1. Mose 24:53 - O Debleskro Drom 2021 (Sinte)

⁵³ Koi pal las job rupeno un sonakaskro koowa win, ninna shukar ripja. Un das kowa i Rebekka. Lakro phrales un lakri dat das lo ninna kutch koowa.

O Debleskro Lab 2024 (Sinte-Manouche)

⁵³ Koy pal las yob roupeno oun sonakaskro koova vin, ninna shoukar ripya. Oun das kova i Rebekka. Lakro phrales oun lakri dat das lo ninna kouč koova.

1. Mose 24:53 ပူးပေါင်းရင်းမြစ်များ

1. Mose 24:10

Pal kowa las o budepaskro deesh khamele un kutch koowa peskro rajestar peha, un djas an o them Mesopotamia an o foro, kai o Nahor djiwell.

1. Mose 24:22

Har i khamele tchalo his, las job i sonakaskri gustri: shob gramme pharo, un dui sonakangre mussjengre gustria: 120 (sheel-te-biish) gramme pharo. Un das kowa late. Un job putchas latar:

2. Familjakro liil 21:3

Un lengro dad das len bud koowa dran rup un sonakai un wawar kutch koowa. Koi pashel das lo len sorele forja an o them Juda. O Joram, kai his o phureder lendar, koles kras lo baro rai.

Esra 1:6

Un halauter, kai trul lende trujel djiwan, kran lengre wasta soreles un dan len rup, sonakai, wawar latcho un kutch koowa un vieche, ninna wawar koowa, hoi jon len dran pengro kamlepen dan.

2. Mose 11:2

Jaake pen kanna ap i Israelitarja, te mangell hako rom peske rup un sonakai ko egiptikro murshestar, kai langs leste djiwella. Ninna haki romni mangell kowa koi egiptikri djuwjatar, kai langs late djiwella.”

2. Mose 12:35

Un i Israelitarja kran pal i laba, hoi o Mose ap lende penas, un djan pash i Egiptarja un mukan pen lendar rupeno un sonakaskro koowa te dell, ninna shukar ripja.

2. Mose 3:22

Tumare djuwja djan pash kolende, kai langs lende khere hi un mangenn lendar sonakai un rup, un shukar ripja. Kawa lauter lenn lendar un denn les tumare tchawende, te hidjrenn le les.”

Kamlepaskri gili 1:10

Tire tchamja hi shukar mank i kanengre, un tiri meen hi shukar an werklia dran mirklia.

Kamlepaskri gili 4:13

Har i baar hal tu pherde ruka gudle phabjentsa, un rukengre, hoi mishto sungenna, un o chapen latches krenna: Henna un Narda, Safrano, gudlo sungepaskro khass un Zimto, Weihrauch, Myrrhe un Aloe, halauter latche kashta un patria.

Jesaja 39:2

Un o Hiskija his bachtelo pral i bitchepangre, un sikras lende peskro tselo brawlepen, rup, sonakai, sungepaskro koowa, latcho djet, un ko kheer, kai kol tsele kurepaskre koola dren hi, un leskro tselo kutch koowa. Tchi his an leskro kheer un an leskro them, hoi lo lenge gar sikras.