1. Mose 20:7 - O Debleskro Drom 2021 (Sinte)

⁷ Un kanna, de koi romjat pale o romeste! Job hi i Debleskro rakepaskro. Un te mangell o Abraham tuke, atcheh tu djido. Te deh lat gar pale, hunte meress un lauter, hoi tiro hi.”

O Debleskro Lab 2024 (Sinte-Manouche)

⁷ Oun kanna, de koy romyat pale o romeste! Yob hi i Debleskro rakepaskro. Oun te mangell o Abraham touke, ačeh tou djido. Te deh lat gar pale, hounte meress oun lauter, hoy tiro hi.”

1. Mose 20:7 ပူးပေါင်းရင်းမြစ်များ

1. Mose 12:15

Un i pralstune budepangre o baro rajestar pral o them dikan lat un sharan lat glan lengro rajeste. Un jon anan lat an o baro rajeskro kheer.

1. Mose 12:17

Har las o baro rai peske o Abrameskri romjat, i Sarai, anas o baro Dewel i bari bibacht ap leste un ap leskro tselo kheer.

1. Mose 2:17

Kokres ko ruk, kai della goswepen, hoi hi latcho un hoi hi tchilatcho, kolestar te chas tu gar. Te chah kolestar, mereh.”

1. Mose 20:3

An i rati was o Dewel an i suni pash o Abimelech un penas ap leste: “Tu hunte meress. Koi djuwel, kai tu lal, hi romedino.”

1. Mose 20:8

Taissarlakro stas o Abimelech pre, das peskre tsele murshen khetne gole, un penas lenge kol tsele laba, te shunenn le kowa lauter. Koi lan kol mursha bari traash.

1. Mose 23:6

“Shun ap mende, maro rai: Tu hal i Debleskro mursh mashkral mende. Paske tiri muli romjat an o feteder mulengro kheer, hoi men hi. Hakeno mendar dals tut i kotar them, te paskress tiri romjat koi.”

2. Samuel 24:17

Har o David kol bolepaskres dikas, kai marell kol menshen, penas job ap o baro Debleste: “Shun, kowa hom me, kai anom doosh ap mande. Me krom i tchilatcho koowa. Kol menshe kate kran kek tchilatcho koowa. Jon hi har bakre, ap kolende kek doosh hi. Mangau tut, muk koi phagi ap mande un miro dadeskro kheer te well!”

1. Rajengro liil 13:6

Koi penas o baro rai ap ko Debleskro mursheste: “Mange tu o baro Deblestar, kai tiro Dewel hi, un mange lestar mange, te krell lo miro wast pale sasto!” Un o Debleskro mursh mangas o baro Debles, un o baro rajeskro wast was pale sasto – jaake har lo glan kowa his.

2. Rajengro liil 5:11

Koi was o Naaman chojedo, djas krik un penas: “Me penom mange: Job well win glan mande un dell peskro baro Debles an-gole, un hadell peskro wast pral miro nasselo mass. Un jaake lell lo o nasslepen mandar krik.

1. Familjakro liil 16:22

“Lenn i wasta krik mire menshenge, kolen mange win rodom! Ma krenn tchilatchepen kolenge, kai mire rakepangre hi!”

2. Familjakro liil 30:18

Bud kol menshendar dran i khera Efrajim, Manasse, Issachar un Sebulon, kran pen gar djudjo un chan ko chapen ‘Passa’ gar jaake, har glan-tchinlo his. Doleske mangas o Hiskija o baro Debles lenge un penas: “Tu, baro Dewel, ko Dewel mare phurendar, hal latches menge, me mangau tut, ab kamles halauterenge, kai rodenn tut o tselo djijeha, tut, o baro Debles, ninna te kran le pen gar jaake djudjo tuke, har hunte krans le!”

Hiob 34:19

Job dikell gar i pralstunes feteder an har i wawares, un tserdell o braweles gar o tchorweleske glan. Leskro wast kras len halauter.

Hiob 42:8

Kanna lenn efta terne gurma un efta bakre un djan pash o Hiob, un marenn kol viechen kote, un chatchrenn len mange! Un o Hiob, koles miro tchatcho wast hi, hunte mangell man tumenge. Ap koleste shunau un krau tumentsa gar, har hunte kroms. Tumer rakran gar o tchatchepen pral mande har job kras.”

Debleskri gili 25:14

O baro Dewel hi o maal kolenge, kai djiwenn leha, un lende sikrell lo, te hi lo lengro Dewel un jon peskre menshe.

2. Mose 18:17

Kote penas leskri romjakro dad: “Kawa, hoi tu kate kreh, hi gar mishto.

