1. Mose 24:67 - O Debleskro Drom 2021 (Sinte)

⁶⁷ Un o Isaak anas i Rebekka an o plachteno kheer, kai leskri dai i Sara, djiwas, un romedineras lat. Un job kamas lat. Un o Isaakeskri duk an peskro dji pral peskro dakro merepen was krik lino.

O Debleskro Lab 2024 (Sinte-Manouche)

⁶⁷ Oun o Isaak anas i Rebekka an o plarhteno kheer, kay leskri day i Sara, djivas, oun romedineras lat. Oun yob kamas lat. Oun o Isaakeskri douk an peskro dji pral peskro dakro merepen vas krik lino.

1. Mose 24:67 ပူးပေါင်းရင်းမြစ်များ

1. Mose 18:6

Koi nashas o Abraham sik an o plachteno kheer pash i Sara un penas: “Le sik triin khore parno jarro un kre merklia!”

1. Mose 24:66

O budepaskro penas o Isaakeske halauter, hoi job kras.

1. Mose 25:1

Un o Abraham las peske i newi romni. Lakro lab his Ketura.

1. Mose 25:20

O Isaak his star-desha bersh phuro, har job romedineras i Rebekka. Lakro dad his o Betuel, un lakro phraal his o Laban. Kolla his Aramarja dran o them Paddan-Aram.

1. Mose 29:18

Un o Jakob kamas i Rachel un penas ap o Laban: “Me kamau te budrap tuke efta bersha. Koi pal deh tu man i Rachel, tiri terneder tchai, te romedinerap lat.”

1. Mose 37:35

Un leskre tsele tchawe un tcha wan pash leste, te rakrenn le leha latches. Un job kamas gar, te well leskri duk krik lino. “Na-a” penas job, “miro dji rowella, bis te merau un wau pash miro tchaweste.” Jaake rowas leskro dad pral o Josefeste.

1. Mose 38:12

Pal i rah tsiro meras i romni o Judaestar, kolakro dad o Shua hi. Un har o tsiro o ropaske trujel his, djas o Juda an o foro Timna pash peskre budepangre, kai tchinenn i bal i bakrendar. Leskro maal, o Hira dran Adullam, djas leha.

Kamlepaskri gili 8:2

Me loms tut pash o wast, un anoms tut khere pash mande, an miri dakri isema, kai boldo wom. Me doms tut miri feteder mool, un miri phabjengri mool.

1. Tessalonikarja 4:13

Mire phrala, mer kamah, te djinenn tumer, hoi hi kol patslentsa, kai meran, te well tumenge gar ropaske har kolenge, kai prindjrenn o Debles gar un djinenn gar, hoi pal o merepen wella.

1. Tessalonikarja 4:15

Mer penah tumenge, hoi o rai Jesus menge penas. Mer, kai ham gomme djido ap ko diwes, kai well o Jesus pale, wah gar sikeder pash leste har kolla, kai meran.