1. Mose 21:22 - O Debleskro Drom 2021 (Sinte)

²² An ko tsiro was o Abimelech peskro pralstuno lurdeha Pichol pash o Abrahameste un penas ap leste: “O Dewel hi tuha an halauter, hoi tu kreh.

O Debleskro Lab 2024 (Sinte-Manouche)

²² An ko tsiro vas o Abimelek peskro pralstouno lourdeha Pikol pash o Abrahameste oun penas ap leste: “O Devel hi touha an halauter, hoy tou kreh.

1. Mose 21:22 ပူးပေါင်းရင်းမြစ်များ

1. Mose 20:14

Koi las o Abimelech bakre, grumja un budepangre: mursha un djuwja. Un das len o Abrahameste. Un das les ninna leskri romjat, i Sara, pale.

1. Mose 20:17

Har o Abimelech o Abrahameskri romjat las, kras o baro Dewel, kai kek djuwel an o Abimelecheskro kheer i ternepen lella. Un kanna mangas o Abraham o Debles lenge. Un o Dewel kras o Abimeleches sasto un leskri romjat un i djuwjen, kai leske budran, jaake, te lan le pale tchawe.

1. Mose 20:2

Kote penas job peskri romjatar Sara: “Joi hi miri pheen.” Un o baro rai pral o foro Gerar – leskro lab his Abimelech – bitchras murshen, te anenn le i Sara pash leste.

1. Mose 26:26

Un o Abimelech was dran o foro Gerar peskro maleha Ahussat un peskro pralstuno lurdeha Pichol pash o Isaak.

1. Mose 26:28

Penan le: “Mer dikah un haiwah, kai o baro Dewel tuha hi. Doleske penam menge: Mer hunte kras tuha win, un das men sowel, te krah buder kek tchingepen jek o wawareha.

1. Mose 28:15

Tu djiness, me hom tuha un dau garda ap tute, kote, kai tu djah. Un anau tut pale an kau them. Me mukau tut gar, bis te krom halauter, hoi tuke penom.”

1. Mose 30:27

Koi penas o Laban ap leste: “Ab mange latcho un atch kai! Haiwau, kai o baro Dewel peskri soor un peskri bacht ap mande tchiwella jaake rah, har tu pash mande hal.

1. Mose 31:5

Un job penas ap lende: “Haiwom, kai tumaro dad dikell buder gar latcho ap mande har glan kau tsiro. Miro dadeskro Dewel his mantsa.

2. Samuel 24:7

Palle wan jon an o sorelo foro Tirus un an kol tsele forja, kai kol Hiwarja un kol Kanaanitarja djiwan, un ninna an o them Negev an o them Juda bis pash o foro Beersheba.

2. Familjakro liil 1:1

Un o Davideskro tchawo, o Salomo, was i sorelo rai. Un o baro Dewel, kai leskro Dewel his, his leha, un kras les baro un bareder.

Jesaja 45:14

Kawa penell o baro Dewel: O brawlepen dran o them Egiptia, un kowa, hoi i menshe dran Etiopia dren lan, well pash tute, te well lo tiro. Un kol bare sorele mursha dran Seba wenn tire budepangre. Pandles shellentsa wenn le pash tute, un witsrenn pen glan tute ap i phub, un penenn: Kokres pash tute hi o Dewel, un dell kek wawar dewel.

Jesaja 8:10

Rakrenn khetne har te djan glan, un djinenn, kolestar well tchi. Rakrenn jaake bud har kamenn, Tchi well win. O Dewel hi mentsa.

Zakarie 8:23

Kowa penell o baro Dewel, ko rai pral o bolepen un i phub: “An ko tsiro wenn deesh wi-themarja pash jek biboldo, taprenn les ap leskri baja, mangenn lestar un penenn: ‘Mer shunam, o Dewel hi tumentsa. Doleske muk men tumentsa te djal!’”

Mateo 1:23

I terni tchai, kai gomme kek murshestar an tapedo was, lella i ternepen. Un jon denn les o lab Emmanuel. Kowa kharella: O Dewel hi mentsa.”

Remarja 8:31

Hoi te penas mer budeder? O Dewel hi ap mari rig! Koon nai krell menge i tchilatchepen? Kek!

1. Korintarja 14:25

Hoi an leskro dji khatedo hi, well diklo. Un job mukell pes glan tele perell ap i phub un mangell o Debles an, un penell: “O Dewel hi tchatchepah pash tumende!”

Hebrearja 13:5

Ma nashenn i lowe palla! Kowa, hoi tut hi, kowa muk tuke doha te well! O Dewel penas: Me bistrau tut gar, un mukau tut kek tsireske!

Josua 3:7

Un o baro Dewel penas ap o Josua: “Kau diwes krau me tut bares glan i jaka i tsele Israelendar, te haiwenn le: Jaake har homs o Moseha, jaake hom ninna tuha!

Debleskro tsiro 3:9

Shunenn, hoi me kol bengeskre menshentsa krau, kai chochenn un penenn pendar, te hi le o Debleskre menshe, un jon hi kek Debleskre menshe. Me krau, te wenn le pash tumende, te witsrenn le pen glan tumende ap i phub, un te haiwenn le, te kamau tumen o tselo djijestar.

1. Samuel 24:22

Jaake de tut sowel ap o baro Debleste, te mareh gar mire tchawen, kai pal mande wenna, te well miro lab gar bistedo an miro dadeskro kheer.”

1. Samuel 3:19

Un o Samuel was bareder, un o baro Dewel his pash leste, un kras te was lauter tchatcho, hoi o Samuel i menshenge penas.