. Familjakro liil 11:21

O Rehabeam kamas i Maacha, kolakro dad o Abishalom his, budeder har leskre tsele romjen un wawar djuwjen. Les his 18 (deesh-te-ochta) romjen un 60 (shob-deesh) wawar djuwjen. Un job was o dad 28 (biish-te-ochta) mursh tchawendar un 60 (shob-deesh) tchendar.

Hiob 1:1

An o them Uz djiwas i mursh, kowa kharas Hiob. Job his an o tchatchepen tardo, un kek doosh his ap leste. Job mangas o Debles an, un rikras pes dur krik o tchilatchepastar.

Hiob 1:3

Ninna his les bud vieche: 7.000 (efta-serja) bakre un 3.000 (triin-serja) khamele, un jek serja grumja, kolendar hako kopo dui khetne budran, un 500 (pantch-sheel) djuwelkane burike. Un les his bud bud budepangre. Kek mensho his brawleder har o Hiob an ko them, hoi hi kote tchiddo, kai o kham pral djal.

Mateo 5:45

Jaake han tumer tchatchepah tchawe o baro Deblestar, kai hi tumaro dad an o bolepen. Job mukella o kham pre te djal kol tchilatchenge un kol latchenge. Un job dell brishin ap kolende, kai pal o tchatchepen djiwenna, ninna ap kolende, kai tchilatcho koowa krenna.

Bičepangre 14:17

Ninna te djinans tumer tchi lestar, hunte dikans, kai o Dewel djiwella. Job kras bud latcho koowa tumenge. Job dell tumen brishino dran o bolepen, te well lauter ap i phub baro. Job dell tumende te chal, un i bacht an tumaro dji.”

Čačepangre 19:4

un kamas gar te djal lo sik pale, un rikras les triin diwessa pash peste. Un jon chan un pijan, un atchan kote pral i rat.

Čačepangre 6:3

Un hako kopo, kai witsran i Israelitarja o djob an i phub, palle wan i Midianarja un i Amalekarja un wawar menshe kotar, kai o kham pre djala, un peran an o them dren.