1. Mose 23:18 - O Debleskro Drom 2021 (Sinte)

¹⁸ Un kol Hetarja, kai an o wudar o forestar his, his pashel, har o Abraham lauter ginas.

O Debleskro Lab 2024 (Sinte-Manouche)

¹⁸ Oun kol Hetarya, kay an o voudar o forestar his, his pashel, har o Abraham lauter ginas.

1. Mose 23:18 ပူးပေါင်းရင်းမြစ်များ

1. Mose 10:15

O Kanaan: Leskre tchawe hi o Sidon un o Het. O Sidon hi o phureder tchawo.

1. Mose 23:10

O Hetari Efron his mank peskre menshende beshdo. Un job penas ap o Abrahameste glan kolende, kai pashel his, glan hakeneste, kai an o baro wudar o forestar his:

1. Mose 23:19

Pal kowa paskras o Abraham peskri romjat, i Sara, an koi grotta pash Machpela wergel Mamre. Kowa hi kanna o foro Hebron an o them Kanaan.

1. Mose 25:9

Leskre tchawe, o Isaak un o Ismael, paskran les an koi grotta, hoi kharella Machpela, ap ko kotar them, hoi hi tchiddo glan Mamre. Glan kau tsiro his ko kotar them o Efrones, koleskro dad o Zohar hi.

1. Mose 34:20

Un o Hamor un leskro tchawo Sichem djan an o baro wudar lengro forestar, te rakrenn le i murshentsa an ko foro un penan ap lende: “Kal mursha kamenn kek tchingepen mentsa. Doleske mu atchenn le an kau them, te djan le trujel parepaske. Hi doha platsa koi. Un mer kamah lengre tchen te romedinerell. Un mer dah len mare tchen.

1. Mose 34:24

Un kolla lauter, kai djan an o foro dren un win, shunan ap o Hamor un ap o Sichem, leskro tchaweste. Un hako mursh an ko foro was tchinlo.

Jeremia 32:12

un dom hake dui lila o mursheste Baruch. Koleskro dad his o Nerija, koleskro dad his o Machseja. Koi pashel his miro nebudo, o Hanamel, un kol mursha kai kowa halauter dikan, un kai tel o ginepaskro liil pengro labeha tardo his, ninna i tsele mursha dran Juda, kai ap i lurdengri platsa his.

Ruth 4:1

Un o Boas djas pre pash o foreskro wudar, kai i mursha khetne wenn, un beshas pes koi. Kote was ko wawar mursh, kai lake ninna koi hunte wals, kolestar o Boas rakras. Un o Boas penas ap leste: “Ab kai pash mande, un besh tut pash mande!” Un job was un beshas pes pash leste.