1. Mose 23:4 - O Debleskro Drom 2021 (Sinte)

⁴ Un job penas ap lende: “Me hom mank tumende i wi-themari. Man hi kek kotar them pash tumende. Kanna mangau tumen: Denn man i kotar them pash tumende, te paskrap miri muli romjat.”

O Debleskro Lab 2024 (Sinte-Manouche)

⁴ Oun yob penas ap lende: “Me hom mank t'mende i vi-themari. Man hi kek kotar them pash t'mende. Kanna mangau t'men: Denn man i kotar them pash t'mende, te paskrap miri mouli romyat.”

1. Mose 23:4 ပူးပေါင်းရင်းမြစ်များ

1. Mose 17:8

Un me dau tut un tire tchawen kau them, kai tu kanna i wi-themari hal. Kau tselo them Kanaan well lengro hako tsiro. Un me hom lengro Dewel.”

1. Mose 23:5

I Hetarja penan ap o Abrahameste:

1. Mose 3:19

Tu hunte budress jaake phares tiro chapaske, te nashell o pani pral tiro mui, bis te weh pale phub. Tu hal kerdo dran i tchik i phubjatar. Un tu weh pale, hoi tu hals.”

1. Mose 47:9

Penas o Jakob: “Hom 130 (sheel-te-triin-deesh) bersh phuro. Kowa hi kek phurepen. Man hi kek shukar djipen. Mire phure wan phureder har me.”

1. Mose 49:30

Koi grotta hi pash Mamre ap ko kotar phub, hoi kharella Machpela an o them Kanaan. Ko kotar phub ginas o Abraham o fun o Hetari, o Efron, te well kote peskri familja paskedo.

1. Mose 50:13

Jon anan les an o them Kanaan un paskran les an i grotta ap ko kotar phub pash Mamre, hoi kharella Machpela. Ko kotar phub ginas o Abraham fun o Hetari, o Efron, te well kote leskri familja paskedo.

1. Familjakro liil 29:15

Har mare phure ham mer ninna wi-themarja glan tute, ham i tikno tsiro ap kai phub un djah dureder. Maro djipen ap kai phub hi har i shatto un atchell gar.

Hiob 30:23

Me djinau kanna, tu kameh man an o mulengro them te anell, kai i tsele djide khetne wenn pal lengro merepen.

Debleskri gili 119:19

Me hom gar khere ap kai phub. Muk man te haiwap tire laba!

Debleskri gili 39:12

Tu te deh o menshes i phagi, te anas lo doosh ap peste, palle djal lo jaake paash har i ripen, hoi chalo well i kirmestar. Awa, o mensheskro djipen hi tchi buder har i ducho.

2. Mose 2:22

Har joi i mursh tchawo ap i phub anas, penas o Mose: “Me nashom an i them, hoi hi gar miro them. Doleske dau les ko lab Gershon.”

Sikepaskro 12:5

Tut hi traash glan i treppa. Un ap o drom nai pereh. Tire balla wenn parno. Un tu tserdeh tut jek rigjatar ap i wawar. Tut hi buder gar bud bok. O mensho hunte djal peske kote, kai atchell lo hako tsiro. Un i wawar paskrenn les un rowenn ap o drom.

Sikepaskro 12:7

O mensho well pale phub, kolatar job kerdo was. Un o ducho hunte djal pale pash o Debleste, kai das o duches o mensheste.

Sikepaskro 6:3

Nai well i mursh, koleske wenn sheel tchawe boldo, un job djiwell bud bersha. Te wals lo jaake phuro un wals gar bachtelo pral o latchepen an peskro djipen, un leske wals witar kek paskepen kerdo, kolestar penau me: I ternepen, kai mulo boldo was, djal feteder har leske.

3. Mose 25:23

Ma bikrenn ko them jaake, te well kowa hako tsireske i wawareske! Ko them hi mange. Un tumer han har wi-themarja, kai mukau pash mande te djiwell.

Bičepangre 7:16

Un lengre tchawe anan len an o them Kanaan un paskran len an o foro Sichem ap ko kotar phub, hoi ginas o Abraham kol menshendar, kolengro phuro dad o Hamor his.

Bičepangre 7:5

O Dewel das les kek kotar phub an kau them, witar gar i tikno kotar. Un o Dewel das les peskro lab, te dell lo leskre tchawende i them. An ko tsiro his o Abrahames kek tchawo.

Hebrearja 11:9

Ap ko tsiro djiwan wawar menshe an ko them, hoi kamas les o Dewel te dell. Un o Abraham djas kate un kote an ko them trujel, un djiwas an plachtene khera. Ninna leskro tchawo, o Isaak, un koleskro tchawo, o Jakob, djiwan jaake. Kolenge penas o Dewel ninna: Tumende dau ko them.

1. Petro 2:11

Kamle mala, tumer djinenn, kai han gar khere ap kai phub. Me mangau tumen, awenn sorelo! Te well o djungelo koowa an tumare djia pre, palle penenn: “Na-a!” ap kowa un krenn les gar!