1. Mose 22:6 - O Debleskro Drom 2021 (Sinte)

⁶ O Abraham las ko kasht chatchepaske, un das ko kasht peskro tchaweste te hidjrell. Job kokres las i jag un i tchuri. Jaake djan jon dui khetne dureder.

O Debleskro Lab 2024 (Sinte-Manouche)

⁶ O Abraham las ko kasht rhačepaske, oun das ko kasht peskro čaveste te hidjrell. Yob kokres las i yag oun i čouri. Yaake djan yon douy khetne doureder.

1. Mose 22:6 ပူးပေါင်းရင်းမြစ်များ

1. Mose 22:5

Un penas ap peskre budepangre: “Atchenn koi burikah kai! Me un miro tchawo djah ap koi berga, te mangas o Debles an. Pal kowa wah mer pale.”

2. Rajengro liil 2:6

Un o Elija penas ap leste: “Atch tu kai, man bitchras o baro Dewel pash o pani Jordan.” Koi penas job: “Me dau man sowel pash o djido Debleste. Jaake har tchatcho hi, kai tu djiweh, me mukau tut gar kokres.” Un kol dui djan ko drom khetne.

Jesaja 53:6

Mer halauter hams har bakre, kai nashan pen. Hakeno djas ap peskro drom. O baro Dewel mukas ap leste mari tseli doosh te perell.

Mateo 8:17

Jaake was kowa tchatches, hoi o Debleskro rakepaskro, o Jesaja, glan i rah tsiro penas: Job las mare duka, un maro nasslepen mendar.

Johanni 19:17

Un job hidjras peskro trushel, un djas dran ko foro win ap ko kotar them, hoi kharella muleskro shero. Kowa kharella ap o biboldengro rakepen Golgata.

1. Petro 2:24

O tchilatchepen, hoi mer kram, las o Jesus Kristo ap peste, un hidjras les ap o trushel. Har job menge meras, hi kowa jaake, har te meram mer leha. Kanna hi o tchilatchepen an mende mulo. Un mer djiwah nai i latcho un tchatcho djipen. Kol duka, hoi o Jesus ap peste las, kran maro djipen sasto.