1. Mose 20:4 - O Debleskro Drom 2021 (Sinte)

⁴ O Abimelech tapras lat gar an un penas: “Miro rai, kameh tu tchatchepah kolen te marell, kai kek tchilatchepen kran?

O Debleskro Lab 2024 (Sinte-Manouche)

⁴ O Abimelek tapras lat gar an oun penas: “Miro ray, kameh tou čačepah kolen te marell, kay kek čilačepen kran?

1. Mose 20:4 ပူးပေါင်းရင်းမြစ်များ

1. Mose 19:24

Koi mukas o baro Dewel jag un jagakri khand pral i forja Sodom un Gomorra te perell dran o bolepen.

1. Mose 20:5

O Abraham penas ap mande: ‘Joi hi miri pheen.’ Un joi penas ninna: ‘Job hi miro phraal.’ Me djinom gar, kai joi romedino hi. Miro dji un mire wasta hi djudjo.”

1. Mose 20:6

Koi penas o Dewel ap leste an i suni: “Me djinau, kai djinal kowa gar. Me rikrom tut pale, te kress kek tchilatchepen glan mire jaka, un mukom gar, te tapress lat an.

2. Samuel 4:11

Tumer tchilatche menshe kran i djungleder koowa har kowa kras! Tumer dan i murshes mulo, kai pal o tchatchepen djiwas, un dan les mulo an leskro kheer ap leskro tchiben. Tumer hunte plaissrenn leskro rateske! Tumer han buder gar moldo te djiwenn ap kai phub.”

1. Familjakro liil 21:17

Un o David penas ap o baro Debleste: “Shun, kowa hom me, kai mukom pal te dikell, har bud mursha an o them hi. Me anom doosh ap mande un krom i tchilatcho koowa. Kol menshe kate kran kek tchilatcho koowa. Jon hi har bakre, ap kolende kek doosh hi. Miro baro Dewel, mangau tut, muk koi phagi ap mande un miro dadeskro kheer te well, un gar ap tire menshende! Kre lenge kek tchilatchepen!”