1. Mose 25:34 - O Debleskro Drom 2021 (Sinte)

³⁴ Un o Jakob das maro un i linsengro chapen o Esaes te chal. Koi chas un pijas job, stas pre un djas peske. Jaake his leske lauter tchi moldo, hoi o phureder tchawo lella.

O Debleskro Lab 2024 (Sinte-Manouche)

³⁴ Oun o Yakob das maro oun i linsengro rhapen o Esaes te rhal. Koy rhas oun piyas yob, stas pre oun djas peske. Yaake his leske lauter či moldo, hoy o phoureder čavo lella.

1. Mose 25:34 ပူးပေါင်းရင်းမြစ်များ

1. Mose 25:29

His i diwes, kai keras o Jakob i chapen. Har o Esau dran o weesh khere was, his job khino un les his i bari bok.

1. Mose 25:33

Penas o Jakob: “De tut sowel!” Un job das pes sowel, te lell o Jakob halauter, hoi o phureder tchawo lella.

1. Mose 26:1

His i tsiro, kai was i bari bok an o them, jaake har an o Abrahameskro tsiro. Doleske djas o Isaak an o foro Gerar pash o Abimelech. Kowa his o baro rai pral i Filistarja.

1. Mose 27:32

Koi penas leskro dad Isaak ap leste: “Koon hal tu?” “Me hom o Esau, tiro phureder tchawo”, penas job.

Debleskri gili 106:24

Un lenge his ko shukar them tchi moldo, un patsan gar ap ko lab, hoi o Dewel len das.

Sikepaskro 8:15

Doleske penau me: Men hunte wals i dji, hoi bachtelo hi. O mensheske dell tchi ap kai phub, hoi feteder hi, har te chal lo un te pijell lo, un te mukell lo les peske mishto te djal. Kowa hi, hoi nai krah pash mari tseli budi an maro djipen, hoi o Dewel men das ap kai phub.

Jesaja 22:13

Un hoi krenn tumer? Tumer sanenn un khelenn, marenn grumjen un bakren, chan mass un pijenn mool. Tumer penenn: “Mukenn men te chal un te pijell, taissar merah mer!”

Zakarie 11:13

Un o baro Dewel penas mange: “Hawo shukar plaissepen! Lenge hom gar budeder moldo har kawa! Tchip ko rup an o kheer, kai o brawlepen garedo well.” Un me lom kol trijanda rupene beme, un hidjrom len an o baro Debleskro kheer, un tchiwom len kote an o kheer, kai o brawlepen garedo well.

Mateo 22:5

Un kolla shunan gar ap lende un djan penge. Ko jek djas ap peskro kotar phub, ko wawar ap o mangepen.

Mateo 26:15

un putchas lendar: “Kitse lowe denn man tumer, te dau les an tumare wasta?” Un jon dan les trijanda rupene beme.

Bičepangre 13:41

Jaake penas o Dewel: Tumer, kai rikrenn o Debles dineleske, krenn bare jaka i darjatar un merenn! Shunenn, me krau i baro koowa an tumaro tsiro. Kowa patsenn tumer gar, te penell tumenge kowa jek.”

1. Korintarja 15:32

An o foro Efesus kurom man me menshentsa, kai jaake hi har diwje vieche. Te patsoms me gar, kai i mule pre stenna, kroms me kowa gar. Te stenna i mule gar pre, hi kol wawaren tchatcho, te penenn le: “Chas un pijas! Taissar nai ham mulo!”