1. Mose 24:7 - O Debleskro Drom 2021 (Sinte)

⁷ O baro Dewel, o Dewel pral o bolepen, anas man win dran miro dadeskro kheer un miro dadeskro them, un rakras mantsa. Un das pes sowel, te dell lo mire tchawen kau them, kai kanna hom. Kowa bitchrell peskro bolepaskres glan tute, te less miro tchaweske i romjat mire menshendar.

O Debleskro Lab 2024 (Sinte-Manouche)

⁷ O baro Devel, o Devel pral o bolepen, anas man vin dran miro dadeskro kheer oun miro dadeskro them, oun rakras mantsa. Oun das pes sovel, te dell lo mire čaven kava them, kay kanna hom. Kova bičrell peskro bolepaskres glan toute, te less miro čaveske i romyat mire menshendar.

1. Mose 24:7 ပူးပေါင်းရင်းမြစ်များ

1. Mose 13:15

Ko tselo them, hoi dikeh, kowa dau tut un tire tchawen, kai pal tute wenna. Ko them hi tumaro hako tsiro.

1. Mose 15:18

Jaake das o baro Dewel o Abrameste ap ko diwes peskro lab, un penas: “Tire tchawen, kai tutar wenna, dau me kau them mank o lengsto pani o themestar Egiptia un o baro lengsto pani Eufrat.

1. Mose 16:7

Un o baro Debleskro bolepaskro hatsas lat pash i pani, hoi wella dran i phub. Ko pani his an o mulo tato them pash o drom, hoi djala an Shur.

1. Mose 17:8

Un me dau tut un tire tchawen kau them, kai tu kanna i wi-themari hal. Kau tselo them Kanaan well lengro hako tsiro. Un me hom lengro Dewel.”

1. Mose 21:17

Un o Dewel shunas ko tchaweskri gole. Un o Debleskro bolepaskro das i Hagar gole dran o bolepen un penas ap late: “Hoi hi tut, Hagar? Ma traash! O Dewel shunas ko tchaweskri gole, kote kai job tchiddo hi.

1. Mose 22:11

Koi das o baro Debleskro bolepaskro dran o bolepen gole: “Abraham, Abraham!” Penas job: “Kate hom!”

1. Mose 24:3

un de tut sowel ap o baro Debleste, ap o Debleste pral o bolepen un i phub, te less miro tchaweske kek romjat, kai well kate dran o them Kanaan.

1. Mose 24:40

Koi penas o Abraham ap mande: ‘O baro Dewel, kai djau ap leskro drom, bitchrell peskro bolepaskres glan tute un dell bacht ap tiro drom, te less miro tchaweske i romjat mire menshendar un dran miro dadeskro kheer.

1. Mose 26:24

An koi rati mukas pes o baro Dewel lestar te dikell un penas: “Me hom o Dewel tiro dadestar Abraham. Ma traash! Me hom tuha. Me tchiwau miri soor un miri bacht ap tute. Tire tchawe, kai pal tute wenna, wenna bud un budeder. Jaake dom miro lab o Abrahameste, kai mange koi his.”

Esra 1:2

Jaake rakrell o Kirus, ko rai pral o them Persia: O baro Dewel an o bolepen das man i tsele themma ap kai phub. Un job penas mange, te krap leske i kheer an o foro Jerusalem an o them Juda.

Debleskri gili 103:20

Sharenn o baro Debles, tumer bolepangre, kai han leskre sorele kurepangre, un krenn, hoi job penell, un shunenn ap leskre laba!

Debleskri gili 136:26

Sharenn o Debles pral o bolepen! Leskro latchepen atchella hako tsireske!

Debleskri gili 32:8

“Me kamau tute te sikrell hawo drom tu hunte djas, un penau tuke, har tu les djas, un dau jak ap tute,” penell o baro Dewel.

Debleskri gili 34:7

Ake hi jek, kai gole das ap o baro Debleste, har leske djungeles djas, un job shunas les un las les win dran lauter, hoi leske o djipen phares kras.

Debleskri gili 73:24

Tu aneh man ap ko drom, hoi tut mange hi. Un pal miro djipen ap kai phub leh tu man pash tute an tiro railepen.

2. Mose 13:5

O baro Dewel das pes sowel glan tumare phurende, te dell lo tumen ko them, kai djiwenn kanna i Kanaanitarja, i Hetarja, i Amorarja, i Hiwarja un i Jebusarja. Kowa hi i them, kai hi bud thud un gwin dren. Ap ko tsiro, kai anas tumen o baro Dewel an ko them, krenn pale jaake hako bersh an o tchon Abib:

2. Mose 32:13

Ma biste tire budepangren, o Abraham, o Isaak un o Jakob! Kolenge dal tut sowel un penal: ‘Me mukau tumare tchawen budeder te well har i momlia an o bolepen. Kau tselo them, kai me penom, te well lo tumaro, dau tumare tchawende, te djiwenn le kote hako tsireske.’”

