1. Mose 24:14 - O Debleskro Drom 2021 (Sinte)

¹⁴ Me te penau ap jekate: ‘De man dran tiro khoro te pijell!’ Un joi penella ap mande: ‘Pi!’ Un joi della ninna i khamelen te pijell, palle hi li koja, kai tu o Isaakeske wi-rodal. Ap kowa dikau me, kai hal miro rajeske latcho.”

O Debleskro Lab 2024 (Sinte-Manouche)

¹⁴ Me te penau ap yekate: De man dran tiro khoro te piyell! Oun yoy penella ap mande: Pi! Oun yoy della ninna i khamelen te piyell, palle hi li koya, kay tou o Isaakeske vi-rodal. Ap kova dikau me, kay hal miro rayeske lačo.”

1. Mose 24:14 ပူးပေါင်းရင်းမြစ်များ

1. Mose 15:8

Koi penas o Abram: “Miro rai, baro Dewel, har djinau me, te well kau them miro?”

1. Mose 24:13

Dik, me hom kate pash kau pani tardo. Un i tcha dran ko foro wenna, te lenn le pani.

1. Mose 24:15

Job rakras gar win, koi was i Rebekka un hidjras i khoro ap peskro phiko. Lakro dad his o Betuel. Koleskri dai his i Milka. Kolakro rom his o Nahor, kai o Abrahameskro phraal his.

1. Mose 24:18

“Pi, miro rai!” penas joi, un las sik o khoro tele an lakro wast, te pijell lo.

1. Mose 24:19

Har les kek trush buder his, penas joi: “Tire khamelenge kamau ninna pani te anell, jaake bud, te hi len buder kek trush.”

1. Mose 24:43

Me hom kate tardo pash kau pani. Te penau me kanna ap koi tchate, kai wella, te lell li pani: ‘De man i mui pherdo pani dran tiro khoro te pijell’. Un joi penell ap mande:

1. Mose 24:44

‘Pi, un tire khamelen kamau ninna pani te dell’, hi joi koi romni, kai o baro Dewel miro rajeskro tchaweske wi-rodas.

2. Samuel 20:9

Un o Joab penas ap o Amasa: “Har djal tuke, miro phraal?” Un o Joab tapras o tchatcho wasteha o Amaseskri tchor, te tchumrell lo les.

2. Samuel 5:24

Tu te shuneh i gole, har te djal jek pral an i ruka, am sik! Palle djal o baro Dewel glan tute, te dell job i Filistarengre lurden.”

Gosewe laba 19:14

I kheer un lowe lell o tchawo peskro dadestar pal koleskro merepen. I romni, kai an peskro dji dikell, glan te rakrell li, well o baro Deblestar.

Jesaja 7:11

“Mange mandar, tiro baro Deblestar, i sikepen! Muk man te krap tchomone an o mulengro them oder an o bolepen, hoi tut sikrell, te well kowa jaake har penom!”

Remarja 1:10

Un hako tsiro mangau lestar, te krell lo mange i drom, te nai wap pash tumende.

Čačepangre 18:5

Un jon mangan les: “Putch o Deblestar, te djinas: Hi kau drom, hoi mer kate djah, ninna o tchatcho drom?”

Čačepangre 6:17

Kote penas lo: “Te hal tu mange latcho, palle de man tchomone, hoi man sikrell, te hal tu tchatchepah o baro Dewel, kai mantsa rakrell.

Čačepangre 6:37

Dik, me tchiwau kal bakrengre balla, hoi tele tchinlo wan, ap ko djobeskri platsa. Te wenn taissarlakro kal balla kokres sapeno, un gar koi phub, hoi trujel hi, palle dikau, te kameh mantsa o Israel win te lell, jaake har tu ap mande penal.”

1. Samuel 20:7

Te penell lo palle ‘Kowa hi mishto’, palle djinau, te hunte darap buder gar. Te well lo chojedo, palle haiwess tu, te las lo peske glan, te krell lo mange tchilatchepen.