2. Mose 4:16

O Aron rakrell tuke ap i Israelitarja, un lauter, hoi tu leske peneh, kowa penell lo! Job hi har tiro mui. Un tu hal leske har i dewel, kai leske i laba an o mui tchiwell.

2. Mose 7:1

Un o baro Dewel penas ap o Moseste: “Shun, me krom, te wess har o Dewel o Faraeske. Un tiro phraal Aron rakrell tuke. Job rakrell, hoi leske peneh.

Jeremia 14:11

Un o baro Dewel penas ap mande: Tu mangess gar kal menshenge, te wap latches ap lende.

Jeremia 15:1

Un o baro Dewel penas ap mande: Ninna te wals o Mose un o Samuel glan mande tardo, kroms me kal menshenge miro dji gar pre. Trade len krik mandar, un muk len te djal!

Jeremia 27:18

Te hi le tchatchepah Debleskre rakepangre, kolengre laba o baro Deblestar wenna, palle hunte mangenn le lestar, ko rajestar pral o bolepen un i phub, te mukell lo gar ko kutch koowa, hoi gomme kate hi, an o them Babilonia te anell – ko kutch koowa, hoi hi kanna an leskro kheer, un an o kheer o baro rajestar pral o them Juda, un an o foro Jerusalem.

Ezekiel 3:18

Te penau me ap i tchilatcheste: Tu hunte meress! Palle hunte peness tu leske kowa, un dess les trad, jaake te nai djal lo peskro tchilatcho dromestar tele, un atchell djido. Te peneh tchi, lell lo peskri phagi un hunte merell. Ap tute penau me palle: Tut hi doosh ap leskro merepen.

Ezekiel 33:8

Te penau me ap i tchilatcheste: Tu tchilatcho, hunte meress! Palle hunte peness tu leske kowa, un dess les trad, jaake te nai djal lo peskro tchilatcho dromestar tele. Te peneh tchi, lell lo peskri phagi un hunte merell. Ap tute penau me palle: Tut hi doosh ap leskro merepen.

3. Mose 6:4

Palle riwell lo peskre koola win un wawar koola an, un hidjrell koi jagakri tchik win dran koi platsa, kai i menshe hi, ap i platsa, hoi hi djudjo o Debleske.

3. Mose 6:7

Un jaake hunte well kerdo o jarreha, hoi o baro Debleske dino well. I rashaja dran o kheer Aron anenn les glan o baro Debleste pash koi chatchepaskri.

Bičepangre 8:24

Koi penas o Simon ap lende: “Mangenn o Deblestar, te well kowa gar pral mande, hoi tumer penan!”

1. Korintarja 14:4

Kowa, kai rakrella peske an i rakepen, hoi o Debleskro Ducho les das un hoi kek haiwella, koleske djal feteder an peskro dji. Kowa, kai penell i patslenge i lab, hoi o Deblestar wella, krell kowa, te well kolengro patsepen soreles.

Hebrearja 1:1

An o phuro tsiro rakras o Dewel bud kope jaake te jaake ap peskre rakepangre, un bitchras len pash mare phurende, te penenn le lenge leskre laba.

Hebrearja 13:4

Kolla, kai romedino hi, hunte bistrenn gar, te hi jon romedino. O rom hunte well gar khetne i wawar djuwjah, un i romni hunte well gar khetne i wawar mursheha. Djinenn, o Dewel dell i phagi kol murshende, kai chochenn pengri romjat, un kol djuwjende, kai chochenn pengro romes, ninna lauterende, kai lubrenn trujel.

1. Johanni 5:16

Te dikeh tu, te kras i wawar patslo i tchilatcho koowa, palle hunte mangess tu o Debles leske! Un o Dewel dell les o djipen. Della ninna i doosh, hoi anell an o merepen. Un me penau gar, te mangess tu o Debles kolenge, kai koi doosh ap pende lan.

1. Samuel 12:19

Un jon penan ap o Samuel: “Mer ham tire budepangre. Mang menge o baro Debles, kai tiro Dewel hi, jaake te hunte meras mer gar. Ap mende hi bud doosh tchiddo. Un kanna kram ninna ko tchilatcho koowa, te mangam menge i baro rajes pral mende.”

1. Samuel 12:23

Un me ninna, kamau gar i doosh ap mande te anell glan o baro Debleste, te mangap les gar tumenge. Me kamau te sikrap tumende o latcho un tchatcho drom.

1. Samuel 7:5

Un o Samuel das i tsele murshen an Israel khetne gole an Mizpa, te mangas lo lenge o baro Deblestar.

1. Samuel 7:8

Un jon penan ap o Samuel: “Muk gar tele, te mangess menge maro baro Deblestar, te lell lo men win dran i wasta kol Filistarendar.”