1. Mose 24:12 - O Debleskro Drom 2021 (Sinte)

¹² Un job penas: “Baro Dewel, o Dewel miro rajestar Abraham, de man kanna bacht ap miro drom! Un ab miro rajeske Abraham latcho!

O Debleskro Lab 2024 (Sinte-Manouche)

¹² Oun yob penas: “Baro Devel, o Devel miro rayestar Abraham, de man kanna barht ap miro drom! Oun ab miro rayeske Abraham lačo!

1. Mose 24:12 ပူးပေါင်းရင်းမြစ်များ

1. Mose 15:1

Koi pal mukas o baro Dewel o Abrames leskri gole te shunell un penas ap leste: “Ma traash, Abram! Me rikrau mire wasta pral tute. Un me hom tuke i baro brawlepen.”

1. Mose 24:21

O mursh las lat an i jak un penas tchi. Job kamas te djinell, te das les o baro Dewel bacht ap leskro drom.

1. Mose 24:27

un penas: “Sharedo well o baro Dewel, o Dewel miro rajestar Abraham. Job rikras peskro latchepen un tchatchepen gar pale miro rajestar. O baro Dewel anas man ap o drom pash o kheer miro rajeskre menshendar.”

1. Mose 24:42

Jaake wom kau diwes pash kau pani un penom: Baro Dewel, o Dewel miro rajestar Abraham, te deh tu tchatchepah bacht ap ko drom, kai me djau, sike les mande!

1. Mose 24:48

Koi pal witsrom man tele glan o baro Debleste un parkrom man pash leste. Un sharom les, o Debles miro rajestar Abraham. Job anas man ap o tchatcho drom, te anap miro rajeskro tchaweske i tchai leskro phraleskro tchawestar.

1. Mose 26:24

An koi rati mukas pes o baro Dewel lestar te dikell un penas: “Me hom o Dewel tiro dadestar Abraham. Ma traash! Me hom tuha. Me tchiwau miri soor un miri bacht ap tute. Tire tchawe, kai pal tute wenna, wenna bud un budeder. Jaake dom miro lab o Abrahameste, kai mange koi his.”

1. Mose 27:10

Kowa an tiro dadeske, te chal lo les, un rakrell o Debleskri bacht win pral tute glan leskro merepen.”

1. Mose 27:20

Koi putchas o Isaak peskro tchawestar: “Har hatsal kowa jaake sik, miro tchawo?” “O baro Dewel, tiro Dewel, das man bacht”, penas o Jakob.

1. Mose 28:13

Un o baro Dewel his tardo pral pre un penas: “Me hom o baro Dewel, ko Dewel tiro papestar Abraham un ninna o Isaakeskro Dewel. Kau them, kai tu tchiddo hal, dau tut un tire tchawen, kai pal tute wenna.

1. Mose 31:42

O Dewel miro dadestar, kai ninna o Abrahameskro Dewel hi, un kolestar trashell miro dad Isaak, te wals ko Dewel gar ap miri rig, tchatchepah, mukals man tchorweles te djal. O Dewel dikas, har marom man tuke tele un har pharo miri budi his. Doleske his job taissar rati ap miri rig tardo.”

1. Mose 32:10

Un o Jakob penas ap o Debleste: “Tu, o Dewel miro papestar Abraham un miro dadestar Isaak, tu hal o baro Dewel, kai penal ap mande: ‘Dja pale an tiro them un pash tire menshende. Me krau tuke latchepen.’

1. Mose 32:9

Job penas peske: “Te well o Esau un dell kolen ap koi jek rig mulo, nashenn nai kolla ap koi wawar rig.”

1. Mose 43:14

Un o sorelo Dewel mu krell, te well o rom tumenge latcho, jaake kai mukell lo tumaro wawar phrales un o Benjamines tumentsa pale te djal. Me krau nai tchi. Nashrau mire tchawen, nashrau len!”

1. Rajengro liil 18:36

Un har ko tsiro was, kai rati o Debleskro chapen anlo was, djas o Elija pash koi chatchepaskri un kharas: “Baro Dewel, tu o Dewel o Abrahamestar, o Isaakestar un o Israelestar, kau diwes mu well diklo, kai tu hal o Dewel an Israel, un me hom tiro budepaskro, un krom kau tselo koowa jaake, har tu mange penal.

2. Rajengro liil 2:14

un las koi plaashka, das ap o pani un penas: “Kai hi kanna o baro Dewel, ko Dewel, koleske o Elija budras?” Un das ap o pani. Koi djas o pani ap dui rigja, un o Elisa djas ap i wawar rig.

Nehemia 1:11

Ach rai, shun ap miro mangepen un ap o mangepen kolendar, kai ninna tire budepangre hi, kai mangenn tut o djijestar an. Jaake muk kowa mishto te djal, hoi man glan hi, un kre, te dikell o baro rai, o Artaxerxes, latches ap mande.” An ko tsiro homs ko mursh, dran koleskro wast o pipen o baro rajeske was.

Nehemia 2:4

Un o baro rai putchas: “Hoi kameh tu?” Kote rakrom o Debleha an o bolepen,

Debleskri gili 118:25

Baro Dewel, ab ap mari rig! De men bacht, te djal lauter mishto!

Debleskri gili 122:6

Mangenn o Deblestar i bacht pral o foro Jerusalem un penenn: “Kolenge, kai kamenn tut, Jerusalem, mu djal mishto!

Debleskri gili 127:1

I gili o Salomestar te giwell ap o drom an Jerusalem. Te krell o baro Dewel gar o kheer, palle budrenn i budepangre tchitcheske. Te dell o baro Dewel gar jak ap o foro, palle hi tchitcheske, te denn mursha jak ap o foro.

Debleskri gili 37:5

De tiro djipen an o wast o baro Deblestar, un pats ap leste! Palle krell job lauter mishto.

2. Mose 3:6

Un pale penas lo ap o Moseste: “Me hom tiro dadeskro Dewel, un o Abrahameskro Dewel, un o Isaakeskro Dewel un o Jakobeskro Dewel.” Un o Mose tchiwas i diklo glan peskre jaka. Job daras, te dikell lo ap o Debleste.

Gosewe laba 3:6

Rike tut ap o baro Debleste, hoi tu ninna kreh! Un job krell tiro drom tchatcho glan tute.

Mateo 22:32

Me hom o Abrahameskro Dewel un o Isaakeskro Dewel un o Jakobeskro Dewel. Un me penau tumenge: Job hi gar o Dewel kolenge, kai mulo hi. Na-a, job hi o Dewel i djidenge.”

Filiparja 4:6

Ma darenn tchi! Hako tsiro mangenn o Deblestar, hoi tumen hunte well, un penenn leske lauter, hoi ap tumaro dji hi! Un parkrenn tumen pash leste!