1. Mose 25:23 - O Debleskro Drom 2021 (Sinte)

²³ O baro Dewel penas ap late: “Tu weh i dai dui tchawendar. Kol dujendar wenna bud menshe, jaake bud, kai hakenestar jek natsjona wella. Ko terneder well sorleder har ko phureder un well o rai pral leste.”

O Debleskro Lab 2024 (Sinte-Manouche)

²³ O baro Devel penas ap late: “Tou veh i day douy čavendar. Kol douyendar venna boud menshe, yaake boud, kay hakenestar yek natsyona vella. Ko terneder vell zorleder har ko phoureder oun vell o ray pral leste.”

1. Mose 25:23 ပူးပေါင်းရင်းမြစ်များ

1. Mose 17:16

Un me tchiwau miri soor un miri bacht ap late. Un ninna latar dau tut i tchawes. Awa, me tchiwau miri soor ap late. Joi well i dai bud menshendar. Latar wenna jaake bud menshe, kai lendar natsjone wenna. Ninna bare raja pral bud menshende wenna latar.”

1. Mose 17:4

“Shun, kowa hi, hoi me tuke krau: Tu weh o dad bud menshendar. Jon wenn jaake bud, kai lendar bud natsjone wenna.

1. Mose 24:60

Un jon rakran i bacht pral late win un penan: “Tu, mari pheen, tutar te wenna bud serja menshe: serja kope deesh-serja! Mu wenn tire tchawe rai pral kolende, kai kurenn pen lentsa, te lenn le kolengre forja krik!”

1. Mose 25:24

Har lakro tsiro koi his, wan dui mursh tchawe boldo.

1. Mose 25:27

I tchawe wan baro. O Esau was i wesheskro, kai haiwas mishto viechen te taprell. O Jakob was i mursh, kai his pokones. Job atchas pash i plachtene khera.

1. Mose 27:29

Menshe dran wawar themma hunte budrenn tuke un witsrenn pen tele glan tute. Wess rai pral tire phralende. Un tiri dakre tchawe hunte witsrenn pen tele glan tute. Kolla kai penenna, te well tut bibacht, ap kolende well bibacht. Un kolla, kai penenna, te well tut bacht, ap kolende well bacht.

1. Mose 27:33

Koi was i bari daar ap o Isaakeste. Un job putchas: “Koon his kowa, kai das i viecho karje un anas mange o chapen, un me chom? Koi pal wal tu. Me rakrom o Debleskri bacht win pral koleste, kai anas mange o chapen. Un koi bacht atchell ap leste. Me nashte lau lat gar pale.”

1. Mose 27:37

Koi penas o Isaak ap o Esau: “Shun, me krom, kai job o rai pral tute hi. Un leskre tsele phralen krom, te wenn jon leskre budepangre. Dom les ninna djob un mool. Hoi nai krau kanna tuke, miro tchawo?”

1. Mose 27:40

Tu djiweh kolestar, hoi tiro charo anella tuke, un hunte budress tiro phraleske. I diwes wella, kai hadeh tut ap leste, un mukeh les buder gar rai pral tute te well.

1. Mose 32:6

Man hi grumja un burike, bakre un busja, un budepangre: mursha un djuwja. Bitchrau kal murshen, te penenn le kowa tuke, miro rajeske, te wess latcho ap mande.’”

1. Mose 33:3

O Jakob djas glan lende un tchiwas pes efta kope tele ap i phub, bis te was job pash peskro phraleste.

1. Mose 36:31

Un kolla hi i bare raja an o them Edom glan ko tsiro, har was i baro rai pral o them Israel:

1. Mose 48:19

Leskro dad kamas gar un penas: “Me djinau, tchawa, me djinau. Ninna kolestar wenna jaake bud menshe, te well lendar jek natsjona. Leskro terneder phraal well bareder har job. Lestar wenna jaake bud menshe, te wenn lendar bud natsjone.”

2. Samuel 8:14

Un job tchiwas moskre dren an hako foro an o them Edom. Un o Davides his penepaske pral o tselo them Edom. O baro Dewel his ap o Davideskri rig, kai job ninna djas.

1. Rajengro liil 22:47

Ninna tradas lo kol murshen un djuwjen dran o them win, kai bikran pen lowenge ap kol platse, kai i mule debla an-mangedo wan, kolla, kai pral atchan dran ko tsiro, kai leskro dad, o Asa, o baro rai his.

1. Familjakro liil 18:13

Un o David tchiwas moskre dren an hako foro an o them Edom. Un o Davides his penepaske pral o tselo them Edom. O baro Dewel his ap o Davideskri rig, kai job ninna djas.

Obadja 1:21

Un kolla ap i berga Zion, kai win lino wan dran o pandepen, len hi penepaske pral i Edomarja ap pengre berge. Un o baro Dewel hi o baro rai.

4. Mose 20:14

Har hi le an o foro Kadesh, bitchras o Mose jekes pash o baro rajeste pral kol Edomarja, un mukas leske te penell: “Kowa mukell tuke tiro phraal Israel te penell: Tu djineh, hawo pharo tsiro ap mende was,

5. Mose 2:4

Un pen i menshenge Israel: Ap tumaro drom wenn tumer kanna an o them tumare phralendar, kol menshendar, kai wenn pal o Esau, un djiwenn ap i berge Seir. Un jon darenn tumendar. Jaake denn jak,

5. Mose 2:8

Jaake djam dureder un mukam mare phralen pal mende, kol menshen, kai wan o Esaestar, un djiwenn ap i berge Seir. Un mer mukam o drom, hoi djal dran i forja Elat un i Ezjon-Geber an i tala Jordan bis pash o Mulo Baro Pani, un rissram un lam o drom, hoi djal an o mulo tato them Moab.

1. Samuel 17:14

Un o David his o terneder lendar. Un har djan kol triin phureder o Sauleha,