1. Mose 25:27 - O Debleskro Drom 2021 (Sinte)

²⁷ I tchawe wan baro. O Esau was i wesheskro, kai haiwas mishto viechen te taprell. O Jakob was i mursh, kai his pokones. Job atchas pash i plachtene khera.

O Debleskro Lab 2024 (Sinte-Manouche)

²⁷ I čave van baro. O Esau vas i vesheskro, kay hayvas mishto firhen te taprell. O Yakob vas i morsh, kay his pokones. Yob ačas pash i plarhtene khera.

1. Mose 25:27 ပူးပေါင်းရင်းမြစ်များ

1. Mose 10:9

Un job his i baro jegari glan o baro Debleste. Doleske well penlo: ‘Kowa hi i baro jegari glan o baro Debleste har o Nimrod.’

1. Mose 21:20

Un o Dewel his kol tchaweha. Un job was baro un djiwas an o mulo tato them, un was i mursh, kai haiwas mishto karje te dell i bogeha.

1. Mose 27:40

Tu djiweh kolestar, hoi tiro charo anella tuke, un hunte budress tiro phraleske. I diwes wella, kai hadeh tut ap leste, un mukeh les buder gar rai pral tute te well.

1. Mose 46:34

Penenn ap leste: ‘Miro rai, mer ham bakrengre fun tiknes pre, jaake har mare phure.’ Penenn kowa, te nai atchenn an o them Gosen.” Hako bakrengro hi i pale-tchiddo glan i Egiptarja.

1. Mose 6:9

Kowa hi ko liil, kai tchinlo hi pral o Noah peskre tchawentsa. O Noah his i mursh, kai latcho un tchatcho his. I tsele menshendar an ko tsiro kras job kokres kek tchilatchepen. O Noah djiwas o Debleha.

Hiob 1:1

An o them Uz djiwas i mursh, kowa kharas Hiob. Job his an o tchatchepen tardo, un kek doosh his ap leste. Job mangas o Debles an, un rikras pes dur krik o tchilatchepastar.

Hiob 1:8

Un o baro Dewel putchas o bengestar: “Dal tu ninna jak ap miro budepaskro, o Hiob? Kek wawar hi ap i phub, kai hi jaake har kowa. Job hi an o tchatchepen tardo, un kek doosh hi ap leste. Job mangell man an, un rikrell pes dur krik o tchilatchepastar.”

Hiob 2:3

Un o baro Dewel putchas o bengestar: “Dal tu ninna jak ap miro budepaskro, o Hiob? Kek wawar hi ap i phub, kai hi jaake har kowa. Job hi an o tchatchepen tardo, un kek doosh hi ap leste. Job mangell man an, un rikrell pes dur krik o tchilatchepastar. Ninna kanna anell lo kek doosh ap peste, kai tu mandar kamal, te anap les an i bibacht, ninna te kras lo tchi.”

Debleskri gili 37:37

Kre jaake har kowa, kai shunell ap o Debleste peskro tselo djijeha! Un djib jaake har kowa, kai well kek doosh ap leste hatslo. Sawo mensheske djal mishto an ko tsiro, hoi wella.

Jeremia 35:7

witar gar tchiwenn tumenge khera pre, tchiwenn kek djob an i phub, witar gar drakengre ruka. Tumen hunte well kek drakengro them. An plachtene khera hunte djiwenn tumer tumaro tselo djipen, te djiwenn i lengsto djipen an kau them, an koleste tumer trujel djan.

Hebrearja 11:9

Ap ko tsiro djiwan wawar menshe an ko them, hoi kamas les o Dewel te dell. Un o Abraham djas kate un kote an ko them trujel, un djiwas an plachtene khera. Ninna leskro tchawo, o Isaak, un koleskro tchawo, o Jakob, djiwan jaake. Kolenge penas o Dewel ninna: Tumende dau ko them.