1. Mose 20:2 - O Debleskro Drom 2021 (Sinte)

² Kote penas job peskri romjatar Sara: “Joi hi miri pheen.” Un o baro rai pral o foro Gerar – leskro lab his Abimelech – bitchras murshen, te anenn le i Sara pash leste.

O Debleskro Lab 2024 (Sinte-Manouche)

² Kote penas yob peskri romyatar Sara: “Yoy hi miri pheen.” Oun o baro ray pral o foro Gerar – leskro lab his Abimelek – bičras morshen, te anenn le i Sara pash leste.

1. Mose 20:2 ပူးပေါင်းရင်းမြစ်များ

1. Mose 12:15

Un i pralstune budepangre o baro rajestar pral o them dikan lat un sharan lat glan lengro rajeste. Un jon anan lat an o baro rajeskro kheer.

1. Mose 20:12

Tchatchepah hi li miri pheen: i tchai miro dadestar. Lat hi i wawar dai har man. Jaake nai was joi miri romni.

1. Mose 21:22

An ko tsiro was o Abimelech peskro pralstuno lurdeha Pichol pash o Abrahameste un penas ap leste: “O Dewel hi tuha an halauter, hoi tu kreh.

1. Mose 26:1

His i tsiro, kai was i bari bok an o them, jaake har an o Abrahameskro tsiro. Doleske djas o Isaak an o foro Gerar pash o Abimelech. Kowa his o baro rai pral i Filistarja.

1. Mose 26:16

Un o Abimelech penas ap o Isaak: “Dja dran maro them! Tu wal sorleder har mer.”

1. Mose 26:7

Har i menshe an ko foro leskri romjat dikan, putchan le: “Koon hi koja?” Penas job: “Joi hi miri pheen.” Les his traash te penell: ‘Joi hi miri romni.’ Job daras, te denn le les mulo, te lenn jon lat, jaake shukar his li.

2. Familjakro liil 19:2

Un kote was leske o dikepaskro, o Jehu an o drom. Koleskro dad his o Hanani. Un o Jehu penas ap o baro rajeste Josafat: “Hoske wal tu o tchilatcho mursheske ap i rig, un wal i maal kolestar, kai kamas o baro Deblestar tchi te djinell? Doleske well i choli o baro Deblestar pral tute.

2. Familjakro liil 20:37

Koi his i mursh, kowa kharas Elijeser, un his dran Maresha. Leskro dad his o Dodawa. Ap leste penas o baro Dewel i lab, hoi kowa dureder penas ap o Josafat. Job penas: “Tu kral tut khetne mit o Ahasja. Doleske krell o baro Dewel kowa paash, hoi kral.” Un kol shiffe phagan an kotja, un nai djan gar an Tarsis.

2. Familjakro liil 32:31

An ko tsiro, kai bitchran i pralstune dran o them Babilonia bitchepangren pash o Hiskija, te putchenn le lestar, hoi an o them djas, har o Dewel sawo baro koowa kras, hoi kek wawar nai krella, kote mukas les o Dewel kokres, te dikell lo, hoi an leskro dji hi, un hoi krals lo.

Gosewe laba 24:16

Kowa, kai an o tchatchepen tardo hi, nai perell efta kope, hako kopo stell lo pale pre. I tchilatche perenn an i bibacht.

Gosewe laba 29:25

Kowa, kai darell i menshendar, perella. Kowa, kai rikrell pes ap o baro Debleste, pral koleste rikrell lo peskre wasta.

Gosewe laba 6:29

Jaake djal koleske, kai pash i romjate i wawarestar djal. Hakeno, kai lat an-taprell, lell peskri phagi.

Sikepaskro 7:20

Kek mensho hi jaake an o tchatchepen tardo, te krell lo kokres latcho koowa un anell kek doosh ap peste.

Efesarja 4:25

Ma chochenn buder! Mer ham lauter phrala un phenja. Doleske rakrenn o tchatchepen jek o wawareha!