1. Mose 22:4 - O Debleskro Drom 2021 (Sinte)

⁴ Ap o triinto diwes dikas o Abraham koi platsa dur glan peste.

O Debleskro Lab 2024 (Sinte-Manouche)

⁴ Ap o triinto dives dikas o Abraham koy platsa dour glan peste.

1. Mose 22:4 ပူးပေါင်းရင်းမြစ်များ

1. Mose 22:3

Koi stas o Abraham sik taissarlakro pre, kras kasht tikno chatchepaske, tchiwas ko kasht ap peskri burika un las dui budepangre un peskro tchawes Isaak peha, un djas kote, kai o Dewel leske penas.

1. Mose 22:5

Un penas ap peskre budepangre: “Atchenn koi burikah kai! Me un miro tchawo djah ap koi berga, te mangas o Debles an. Pal kowa wah mer pale.”

2. Rajengro liil 20:5

“Dja pale pale un pen ap o Hiskija, ko rajeste pral mire menshende: ‘Kawa penell o baro Dewel, ko Dewel tiro dadestar, o Davidestar: Me shunom tiro mangepen un me dikom tire swa. Dik, me kamau tut sastes te krell – an o triinto diwes nai djah tu pral an o baro Debleskro kheer.

Ester 5:1

Un ap o triinto diwes riwas i Ester rajengre ripja an un djas ap koi platsa, hoi hi dren an o baro rajeskro kheer, wergel koi bari isema, kai o baro rai hi. Un job his beshdo ap peskri raili beshepaskri wergel o wudar.

2. Mose 15:22

Un i Israelitarja mukan o Baro Lolo Pani pal pende. Un o Mose anas len an o mulo tato them, hoi kharella Shur. Un jon djan triin diwessa trujel an o mulo them, un hatsan kek pani.

2. Mose 19:11

Jaake te wenn le djudjes mange koi tardo o triinto diwes. Ap o triinto diwes wau me, o baro Dewel, glan i tsele menshende tele ap i berga Sinai.

2. Mose 19:15

Un job penas: “Rikrenn tumen djudjo o triinto diweske! Un kek mursh taprell an kau tsiro peskri romjat an!”

2. Mose 5:3

O Mose un o Aron penan ap o Farao: “O baro Dewel, ko Dewel, koles i Hebrearja an-mangenn, job mukas pes glan mende te dikell. Kanna, muk men triin diwessa dur te djal an o mulo tato them. Mer kamah maro Debleske kote viechen te marell. Un kowa te krah mer gar, nai well lo chojedo ap mende, jaake te well baro nasslepen un kurepen ap mende.”

Hosea 6:2

Pal dui diwessa dell lo men newo djipen, un ap o triinto diwes mukell lo men pale ap i pire tardo te well, te nai djiwas glan leste.

3. Mose 7:17

Hi gomme o triinto diwes tchomone pral, hunte well kowa an i jag chatchedo.

4. Mose 10:33

Jaake mukan le o baro Debleskri berga pal pende un djan triin diwessa dur. Un kolla, kai hidjran o sonakaskro mochton, kai o baro Debleskre deesh laba dren hi, djan glan lende un sikran lende, kai atchenn le tardo.

4. Mose 19:12

Job hunte thowell pes ap o triinto diwes un ap o eftato diwes ko panjeha, hoi lell i pale-tchiddo koowa i menshestar krik. Palle well lo djudjo un erligo. Te thowell lo pes gar jaake ap o triinto diwes un ap o eftato diwes, atchell lo pale-tchiddo.

4. Mose 19:19

Jek, kai gar pale-tchiddo hi, hunte witsrell ko pani ap koleste, kai pale-tchiddo hi ap o triinto diwes un ap o eftato diwes. Un ko pale-tchiddo hunte thowell pes an ko pani un peskre koola. Palle well job ap i rati djudjo un erligo.

4. Mose 31:19

Un tumer halauter, kai dan jekes mulo oder kai tapran i mules an, atchenn efta diwessa glan koi platsa, kai tumare plachtene khera hi. Ap o triinto diwes un ap o eftato diwes thowenn tumen jaake har glan tchinlo hi, te wenn pale djudjo un erligo. Ninna kol tcha, kai lan tumenge pandlo, hunte thowenn pen jaake.

Mateo 17:23

Un jon marenn les. Pal triin diwessa well lo o Deblestar djides kerdo.” Un ko lab dukas len an o dji.

Louka 13:32

Koi penas o Jesus ap lende: “Djan un penenn ko tchilatcho mursheske: Kau diwes un taissar tradau i bengen win, un krau i menshen sasto. Un pal triin diwessa hi miro tselo koowa kerdo.

1. Korintarja 15:4

Un job was paskedo, un was djido pal triin diwessa, jaake har kowa an o Debleskro lab tchinlo hi.

Josua 1:11

“Djan mashkral i plachtene khera un penenn i menshenge: Lenn chapen un pipen pash tumende o dromeske! An triin diwessa djan tumer pral o pani Jordan an ko them dren, hoi dell tumen o baro Dewel, kai tumaro Dewel hi, te well ko them tumaro!”

1. Samuel 26:13

Un o David djas ap i wawar rig, un dureder pral ap i berga, jaake te his lo dur doha lendar krik.