2. Mose 33:2

Un me bitchrau i bolepaskro. Kowa djal glan tumende. Un me tradau i wawar menshen an kau them win: i Kanaanitarja, i Amorarja, i Hetarja, i Perisarja, i Hiwarja un i Jebusarja.

Jesaja 63:9

dran ko tselo pharo koowa, hoi ap lende tchiddo his. Kek wawar, kek bolepaskro un kek bitchepaskro was lenge ap i rig. Na-a job kokres was, un las len dran kowa lauter win. Dran leskro tselo dji kamas lo len un his lenge latches. Doleske las lo len koi win, hadas len pre, un hidjras len hake diwessa an ko phuro tsiro.

Daniel 2:44

Un an ko tsiro, kai kol bare raja djiwenna, krell o bolepaskro Dewel jek them, hoi an kek tsiro paash kerdo nai well. Kau them well an kek tsiro wawar menshendar dren lino. Leskro baro rai krell kol wawar rajengre themma paash, un leskri soor atchell hako tsireske.

Jona 1:9

Un job penas ap lende: “Me hom i Hebreari un mangau o baro Debles an, ko Dewel pral o bolepen, kowa kai kras o baro pani un ninna o them.”

4. Mose 11:12

Hi kalla halauter mire tchawe? Wan jon mandar boldo? Har nai peneh tu ap mande: Hidje len an tire mussja, har i djuwel, kai hidjrell i ternepen, te anap len an ko them, kolestar penal lengre phurenge, te dess ko them lenge?

4. Mose 14:16

‘O baro Dewel nai anas kalla menshen gar an ko them, hoi kamas lo lende te dell, kai das job i sowel pre. Doleske maras job len an o mulo tato them.’

4. Mose 14:30

tchatchepah, tumer wenn gar an ko them, kai me hadom miro wast un dom man sowel, te nai djiwenn koi dren. Kokres o Kaleb, koleskro dad o Jefunne hi, un o Josua, koleskro dad o Nun hi, kolla dui wenn koi dren.

4. Mose 32:11

‘Kowa hi tchatcho, hoi penau: Kalla menshe, kai dran o them Egiptia win djan, un hi biish bersha un phureder, dikenn ko them gar, kai dom man sowel, te dap les o Abrahameste, o Isaakeste, un o Jakobeste. Jon djan mantsa gar o djijeha.

Bičepangre 7:5

O Dewel das les kek kotar phub an kau them, witar gar i tikno kotar. Un o Dewel das les peskro lab, te dell lo leskre tchawende i them. An ko tsiro his o Abrahames kek tchawo.

5. Mose 1:8

Kau tselo them tchiwom me glan tumende, djan tumer koi, un lenn les tumenge dren! Kowa hi ko them, kolestar o baro Dewel tumare phurende, o Abrahameste un o Isaakeste un o Jakobeste pes sowel das, te dell lo les lende un lengre tchawende un kolende, kai pal lende wenna.

5. Mose 34:4

Un o baro Dewel penas ap leste: “Kawa hi o them, kolestar penom un me man sowel dom glan o Abraham, o Isaak un o Jakob, te dap kau them lengre tchawende, kai pal lende wenna. Me mukom les tut tire jakentsa te dikell. Pral wergel djas tu gar.”

Hebrearja 1:14

I tsele bolepangre hi leskre budepangre. Kolen bitchras o Dewel ap i rig kolendar, kai djan ap o Debleskro drom, te lenn le o Debleskro djipen, hoi gar pre-herella.

Hebrearja 11:9

Ap ko tsiro djiwan wawar menshe an ko them, hoi kamas les o Dewel te dell. Un o Abraham djas kate un kote an ko them trujel, un djiwas an plachtene khera. Ninna leskro tchawo, o Isaak, un koleskro tchawo, o Jakob, djiwan jaake. Kolenge penas o Dewel ninna: Tumende dau ko them.

Josua 1:6

Ab soreles un ma traash! Tu dess kal menshen pengro them, kai me man sowel dom glan lengre phurende, te dap len kowa!

Josua 24:3

Un me lom tumaro dades Abraham dran ko them ap i wawar rig o panjestar Eufrat, un anom les an o them Kanaan, un mukom les kote trujel te djal, un mukom leskri familja bares te well. Un dom les o Isaak.

Debleskro tsiro 11:13

Un ap jek kopo trissas i phub soreles. Un o deshto kotar ko forestar peras khetne. Un efta serja (7.000) menshe wan maredo. Un kol wawaren tapras i bari daar, un jon sharan o Debles, kai an o bolepen hi.

Čačepangre 2:1

Un o baro Debleskro bolepaskro was dran o foro Gilgal pre ap koi platsa, hoi kharella Bochim, un penas: “Me lom tumen dran o them Egiptia win, un anom tumen an kau them, jaake har man sowel dom glan tumare phure dadende, te dau les tumende. Un me penom, te rikrap hako tsireske miro lab, hoi tumende dom.