1. Mose 21:14 - O Debleskro Drom 2021 (Sinte)

¹⁴ Sik taissarlakro stas o Abraham pre, las maro un i gono pherdo pani un tchiwas kowa i Hagar ap o phiko, das late ninna o tchawes, un bitchras len pestar krik. Koi djas joi peske un nashas trujel an o mulo tato them pash o foro Beersheba.

O Debleskro Lab 2024 (Sinte-Manouche)

¹⁴ Sik taysarlakro stas o Abraham pre, las maro oun i gono pherdo pani oun čivas kova i Hagar ap o phiko, das late ninna o čaves, oun bičras len pestar krik. Koy djas yoy peske oun nashas trouyel an o moulo tato them pash o foro Beersheba.

1. Mose 21:14 ပူးပေါင်းရင်းမြစ်များ

1. Mose 16:7

Un o baro Debleskro bolepaskro hatsas lat pash i pani, hoi wella dran i phub. Ko pani his an o mulo tato them pash o drom, hoi djala an Shur.

1. Mose 19:27

Taissarlakro stas o Abraham pre un djas kote, kai job o wawar diwes pash o baro Debleste tardo his.

1. Mose 21:13

Ko tchawo, koleskri dai i budepaskretsa hi, kowa well ninna o dad jaake bud menshendar, te wenn lendar i natsjona. Kowa krau doleske, kai job tiro tchawo hi.”

1. Mose 21:15

Har len kek pani buder his, tchiwras joi kol tchawes tel i burra.

1. Mose 21:31

Dran kowa kharella koi platsa, kai dan pen kol dui sowel, Beersheba.

1. Mose 21:33

O Abraham tchiwas i ruk an i phub an Beersheba. Un kote mangas job o baro Debles an, ko Debles, kai hako tsiro koi hi.

1. Mose 22:19

Pal kowa djas o Abraham pale pash peskre budepangre. Un khetne djan le an Beersheba. Un o Abraham atchas koi.

1. Mose 22:3

Koi stas o Abraham sik taissarlakro pre, kras kasht tikno chatchepaske, tchiwas ko kasht ap peskri burika un las dui budepangre un peskro tchawes Isaak peha, un djas kote, kai o Dewel leske penas.

1. Mose 24:54

Un job un kol mursha, kai pash leste his, chan un pijan. Un jon atchan pral i rati pash lende. O wawar diwes, taissarlakro, penas job: “Kanna mukenn man pale pash miro rajeste te djal!”

1. Mose 25:6

Un kol tchawen, kai leskre wawar romjendar bolde wan, das o Abraham kutch koowa pestar. An ko tsiro har job djiwas, bitchras lo len dur krik peskro tchawestar Isaak an ko them, hoi kote tchiddo hi, kai o kham pre-djala.

1. Mose 26:31

Taissarlakro stan le pre, un jek pal o wawar das pes sowel. Un o Isaak mukas len te djal. Un jon djan penge an o latchepen.

1. Mose 26:33

Koi das job koi brunna ko lab ‘Shiba’. Doleske kharell ko foro gomme kau diwes ‘Beersheba’.

1. Mose 28:18

Taissarlakro stas o Jakob pre, las ko bar, hoi tel leskro shero tchiddo his, tchiwas les pre, un tchoras djet koi pre.

1. Mose 37:15

Koi hatsas les i rom, har job ap o them trujel nashas. Un ko rom putchas lestar: “Hoi rodeh tu?”

1. Mose 46:1

Un o Israel kras pes ap o drom mit halauter, hoi les his, un was an o foro Beersheba. Un job maras viechen un chatchras len o Debleske peskro dadestar Isaak.

1. Rajengro liil 19:3

Un har o Elija kowa shunas, tapras les i daar, un job nashas peske, te atchell lo djido. Jaake was lo an o foro Beersheba. Ko his i foro an o them Juda. Un kote mukas lo peskro budepaskres.

2. Familjakro liil 29:20

Un o baro rai Hiskija stas taissarlake sik pre un mukas i pralstunen dran o foro khetne te well, un djas lentsa pral pash o baro Debleskro kheer.

Debleskri gili 107:4

Mank lende his sawe menshe, kai his nashedo an o mulo tato them. Kek drom hatsan le, witar kek foro, kai menshe djiwenna.

Debleskri gili 119:60

Me tradom man, un krau sik, hoi tu mandar kameh.

Gosewe laba 27:14

Kote hi jek, kai sik taissarlake bares gole dell ‘latcho diwes’ ap koleste, kai pash leste djiwell. Kowa hi koleske har te rakras lo bibacht pral leste win.

Gosewe laba 27:8

Har i tchirklo, hoi krik djal dran peskri nesta, jaake hi ko mursh, kai hunte nashell peske dur krik dran peskro foro.

Sikepaskro 9:10

Halauter, hoi tuke glan o wast well, te kress, kowa kre o tselo djijestar! Pash i mulende, kai tu ninna hunte djas, kote well buder tchi kerdo. Un kek krell peske kote i shero, hoi nai krell lo, har nai djinell lo tchomone, un har nai well lo gosewo.

Jesaja 16:8

Ap ko hachetikri phub trul o foro Heshbon well buder kek latcho djob bares. Mulo hi kol drakengre ruka pash o foro Sibma. I themengre raja dan i feteder drakengre kashta tele, hoi djan bis pash o foro Jaser. Un ap jek rig djan i newe kashta bis an o mulo tato them, ap i wawar rig bis pash o Mulo Baro Pani.

Johanni 8:35

I budepaskro atchell gar hako tsiro an peskro rajeskro kheer. O tchawo atchella jaake rah, har job djiwella.

Josua 3:1

Un o wawar diwes stas o Josua un i tsele Israelitarja sik pre, mukan i platsa Shittim pal pende, djan dureder un wan pash o pani Jordan. Kote atchan le i tikno tsiro, bis te nai djan le wergel.

1. Samuel 15:12

Un o Samuel stas sik taissarlakro pre, te djas lo pash o Saul. Un leske was penlo, te was o Saul an o foro Karmel, un mukas peske kote barra pre te tchiwell, hoi sikrenn, te was job o sorleder pral i Amalekarja. Un o Samueleske was ninna penlo, te djas o Saul dureder un was tele an o foro Gilgal.