1. Mose 24:17 - O Debleskro Drom 2021 (Sinte)

¹⁷ Koi nashas ko budepaskro pash late un penas ap late: “De man pani dran tiro khoro te pijell!”

O Debleskro Lab 2024 (Sinte-Manouche)

¹⁷ Koy nashas ko boudepaskro pash late oun penas ap late: “De man pani dran tiro khoro te piyell!”

1. Mose 24:17 ပူးပေါင်းရင်းမြစ်များ

1. Mose 24:45

Har me jaake an miro dji rakrom, koi was i Rebekka. Lakro khoro his ap lakro phiko. Joi djas pash ko pani tele, te lell li pani. Koi penom me ap late: ‘De man te pijell!’

1. Rajengro liil 17:10

Un job stas pre un djas an o foro Zarpat. Un har was lo ap o foreskro wudar, dikas lo kote i djuwel, kolakro rom meras. Koja hadas kasht pre. Job rakras lah un penas: “Le mange i tcharo pani, te pijap!”

Jesaja 21:14

Tumer, kai an o them Tema djiwenn, djan pash kolende win, kai ap o naashepen hi! Anenn kolenge, kai trushenna, pani te pijell, un denn len maro te chal!

Jesaja 30:25

Un an ko tsiro, kai o baro marepen hi, un i sorele khera khetne phagenn, nashenn panja, tikne un bare, o pralstuno themestar un ap haki berga tele.

Jesaja 49:10

Jon bokenna gar un trushenna witar gar. Un o tato ducho dran o mulo them dukrell len gar, witar gar dell len o kham tchurje. Me, kai man i baro dji lenge hi, sikrau lenge o drom, un anau len pash shila pani, te nai pijenn le.

Johanni 4:7

Koi was i djuwel pash ko pani, te lell li pani. Koja his i Samaritetsa. O Jesus penas ap late: “De man te pijell!”

Johanni 4:9

Koi djuwel penas ap leste: “Tu hal i biboldo. Me hom i Samaritetsa. Har nai mangeh tu mandar pani, te dap tut te pijell? I bibolde chan gar khetne i Samaritentsa.”