1. Mose 24:45 - O Debleskro Drom 2021 (Sinte)

⁴⁵ Har me jaake an miro dji rakrom, koi was i Rebekka. Lakro khoro his ap lakro phiko. Joi djas pash ko pani tele, te lell li pani. Koi penom me ap late: ‘De man te pijell!’

O Debleskro Lab 2024 (Sinte-Manouche)

⁴⁵ Har me yaake an miro dji rakrom, koy vas i Rebekka. Lakro khoro his ap lakro phiko. Yoy djas pash ko pani tele, te lell li pani. Koy penom me ap late: De man te piyell!

1. Mose 24:45 ပူးပေါင်းရင်းမြစ်များ

1. Mose 24:44

‘Pi, un tire khamelen kamau ninna pani te dell’, hi joi koi romni, kai o baro Dewel miro rajeskro tchaweske wi-rodas.

2. Samuel 7:27

Tu, baro Dewel un rai pral o bolepen un i phub, kai hal o Israeleskro Dewel, tu sikral man, hoi kameh te krell – un penal mange: ‘Me krau tuke i kheer.’ Doleske lom man khetne un rakrom jaake ap tute.

Nehemia 2:4

Un o baro rai putchas: “Hoi kameh tu?” Kote rakrom o Debleha an o bolepen,

Jesaja 58:9

Palle deh tu gole, un o baro Dewel rakrell ap tute pale! Hako kopo, kai deh gole ‘ab ap miri rig’, penell job: ‘Kate hom.’ Tu rikress kekes tele pash tute, un aness tchi ap jekeste pre, hoi gar tchatcho hi, un rakress gar djungeles pral leste.

Jesaja 65:24

Un kawa well jaake: Jon dan gomme gar gole, koi dom man glan, un jon rakrenn gomme, koi shunau me.

Daniel 9:19

Ach rai, shun! Ach rai, le mari doosh krik! Ach rai, shun un kre tchomone! Kre les sik! Gar menge, tuke kre les, miro Dewel! Tiro foro un tire menshe wenn pal tiro lab kharedo.

Daniel 9:23

Har mangal o Debles, un rakral tire erste laba win, lom i lab lestar. Un me wom, te penap tuke kau lab. Tu hal kutch o Debleske. Kanna de jak, hoi penau, te haiwess, hoi ko dikepen kamell te penell.

Mateo 7:7

Mangenn o Debles! Un o Dewel dell tumen! Rodenn les! Un tumer hatsenn les. Denn ap o wudar, un kowa well tumenge pre kerdo!

Bičepangre 10:30

Koi penas o Kornelio: “Glan star diwessa, his trinenge, mangom o Debles an miro kheer an. Koi his ap jek kopo i mursh glan mande tardo. Koleskre koola his bijalo.

Remarja 8:26

Ninna well o Debleskro Ducho ap mari rig, kai ham gar sorelo. Te kamah mer te rakras o Debleha un djinah gar, hoi te mangas lestar, palle rakrell o Debleskro Ducho menge i labentsa, hoi kek nai rakrell win.