1. Mose 24:44 - O Debleskro Drom 2021 (Sinte)

⁴⁴ ‘Pi, un tire khamelen kamau ninna pani te dell’, hi joi koi romni, kai o baro Dewel miro rajeskro tchaweske wi-rodas.

O Debleskro Lab 2024 (Sinte-Manouche)

⁴⁴ Pi, oun tire khamelen kamau ninna pani te dell, hi yoy koy romni, kay o baro Devel miro rayeskro čaveske vi-rodas.

1. Mose 24:44 ပူးပေါင်းရင်းမြစ်များ

1. Mose 2:22

Un job kras i djuwjat dran ko kokalo o romestar. Un anas lat pash o romeste.

1. Mose 24:14

Me te penau ap jekate: ‘De man dran tiro khoro te pijell!’ Un joi penella ap mande: ‘Pi!’ Un joi della ninna i khamelen te pijell, palle hi li koja, kai tu o Isaakeske wi-rodal. Ap kowa dikau me, kai hal miro rajeske latcho.”

1. Mose 24:43

Me hom kate tardo pash kau pani. Te penau me kanna ap koi tchate, kai wella, te lell li pani: ‘De man i mui pherdo pani dran tiro khoro te pijell’. Un joi penell ap mande:

1. Mose 24:45

Har me jaake an miro dji rakrom, koi was i Rebekka. Lakro khoro his ap lakro phiko. Joi djas pash ko pani tele, te lell li pani. Koi penom me ap late: ‘De man te pijell!’

Gosewe laba 16:33

O mensho witsrell tikne kashta, te djinell lo, hoi te krell. Har le perenn, kowa well o baro Deblestar.

Gosewe laba 18:22

Koon i romjat hatsas, hatsas i bacht. O baro Dewel dikas latches ap leste.

Gosewe laba 19:14

I kheer un lowe lell o tchawo peskro dadestar pal koleskro merepen. I romni, kai an peskro dji dikell, glan te rakrell li, well o baro Deblestar.

Jesaja 32:8

Ko pralstuno, kai hi an o tchatchepen tardo, lell peske tchatcho koowa glan. un mukell gar tele, te krell lo kowa ninna.

1. Timoteo 2:10

Lakro shukapen sikrell pes an ko latcho koowa, hoi joi krella. Jaake hi kowa pash kol djuwjende, kai ap o Debleste patsenna.

Hebrearja 13:2

Te well jek pash tumende, ma bistrenn, te lenn les an tumaro kheer! His menshe koi, kai lan bolepangre an pengro kheer, un djinan les gar.

1. Petro 3:8

Ap tumende lauterende penau: Rikrenn khetne! Hakenes te well i dji o wawareske! Tumer lauter han phrala un phenja. Awenn latches jek ap o wawareste! Ma krenn tumen bares!