1. Mose 21:21 - O Debleskro Drom 2021 (Sinte)

²¹ Un job djiwas an ko mulo tato them, hoi kharella ‘Paran’. Un leskri dai las leske i romni dran o them Egiptia.

O Debleskro Lab 2024 (Sinte-Manouche)

²¹ Oun yob djivas an ko moulo tato them, hoy kharella Paran. Oun leskri day las leske i romni dran o them Egiptia.

1. Mose 21:21 ပူးပေါင်းရင်းမြစ်များ

1. Mose 14:6

kol menshentsa ap i berge Seir, – kolla his i Horarja. Un jon dan len bis El-Paran, hoi pash o mulo tato them tchiddo hi.

1. Mose 16:3

Un o Abrameskri romni, i Sarai, las peskri budepaskretsa, i Hagar, kai dran o them Egiptia his, un das lat peskro romes Abram, te well li leskri romni. An ko tsiro djiwas o Abram deesh bersha an o them Kanaan.

1. Mose 25:18

Leskre tchawe, kai pal leste wan, djiwan an o them mashkral Hawila un Shur. Shur hi tchiddo glan o them Egiptia ap o drom, hoi djala an Assur. Jaake was tchatcho, hoi pral o Ismael penlo was: ‘Job lell peske i kotar them gar dur peskre phralendar, te choirell lo len.’

1. Mose 27:46

Un i Rebekka penas ap o Isaakeste: “Kol dui chalja, kol Hetarja, kolen o Esau romedineras, krenn mange miro djipen pharo. Te romedinerell ninna o Jakob i tchat dran kau them, i Hetaretsa, wals feteder, te merap.”

1. Rajengro liil 11:18

Un jon wan an o them Midian, un djan dureder an o mulo them Paran. Un dran Paran lan le murshen pentsa, un wan an o them Egiptia pash o Farao, ko rai pral Egiptia. Kowa das o Hadadeste i kheer, chapen un i kotar phub.

2. Familjakro liil 24:3

Un o Jojada rodas leske dui djuwjen win, te romedinerell lo len. Un o Joashes his tchawe un tcha lentsa.

Jeremia 29:6

Romedinerenn un lenn tchawen! Lenn romjen tumare mursh tchawenge, un rodenn tumare tchenge murshen, te romedinerenn le, un anenn tchawen un tchen ap i phub! Awenn bud un gar tikneder!

Habakuk 3:3

O Dewel well dran o them Teman, dran kol berge, hoi kharenn Paran. O bolepen hi pherdo leskro railepen. Un ap i tseli phub sharenn les i menshe.

4. Mose 10:12

Un kol Israelitarja djan dran ko mulo tato them Sinai. Un koi wolka djas glan lende un atchas tardo an ko mulo tato them Paran.

4. Mose 12:16

djan le dureder, mukan Hazerot pal pende, un djiwan an o mulo tato them Paran.

4. Mose 13:26

Un wan pash o Mose un o Aron un pash kol tsele Israelitarja, kai atchan an o mulo tato them Paran pash i panjeskro kotar them, hoi kharella Kadesh. Un jon penan lenge kowa, hoi jon dikan, un sikran lende kol drake, phabja un faige dran ko them.

4. Mose 13:3

Un o Mose kras jaake har o baro Dewel leske penas, un rodas deesh-te-dui murshen win, kai pralstune hi mank i Israelitarja, un bitchras len dran o mulo tato them Paran an o them Kanaan.

1. Korintarja 7:38

Kowa hi jaake: Te romedinerell jek, hi kowa mishto. Te romedinerell job gar, hi kowa feteder.

Čačepangre 14:2

Har was lo khere, penas lo ap peskro dadeste un peskri date: “Me dikom an Timna i rakjat i Filistarendar. Kolat lenn mange, te well li miri romni!”

1. Samuel 25:1

Un o Samuel meras, un o tselo Israel was khetne un rowas kote pral leste. Un palle paskran le les an o foro Rama, kai lo khere his. Pal kowa djas o David an o mulo them Paran.