1. Mose 25:18 - O Debleskro Drom 2021 (Sinte)

¹⁸ Leskre tchawe, kai pal leste wan, djiwan an o them mashkral Hawila un Shur. Shur hi tchiddo glan o them Egiptia ap o drom, hoi djala an Assur. Jaake was tchatcho, hoi pral o Ismael penlo was: ‘Job lell peske i kotar them gar dur peskre phralendar, te choirell lo len.’

O Debleskro Lab 2024 (Sinte-Manouche)

¹⁸ Leskre čave, kay pal leste van, djivan an o them mashkral Havila oun Shour. Shour hi čiddo glan o them Egiptia ap o drom, hoy djala an Assour. Yaake vas čačo, hoy pral o Ismael penlo vas: Yob lell peske i kotar them gar dour peskre phralendar, te rhoyrell lo len.

1. Mose 25:18 ပူးပေါင်းရင်းမြစ်များ

1. Mose 10:29

o Ofir, o Hawila, un o Jobab. Kolla halauter wan pal o Joktan.

1. Mose 10:7

I menshe, kai wan pal o Kush, hi: o Seba, o Hawila, o Sabta, o Ragma, un o Sabteka. I menshe, kai wan pal o Ragma hi: o Seba un o Dedan.

1. Mose 13:10

O Lot dikas ap o tselo them pash o pani Jordan. Kowa his halauter sapeno. Bis pash o foro Zoar his ko them har o baro Debleskri baar un har o them Egiptia. Kowa his glan ko tsiro, kai kol forja Sodom un Gomorra chatchedo wan.

1. Mose 14:10

An i tala Siddim his bud chebja an i phub, kai pherdo teera his. I raja pral i forja Sodom un Gomorra pengre lurdentsa hunte nashan penge. Un bud peran an kol chebja. Un kol wawar, kai pral atchan, nashan an i berge.

1. Mose 16:12

Tiro tchawo wella i mensho har i diwji burika. Job kurell pes hakeneha. Un hakeno kurell pes leha. Job lell peske i kotar them gar dur peskre phralendar, te choirell lo len.”

1. Mose 16:7

Un o baro Debleskro bolepaskro hatsas lat pash i pani, hoi wella dran i phub. Ko pani his an o mulo tato them pash o drom, hoi djala an Shur.

1. Mose 2:11

O lab o ersto panjestar hi Pison. Kowa nashell trul o tselo them Hawila. Koi hatsenn le sonakai.

1. Mose 20:1

Un o Abraham djas dureder un was an o them Negev. Job atchas mank kol dui forja Kadesh un Shur un djiwas an o foro Gerar.

1. Mose 21:14

Sik taissarlakro stas o Abraham pre, las maro un i gono pherdo pani un tchiwas kowa i Hagar ap o phiko, das late ninna o tchawes, un bitchras len pestar krik. Koi djas joi peske un nashas trujel an o mulo tato them pash o foro Beersheba.

1. Mose 21:21

Un job djiwas an ko mulo tato them, hoi kharella ‘Paran’. Un leskri dai las leske i romni dran o them Egiptia.

2. Rajengro liil 23:29

An ko tsiro djas o Farao Necho, ko baro rai pral o them Egiptia, pral pash ko pani, hoi kharella Eufrat, te kurell lo pes o baro rajeha pral o them Assur. Un o baro rai Josia tchiwas pes leske an o drom. Un o Necho maras les pash o foro Megiddo, har lo les dikas.

1. Familjakro liil 1:23

o Ofir, o Hawila un o Jobab. Kolla halauter wan pal o Joktan.

Debleskri gili 78:64

I rashaja wan maredo o chareha, un lengre romja nai rowan gar pral pengre mule romende.

2. Mose 15:22

Un i Israelitarja mukan o Baro Lolo Pani pal pende. Un o Mose anas len an o mulo tato them, hoi kharella Shur. Un jon djan triin diwessa trujel an o mulo them, un hatsan kek pani.

Ezekiel 23:23

kol mursha dran o foro Babilon un dran kol wawar forja an o them Babilonia, ninna kol mursha dran Pekod un Shoa un Koa, un khetne lentsa kolla dran o them Assur. halauter shukar terne mursha, pralstune un bare lurde, un kurepangre un raja, kai lauter ap pengre graja klissenn.

1. Samuel 15:7

Un o Saul das i Amalekarjen an o tselo them mank Hawila un Shur, hoi glan o them Egiptia tchiddo hi.