1. Mose 24:63 - O Debleskro Drom 2021 (Sinte)

⁶³ Ap jek rati djas job win, te well lo peske kokres. Un har job pre dikas, dikas lo, kai khamele wenna.

O Debleskro Lab 2024 (Sinte-Manouche)

⁶³ Ap yek rati djas yob vin, te vell lo peske kokres. Oun har yob pre dikas, dikas lo, kay khamele venna.

1. Mose 24:63 ပူးပေါင်းရင်းမြစ်များ

1. Mose 18:2

Ap jek kopo dikas job triin murshen. Kolla his i kotar glan leste tardo. Har job len dikas, stas lo pre, nashas pash lende un mukas pes glan lende ap i phub te perell.

1. Mose 24:64

Un i Rebekka dikas pes ninna trujel un dikas o Isaakes. Koi stas joi sik tele i khamelatar un putchas o budepaskrestar:

Debleskri gili 1:2

Kowa hi bachtelo, kai kamell o baro Debleskre laba, un mukell kol laba peske an o shero trujel te djal ap o diwes un an i rat.

Debleskri gili 104:34

Mu well miri gili leske shukar! Me hom bachtelo pral miro baro Debleste.

Debleskri gili 119:15

Me rakrau kolestar, hoi tu menge penal, te kras kowa, un dau jak, te atchap ap tiro drom.

Debleskri gili 119:27

Muk man te haiwap, hoi tire laba mange kamenn te penell. Jaake te rakrap pral ko baro sorelo koowa, hoi tu kral.

Debleskri gili 119:48

Me hadau tire laba pre, un kamau len o djijestar, un mukau len an miro shero trujel te djal.

Debleskri gili 145:5

Jon rakrenn pral tiro railepen un barepen. Un me mukau mange an o shero te well, hoi tu kral un hoi kek wawar nai krella.

Josua 1:8

Pen tuke kol laba glan, hoi an ko liil tchinlo hi! Ap o diwes, har an i rat, muk len tuke an tiro shero trujel te djal, te rikress un kress halauter, hoi an ko liil tchinlo hi. Palle djal tuke halauter mishto, un kowa, hoi kreh, well mishto.