1. Mose 24:27 - O Debleskro Drom 2021 (Sinte)

²⁷ un penas: “Sharedo well o baro Dewel, o Dewel miro rajestar Abraham. Job rikras peskro latchepen un tchatchepen gar pale miro rajestar. O baro Dewel anas man ap o drom pash o kheer miro rajeskre menshendar.”

O Debleskro Lab 2024 (Sinte-Manouche)

²⁷ oun penas: “Sharedo vell o baro Devel, o Devel miro rayestar Abraham. Yob rikras peskro lačepen oun čačepen gar pale miro rayestar. O baro Devel anas man ap o drom pash o kheer miro rayeskre menshendar.”

1. Mose 24:27 ပူးပေါင်းရင်းမြစ်များ

1. Mose 13:8

Koi penas o Abram ap o Lot: “Me kamau kek tchingepen mank mende, witar gar mank tire budepangre un mire budepangre. Mer ham phrala.

1. Mose 14:20

Un sharedo well o Dewel pral halauter, kai das kolen an tire wasta, kai tuha kuran pen.” Un o Abram das les o deshto kotar halauterestar, hoi job pale anas.

1. Mose 24:12

Un job penas: “Baro Dewel, o Dewel miro rajestar Abraham, de man kanna bacht ap miro drom! Un ab miro rajeske Abraham latcho!

1. Mose 24:21

O mursh las lat an i jak un penas tchi. Job kamas te djinell, te das les o baro Dewel bacht ap leskro drom.

1. Mose 24:4

Dja an miro dadeskro them, pash mire menshende! Kolengre tchendar le miro tchaweske Isaak i romjat!”

1. Mose 24:42

Jaake wom kau diwes pash kau pani un penom: Baro Dewel, o Dewel miro rajestar Abraham, te deh tu tchatchepah bacht ap ko drom, kai me djau, sike les mande!

1. Mose 24:48

Koi pal witsrom man tele glan o baro Debleste un parkrom man pash leste. Un sharom les, o Debles miro rajestar Abraham. Job anas man ap o tchatcho drom, te anap miro rajeskro tchaweske i tchai leskro phraleskro tchawestar.

1. Mose 32:10

Un o Jakob penas ap o Debleste: “Tu, o Dewel miro papestar Abraham un miro dadestar Isaak, tu hal o baro Dewel, kai penal ap mande: ‘Dja pale an tiro them un pash tire menshende. Me krau tuke latchepen.’

1. Mose 32:11

Me, tiro budepaskro, hom gar moldo, kai hal jaake latcho un kamlo ap mande. Har djom pral o pani Jordan, his man tchi har i kasht an o wast. Kanna hi man i bari familja un kal bud vieche, kai hi ap dui bare platse.

1. Mose 9:26

Palle penas job: “Me sharau o baro Debles, ko Debles kones o Sem an-mangella. Un o Kanaan well peskro phraleskro budepaskro!

2. Samuel 18:28

O Ahimaaz das gole: “Lauter hi mishto!” Un job witsras pes glan o baro rajeste tele ap i phub ap peskro mui, un penas: “Sharedo well o baro Dewel, kai tiro Dewel hi, un das kolen an tiro wast, kai hadan pengro wast ap tute, miro baro rajeste.”

Debleskri gili 100:5

Kamlo hi o baro Dewel. Leskro latchepen atchell hako tsireske. Un leskro tchatchepen herell gar pre.

Debleskri gili 68:19

Tu, Dewel, djal pre an o pralstunepen un lal stilde tuha. Tu lal kutch koowa kol menshendar, kai kaman tchi tutar te djinell. Tu, baro Dewel, djiweh kote.

Debleskri gili 98:3

Job bistras gar peskro latchepen o khereske Israel, un rikrell peskro lab, hoi das lo lende. I tseli phub dikas, har las lo len win dran o tchilatchepen.

2. Mose 18:10

Un o Jetro penas: “Me sharau o baro Debles, kai las tumen win dran o wast i Egiptarendar un dran o wast o Faraestar.

2. Mose 2:11

Har his o Mose baro, was i diwes, kai djas lo pash peskre menshende. Koi dikas job har jon phares hunte budrenn, un har das jek Egiptari i Hebreares.

2. Mose 2:13

O wawar diwes djas job pale win. Job dikas har tchingran pen dui Hebretikre mursha. Un job penas ap koleste, hoi gar an o tchatchepen his: “Hoske deh tu i romes, kai hi tire menshendar?”

2. Mose 34:6

Job djas glan o Moseste dureder un das gole: “Me hom o baro Dewel. O baro Dewel hom me. Man hi i baro dji, pherdo kamlepen. Me wau gar sik chojedo. Miro latchepen hi baro un me dau mire menshen gar pre.

Gosewe laba 3:6

Rike tut ap o baro Debleste, hoi tu ninna kreh! Un job krell tiro drom tchatcho glan tute.

Gosewe laba 8:20

Kote, kai i menshe ap o tchatcho drom djan, un an o tchatchepen tardo hi, kote hom me ninna,

Micha 7:20

Tu rikreh tiro lab, un mukeh o Jakobeskre tchawen gar. Kolenge, kai wenn pal o Abrahameste, hal tu latcho, jaake har penal kowa mare phurenge an o phuro tsiro, un dal tut sowel koi pre.

Louka 1:68

“Sharas o baro Debles! Job hi o Israeleskro Dewel! Job was pash mende, un las men dran mari bibacht win.

Johanni 1:17

O Mose das men kol laba, kai penenna, har mer djiwas. O Jesus Kristo anas menge o Debleskro latchepen un tchatchepen.

Efesarja 1:3

Sharas maro Debles! Job hi o Dewel un o dad maro rajestar, o Jesus Kristestar, un das peskro tselo bolepaskro brawlepen mende, kai ham patslo ap o Jesus Kristeste.

1. Timoteo 1:17

Me sharau o Debles, koles, kai hako tsiro o baro rai hi; kowa, kai merella gar, un kai nai dikell les kek. Kowa kokres hi o Dewel. Leskro railepen atchell hako tsireske. Amen.

Ruth 4:14

Kote penan i djuwja ap i Naomi: “Sharedo well o baro Dewel, hoi tut kau diwes i tchawes das, kai tuke koi hi. Kowa well an-diklo an o them Israel.

1. Samuel 25:32

Un o David penas ap i Abigajil: “Sharedo well o baro Dewel, o Dewel pral o Israel, kowa kai tut kau diwes pash mande bitchras!

1. Samuel 25:39

Un har o David shunas, te meras o Nabal, penas lo: “Sharedo well o baro Dewel, kai i ladj, hoi o Nabal ap mande anas, ap leste pale anas. Un man, peskro budepaskres, rikras lo pale, te krap i tchilatcho koowa. Un ko tchilatcho koowa, hoi o Nabal kras, mukas o baro Dewel ap leskro shero pale te perell.” Un o David bitchras murshen pash i Abigajil, un mukas lake te penell, te kamell lo lat te romedinerell.