1. Mose 25:20 - O Debleskro Drom 2021 (Sinte)

²⁰ O Isaak his star-desha bersh phuro, har job romedineras i Rebekka. Lakro dad his o Betuel, un lakro phraal his o Laban. Kolla his Aramarja dran o them Paddan-Aram.

O Debleskro Lab 2024 (Sinte-Manouche)

²⁰ O Isaak his star-desha bersh phouro, har yob romedineras i Rebekka. Lakro dad his o Betouel, oun lakro phraal his o Laban. Kolla his Aramarya dran o them Paddan-Aram.

1. Mose 25:20 ပူးပေါင်းရင်းမြစ်များ

1. Mose 22:23

O Betuel hi o dad i tchatar Rebekka. Kolla ochta hi i mursh tchawe, kolen o Abrahameskro phraal Nahor peskri romjatar Milka las.

1. Mose 24:15

Job rakras gar win, koi was i Rebekka un hidjras i khoro ap peskro phiko. Lakro dad his o Betuel. Koleskri dai his i Milka. Kolakro rom his o Nahor, kai o Abrahameskro phraal his.

1. Mose 24:29

I Rebekka, lat his i phraal, ko kharella Laban.

1. Mose 24:67

Un o Isaak anas i Rebekka an o plachteno kheer, kai leskri dai i Sara, djiwas, un romedineras lat. Un job kamas lat. Un o Isaakeskri duk an peskro dji pral peskro dakro merepen was krik lino.

1. Mose 25:26

Pal leste was leskro phraal boldo. Job rikras peskro wasteha i heri peskro phralestar Esau. Doleske las job ko lab Jakob. O Isaak his 60 (shob-deesh) bersh phuro, har kol tchawe boldo wan.

1. Mose 27:43

Kanna, shun ap mande, miro tchawo. Kre tut ap o drom, dja tuke sik un dja pash miro phraleste Laban an o foro Haran.

1. Mose 28:2

Dja an o them Paddan-Aram, an o kheer tiro dakro dadestar Betuel. Le tuke kote i tchai tiri dakro phralestar, o Laban.

1. Mose 28:7

Job dikas ninna, kai o Jakob shunas ap peskro dadeste un ap peskri date un djas an o them Paddan-Aram.

1. Mose 31:18

un tradas peskre tsele viechen glan peste. Ninna las lo peskro tselo brawlepen, hoi job kras peske khetne an o them Paddan-Aram, te djal lo pash peskro dadeste Isaak an o them Kanaan.

1. Mose 31:20

Un o Jakob chochras o Labanes, ko Aramari un penas leske gar, kai jon kaman penge te djal.

1. Mose 31:24

An i rati was o Dewel an i suni pash o Laban, ko Aramari. Un penas ap leste: “Kre o Jakobes kek tchilatchepen un de jak ap tire laba, hoi rakreh o Jakobeha!”

1. Mose 33:18

Pal kowa was o Jakob mishto pash o foro Sichem, kai an o them Kanaan tchiddo hi. Kate atchas lo, har job dran o them Paddan-Aram was, un tchiwas peskre plachtene khera pre glan o foro.

1. Mose 35:26

I tchawe, kolen i Silpa ap i phub anas, his o Gad un o Asser. I Silpa his koi budepaskretsa, kai his i Leake koi. Kolla his o Jakobeskre tchawe, kai bolde wan an o them Paddan-Aram.

1. Mose 35:9

Har o Jakob dran o them Paddan-Aram an o foro Betel was, mukas pes o Dewel pale lestar te dikell un rakras latche laba pral leste win.

1. Mose 46:15

Kolla hi i tchawe un tchawengre tchawe o Jakobestar un i Lea, kai an Paddan-Aram bolde wan, ninna lengri tchai, i Dina. Lauter khetne his jon 33 (trijanda-te-triin) tchawe un tchawengre tchawe.

Louka 4:27

Dikenn ninna ap ko tsiro, kai o Debleskro rakepaskro, o Elisa, djiwas. An ko tsiro his bud menshen an o them Israel i djungelo nasslepen ap pengro mass. Kekes lendar kras o Elisa sasto. Kokres o Naaman dran o them Syria kras job sasto.”

5. Mose 26:5

Un tu peness glan o baro Debleste, kai tiro Dewel hi: “Miro phuro dad his i Aramari, koles kek them his, kai lo khere his. Un job djas peskri familjah an o them Egiptia, un his kote i wi-themari. Leskre menshe his gar budeder har i wast pherdo, un kote wan le bud un budeder, i bari soreli natsjona.