1. Mose 25:22 - O Debleskro Drom 2021 (Sinte)

²² Un i tchawe stakran pen an lakro per. Koi penas joi: “Hoske djal mange kowa?” Un joi djas te putchell li o baro Deblestar.

O Debleskro Lab 2024 (Sinte-Manouche)

²² Oun i čave stakran pen an lakro per. Koy penas yoy: “Hoske djal mange kova?” Oun yoy djas te poučell li o baro Deblestar.

1. Mose 25:22 ပူးပေါင်းရင်းမြစ်များ

Ezekiel 20:31

Bis ap kau diwes chatchrenn tumer viechen kol chochene deblenge, un krenn tumen jaake pale-tchiddo. Ninna chatchrenn lenge tumare tchawe. Un me mukap man tumendar dran o kheer Israel, te putchell? Pash miro djipen, penell o baro Dewel, maro rai, dau man sowel, te mukau man gar tumendar te putchell!

Ezekiel 36:37

Kawa penell o baro Dewel, maro rai: Ninna kowa krau i menshenge dran o kheer Israel: Te mangenn le mandar, mukau lendar jaake bud te well, har hi len bakre.

1. Samuel 10:22

Un jon putchan o baro Deblestar: “Was ko mursh kai?” Un o baro Dewel penas: “Job khatras pes ap i platsa, kai i koola hi.”

1. Samuel 22:15

Ko diwes his gar o ersto kopo, kai putchom o Debles leske! Sawo koowa krau me gar, te phukrap ap tute! Miro baro rai, ma tchip sawi phari doosh ap mande, witar gar ap miro dadeskro kheer. Me djinom kolestar lauterestar gar tchi.”

1. Samuel 28:6

Un o Saul putchas o baro Debles, hoi te krell lo. Un kowa penas leske tchi, das les kek suni, rakras gar leha kol tikne barrentsa, hoi witsedo wan, te sikrenn le, hoi kerdo hunte wella. Witar gar nai penas leske i Debleskro rakepaskro, hoi te krell lo.

1. Samuel 30:8

Un o David putchas o baro Deblestar un penas: “Lap me kol marepangren palla? Un taprau len me palle?” Un o baro Dewel penas ap leste: “Le len palla! Un tu tapreh len un leh i pandlen dran lengre wasta win!”

1. Samuel 9:9

(An o phuro tsiro penas jek an Israel, te kamas lo tchomone o Deblestar te putchell: “Ab, te djas mer pash o dikepaskro!” O dikepaskro kharella kau diwes Debleskro rakepaskro.)