1. Mose 25:2 - O Debleskro Drom 2021 (Sinte)

² Un joi anas leske tchawen ap i phub. Kolengre laba hi: Simran, Jokshan, Medan un Midian, Jishbak un Shuach.

O Debleskro Lab 2024 (Sinte-Manouche)

² Oun yoy anas leske čaven ap i phoub. Kolengre laba hi: Simran, Yokshan, Medan oun Midian, Yishbak oun Shoua.

1. Mose 25:2 ပူးပေါင်းရင်းမြစ်များ

1. Mose 25:1

Un o Abraham las peske i newi romni. Lakro lab his Ketura.

1. Mose 25:3

O Jokshan was o dad dui tchawendar: o Saba un o Dedan. O Dedan was o dad kol menshendar, kai kharenna Ashurarja, Letusharja un Leummarja.

1. Mose 36:35

Har o Husham meras, was o Hadad o baro rai. Leskro dad his o Bedad. Kowa kuras pes i Midianarja an o them Moab un das len. Un ko lab o forestar, kai o Hadad djiwas, his Awit.

1. Mose 37:28

Har i parepangre dran o them Midian pashel wan, tserdan les o Josefeskre phrala dran i gruba win, un bikran les ap i Ismaelarja, un lan lendar biish rupene kotja. Un jon anan o Josefes an o them Egiptia.

1. Mose 37:36

Un i parepangre dran o them Midian bikran o Josefes an o them Egiptia ap jekeste kol rajendar, kai an o baro rajeskro kheer hi. Leskro lab his Potifar. Job his o pralstuno kolendar, kai denn garda ap o baro rajeste pral o them Egiptia.

1. Rajengro liil 11:18

Un jon wan an o them Midian, un djan dureder an o mulo them Paran. Un dran Paran lan le murshen pentsa, un wan an o them Egiptia pash o Farao, ko rai pral Egiptia. Kowa das o Hadadeste i kheer, chapen un i kotar phub.

Hiob 2:11

O Hiobes his triin mala. Har shunan jon fun koi bibacht, hoi was pral o Hiob, wan le pash leste khetne, hakeno fun kotar, kai job djiwell: O Elifas dran o foro Teman, o Bildad dran o them Shuach, o Zofar dran o them Naama. Un jon kran penge win, te djan le pash leste, te sikrenn le leste, har khaitell lo len, un te penenn le leske latche laba.

Jeremia 25:25

i tsele bare raja an i themma Simri, Elam un Media;

4. Mose 22:4

Un jon penan ap kol phurende mank kol Midianarja: “Kanna chan kol tsele menshe halauter pre, hoi trul mende hi, har i grumni koi senlepen ap i phub pre chala.” O Balak his an ko tsiro o baro rai pral i Moabarja.

4. Mose 31:2

“De kol Midianarjen ko tchilatchepen pale, hoi kran le ap i Israelitarjen! Un pal kowa well ko diwes, kai mereh tu.”

4. Mose 31:8

Ninna maran le kol pantch bare rajen pral i Midianarja. Jon kharan Ewi, Rekem, Zur, Hur, un Reba. Ninna dan le o Bileames o chareha mulo, koleskro dad o Beor his.