1. Mose 21:4 - O Debleskro Drom 2021 (Sinte)

⁴ Ap o ochtato diwes tchinas job peskro tchawes Isaak, jaake har o Dewel leske penas.

O Debleskro Lab 2024 (Sinte-Manouche)

⁴ Ap o orhtato dives činas yob peskro čaves Isaak, yaake har o Devel leske penas.

1. Mose 21:4 ပူးပေါင်းရင်းမြစ်များ

2. Mose 12:48

Te djiwell i wi-themari pash tumende, kai kamell o baro Debleske o Passa te chal, palle hunte well hako mursh an leskri familja tchinlo ap peskro mass. Kowa te kras lo, palle well lo, un nai chal lo. Un job well har jek tumendar. Kowa, kai gar tchinlo hi ap peskro mass, kowa chal ko Passa gar.

3. Mose 12:3

Ap o ochtato diwes well ko ternepen ap leskro mass tchinlo.

Louka 1:59

Pal ochta diwessa wan le, te tchinenn le o ternepen ap o mass. Un jon kaman les ko lab Zachari te dell, jaake har leskro dad kharella.

Louka 1:6

O Zachari un i Elisabet his latcho an o Debleskre jaka. Un jon shunan ap o Debleste, un kran lauter, hoi an o Debleskro lab tchinlo his.

Louka 2:21

Har ochta diwessa trujel his, un o ternepen ap o mass tchinlo was, dan le les o lab Jesus. Kau lab penas o bolepaskro i Mariake, har joi gomme gar an wawar koowa his.

Bičepangre 7:8

Un o Dewel das o Abrahameste peskro lab, te hi lo leskro Dewel un o Dewel lauterenge, kai pal leste wenna. Un job penas o Abrahameske, te mukell job pes ap peskro mass te tchinell. Ninna i tsele mursh tchawe, kai pal leste wenna, hunte wan tchinlo ap pengro mass. Un o Abraham las i tchawes, o Isaak. Un o Abraham tchinas les ap o mass, har job efta diwessa phuro his. Un o Isaak tchinas o Jakobes, un o Jakob peskre deesh-te-dui tchawen. Kolla hi mare phure dada, kolendar mer wam.