1. Mose 24:42 - O Debleskro Drom 2021 (Sinte)

⁴² Jaake wom kau diwes pash kau pani un penom: Baro Dewel, o Dewel miro rajestar Abraham, te deh tu tchatchepah bacht ap ko drom, kai me djau, sike les mande!

O Debleskro Lab 2024 (Sinte-Manouche)

⁴² Yaake vom kava dives pash kava pani oun penom: Baro Devel, o Devel miro rayestar Abraham, te deh tou čačepah barht ap ko drom, kay me djau, sike les mande!

1. Mose 24:42 ပူးပေါင်းရင်းမြစ်များ

1. Mose 24:11

Un job mukas i khamele tele te tchiwell pash o pani glan o foro. His an i rati, har i djuwja o pani lenna.

1. Mose 24:27

un penas: “Sharedo well o baro Dewel, o Dewel miro rajestar Abraham. Job rikras peskro latchepen un tchatchepen gar pale miro rajestar. O baro Dewel anas man ap o drom pash o kheer miro rajeskre menshendar.”

1. Mose 24:31

Un o Laban penas ap leste: “Am kai dren! I soor un i bacht o baro Deblestar hi ap tute tchiddo. Hoske hal tu win tardo? Me krom tuke o kheer djudjo. Un i khamelenge hi ninna platsa.”

1. Mose 39:3

Har leskro rai Potifar dikas, kai o baro Dewel pash o Josefeste his un les bacht das an lauter, hoi job peskre wastentsa kras, his job latches ap leste.

Esra 8:21

Un me mukom kote pash o pani Ahawa i tsiro win te kharell, kai chas mer tchi, un djas ap i tchanga glan maro Debleste, te djal lauter mishto ap maro drom, te djah an maro them, un te wenn kek tchilatche menshe pral mende un mare tchawende un halauter hoi men hi.

Nehemia 1:11

Ach rai, shun ap miro mangepen un ap o mangepen kolendar, kai ninna tire budepangre hi, kai mangenn tut o djijestar an. Jaake muk kowa mishto te djal, hoi man glan hi, un kre, te dikell o baro rai, o Artaxerxes, latches ap mande.” An ko tsiro homs ko mursh, dran koleskro wast o pipen o baro rajeske was.

Debleskri gili 37:5

De tiro djipen an o wast o baro Deblestar, un pats ap leste! Palle krell job lauter mishto.

Debleskri gili 90:17

Tu rai, maro Dewel, dik latches ap mende, un tchip tiri bacht ap kowa, hoi mare wastentsa krah. Awa, muk mari budi mishto te djal!

Bičepangre 10:22

Penan le: “O Kornelio, ko pralstuno i lurdendar, bitchras men. Kowa hi i latcho mursh, un patsell ap o Debleste. I tsele bibolde rakrenn latches pral leste. I Debleskro bolepaskro penas ap leste, te lell job tut an peskro kheer, un te shunell job, hoi tu leske kameh te penell.”

Remarja 1:10

Un hako tsiro mangau lestar, te krell lo mange i drom, te nai wap pash tumende.

1. Samuel 1:13

I Hanna rakras peske kokres an peskro dji. Ninna te djas lakro mui, har te rakrals li, nai shunas kek lakre laba. Kote patsas o Eli, te hi li mati.

1. Samuel 9:6

Ko budepaskro penas: “Dik an kau foro hi i Debleskro mursh. Un job hi an-diklo. Lauter, hoi job penell, well ninna jaake. Djas pash leste, te putchas lestar, hawo drom mer te djas.”