1. Mose 20:9 - O Debleskro Drom 2021 (Sinte)

⁹ Un o Abimelech kharas o Abrahames, te well lo pash leste un penas: “Hoi kral tu mentsa? Un hoi krom me tut, kai tu anal bari doosh ap mande un ap miro tselo them! Tu kral tchomone, hoi hunte krals tu gar!

O Debleskro Lab 2024 (Sinte-Manouche)

⁹ Oun o Abimelek kharas o Abrahames, te vell lo pash leste oun penas: “Hoy kral tou mentsa? Oun hoy krom me tout, kay tou anal bari doosh ap mande oun ap miro tselo them! Tou kral čomone, hoy hounte krals tou gar!

1. Mose 20:9 ပူးပေါင်းရင်းမြစ်များ

1. Mose 12:18

Koi mukas o baro rai o Abrames te kharell, un penas ap leste: “Hoi kral tu mantsa? Hoske penal mange gar, kai hi joi tiri romni?

1. Mose 20:10

Pen mange, hoske kral tu kowa?”

1. Mose 20:8

Taissarlakro stas o Abimelech pre, das peskre tsele murshen khetne gole, un penas lenge kol tsele laba, te shunenn le kowa lauter. Koi lan kol mursha bari traash.

1. Mose 26:10

Penas o Abimelech: “Hoske kral tu kowa mentsa? Har sik nashte wals jek i murshendar un lals tiri romjat un tchiwals pes pash late. Tu anals bari doosh ap mende!”

1. Mose 29:25

Taissarlakro dikas o Jakob, kai joi his i Lea. Koi penas lo ap o Laban: “Hoske kral kowa? Budrom tuke, te lap i Rachel. Hoske chochral man tu?”

1. Mose 34:7

Har o Jakobeskre tchawe khere wan un shunan, hoi o Sichem kras, dukas kowa len an o dji un len was i bari choli pral o Sichem. Job kras tchomone, hoi te well gar kerdo un anas bari ladj pral o Israel.

1. Mose 38:24

Pal triin tchon was o Judaeske penlo: “I Tamar, tiro tchaweskri romni lubras pes trujel, un joi hi an wawar koowa.” Koi penas o Juda: “Anenn lat win, te well li pre chatchedo.”

1. Mose 39:9

Kek hi bareder an kau kheer har me. Un miro rai rikras tchi peske har tut kokres. Tu hal leskri romni. Har nai anau hawi bari doosh ap mande, te krap kowa, hoi o Dewel gar kamella?”

2. Samuel 12:5

Koi las o David i bari choli pral ko mursheste, un penas ap o Nataneste: “Me dau man sowel pash o djido Debleste: Ko mursh, kai kowa kras, hunte well maredo.

2. Samuel 13:12

Joi penas ap leste: “Ma kre kowa, miro phraal! An kek ladj pral mande! Sawo koowa krell kek an Israel! Kre gar sawo wi-ladjedo koowa!

2. Mose 32:21

Pale penas lo ap o Aron: “Hoi kran tuke kol menshe? Hoske anal tu len ap sawo tchilatcho drom!”

2. Mose 32:35

Un o baro Dewel das i Israelitarjen doleske, kai jon mangan ko terno gurum an, hoi o Aron kras.

Gosewe laba 28:10

Kowa, kai anell o Debleskre menshen ap i tchilatcho drom, kowa perell kokres an i gruba. Kolla, kai kek doosh ap pende anan, lenna latcho koowa.

3. Mose 20:10

Te sowell jek i romjah i wawarestar, hunte wenn kol dui maredo.

Remarja 2:11

O Dewel dikell gar ap jekeste, koon job hi.

Tito 1:11

Tu pandess lengro mui! Jon sikrenn i menshende i drom, hoi gar tchatcho hi. Kowa krenn le, te well len budeder lowe. Jaake djinenn tsele familje buder gar, hoi te patsenna.

Hebrearja 13:4

Kolla, kai romedino hi, hunte bistrenn gar, te hi jon romedino. O rom hunte well gar khetne i wawar djuwjah, un i romni hunte well gar khetne i wawar mursheha. Djinenn, o Dewel dell i phagi kol murshende, kai chochenn pengri romjat, un kol djuwjende, kai chochenn pengro romes, ninna lauterende, kai lubrenn trujel.

Josua 7:25

Un o Josua penas: “Jaake har tu men an i bibacht anal, jaake anell tut o baro Dewel kanna an i bibacht!” Un i tsele Israelitarja hadan barra pre un witsran len ap lende, te meran le. Un palle chatchran le len pre.