1. Mose 25:28 - O Debleskro Drom 2021 (Sinte)

²⁸ O Isaak kamas te chal i viechendar, kai o Esau tapras. Un job kamas o Esaes budeder har o Jakobes. I Rebekka kamas o Jakobes budeder har o Esaes.

O Debleskro Lab 2024 (Sinte-Manouche)

²⁸ O Isaak kamas te rhal i firhendar, kay o Esau tapras. Oun yob kamas o Esaes boudeder har o Yakobes. I Rebekka kamas o Yakobes boudeder har o Esaes.

1. Mose 25:28 ပူးပေါင်းရင်းမြစ်များ

1. Mose 27:14

Un job djas, las dui busja un anas len peskri dake. Un joi kras i latcho chapen, jaake har leskro dad kowa kamas.

1. Mose 27:19

Koi penas o Jakob ap peskro dadeste: “Me hom o Esau, tiro phureder tchawo. Me krom, hoi tu mange penal. Ste kanna pre un besh tut un cha ko mass, hoi anom tuke, jaake te rakress nai o Debleskri bacht pral mande win.”

1. Mose 27:25

Kanna penas o Isaak: “Miro tchawo, an mange ko chapen, te chap ko massestar, hoi anal mange, jaake te rakrap nai o Debleskri bacht pral tute win.” Un o Jakob anas kowa leske, te chal lo. Un job chas. Un anas leske ninna mool, te pijell lo. Un job pijas.

1. Mose 27:3

Le tire faile un tiro bogo! Un dja win ap o them! Un de mange i vieches karje!

1. Mose 27:31

Un job kras ninna i latcho chapen, anas les peskro dadeske un penas ap leste: “Miro dad, ste pre un cha ko massestar, hoi anom tuke, jaake kai nashte rakress o Debleskri bacht pral mande win!”

1. Mose 27:4

Un kre mange i latcho chapen, jaake har me kowa kamau. Un an les mange, te chap un te rakrap nai glan miro merepen o Debleskri bacht pral tute win.”

1. Mose 27:9

Dja pash i viechende un an mange dui latche terne busja. Kolendar kamau i latcho chapen tiro dadeske te krell, jaake har job kowa kamella.