1. Mose 24:48 - O Debleskro Drom 2021 (Sinte)

⁴⁸ Koi pal witsrom man tele glan o baro Debleste un parkrom man pash leste. Un sharom les, o Debles miro rajestar Abraham. Job anas man ap o tchatcho drom, te anap miro rajeskro tchaweske i tchai leskro phraleskro tchawestar.

O Debleskro Lab 2024 (Sinte-Manouche)

⁴⁸ Koy pal vitsrom man tele glan o baro Debleste oun parkrom man pash leste. Oun sharom les, o Debles miro rayestar Abraham. Yob anas man ap o čačo drom, te anap miro rayeskro čaveske i čay leskro phraleskro čavestar.

1. Mose 24:48 ပူးပေါင်းရင်းမြစ်များ

1. Mose 22:23

O Betuel hi o dad i tchatar Rebekka. Kolla ochta hi i mursh tchawe, kolen o Abrahameskro phraal Nahor peskri romjatar Milka las.

1. Mose 24:52

Har o Abrahameskro budepaskro lengre laba shunas, witsras pes lo tele glan o baro Debleste, te parkrell lo pes pash leste.

Esra 8:21

Un me mukom kote pash o pani Ahawa i tsiro win te kharell, kai chas mer tchi, un djas ap i tchanga glan maro Debleste, te djal lauter mishto ap maro drom, te djah an maro them, un te wenn kek tchilatche menshe pral mende un mare tchawende un halauter hoi men hi.

Debleskri gili 107:7

Un job sikras len o tchatcho drom, jaake te wan le an i foro, kai menshe djiwenna.

Debleskri gili 32:8

“Me kamau tute te sikrell hawo drom tu hunte djas, un penau tuke, har tu les djas, un dau jak ap tute,” penell o baro Dewel.

Debleskri gili 48:14

Denn jak ap i pre-tchidde barra trul o foro un i sorele khera an o foro, jaake te nai penenn kowa tumare tchawenge.

2. Mose 18:20

Un sike tu len, hoi o Dewel kamella un lenge penella, te djan le ap leskro drom un krenn, hoi job lendar kamella.

Gosewe laba 4:11

Me anau tut ap o drom, kai dikeh, har te djiwess gosewes. Me sikrau tut o tchatcho drom.

Jesaja 48:17

O baro Dewel, kowa, kai tut, Israel, win las dran o pandepen, job, o tchatcho Dewel, hi o Israeleskro Dewel un penell: Me, o baro Dewel, hom tiro Dewel, kowa, kai tute sikrell, hoi tuke mishto hi, un ap hawo drom tu hunte djas.